外傳 吉仔之生日料理

話說聽日我生日。

娘親話遲下帶埋女朋友一齊再慶祝喎。
...
點解佢知架?

算啦。
響呢個時間吉仔冇啦啦黎左我屋企。


「喂﹐我知你餓架啦。」佢攞住兩袋餸。
話煮餐飯同我預祝返喎。
我就唔信個死仔咁好死啦。
Chok左兩句﹐
原來佢想參加學生會既廚藝比賽。
順便練習一下﹐
估唔到平時木木訥訥既吉仔會參加呢啲野。

再問兩問﹐
原來有成班厹都去參加﹐


獎品仲係陳希瞳既香吻﹐
唔怪得知佢去參加啦。

佢響廚房到煮左半日﹐
都唔知煮乜鳩。
諗住走入去睇下佢有冇炸左個廚房。
結果佢就話「食得架啦﹐等多一陣。」
佢推左我出去﹐
仲閂埋度門。



你唔好炸左我間屋呀!
我要用老媽子解釋架!

就係咁﹐
我就比佢趕返出黎﹐
咁我只好返入房打機。

打左一場LOL。

「食得啦!」
嘩﹐終於有得食﹐
真係餓到胃潰瘍呀。
我拿拿臨衝出飯廳。

佢話要保持神秘﹐


叫我合埋眼﹐
見你咁有我心﹐
響我獨自一人既時候陪我。
唉 聽你講啦。

佢搬曬啲餸出黎「好啦﹐你可以睇啦。」

聞落去好香咁。
不過我一打開眼﹐
眼都突埋出黎。

「第一樣餸﹐燈燈燈凳~番茄蛋。」佢極自豪咁講。
本來以為係普普通通既番茄炒蛋﹐
結果係名符其實既原隻番茄配原隻烚蛋...
好彩佢有烚隻蛋咋!


真係好撚好彩呀!
如果唔係食屎都得啦。

「第二樣!薯仔燜雞!」佢打開第二樣餸。
唔會係原隻薯仔同雞呀?
我信佢做得出...

望一望﹐
仆你個街!
薯條燜雞﹐仲要兜野係黑色?
放過我啦。
我唔想咁早死呀!

「第三樣﹐菜心。」
我唔信菜心可以有咩特別!


今次實冇死呀!
我放心咁夾左條黎食...
屌﹐點解咬落去爽既?

「吉仔﹐你有冇煮過碟菜心?」仆街仔你一定要答我有煮過。
「緊係冇啦!根據哈佛大學既研究...係咪哈佛大學呢?屌﹐唔理啦。總知啲菜要新鮮食先健康架啦!」

我哈你老佛呀。
真係好撚新鮮。
好撚健康呀。
我可唔可以唔食呢餐飯呀?

「吉仔﹐不如我地打包俾啊雄呀?我地食左甜品先啦。」佢一定唔會咁好心機整蛋糕既。
一定安全既。



「好呀﹐估唔到你咁想食我親手整既蛋糕呀。」佢去雪櫃拎左個蛋糕出黎﹐
冇啦冇啦。
我實死冇生啦。

「香芋蛋糕!」

個樣都睇得既。
我咪咬左一啖﹐
有顏料味既?

「你個蛋糕啲色邊到黎架…」我睇下啲cream。
「我冇食用色素咪用廣告彩囉。」佢好淡定咁講。

但我唔淡定呀!
我即刻衝去廁所嘔。

本來諗住有得食好野啦
點知條仆街仔想毒撚死我!
呢個生日真係唔過都罷!

當我以為吉仔響個廚藝比賽一定輸﹐
佢竟然贏左!

冇天理呀!

到底點贏架佢...

我後來得知﹐
原來個比賽個主題係「地獄料理」。

因為學生會班學生一直都唔係咁鍾意啲老師﹐
話咩都限住曬﹐
所以就同啲老師講個主題係「天堂美食」﹐
但同啲參加者講「地獄料理」。

啲老師又冇可能唔食架嘛﹐
最後佢地勉強都樣樣食左兩啖。

比賽之後啲老師有大半都冇返﹐
有啲話肚瀉﹐
有啲話嘔﹐
有啲就發燒。

我當堂嚇一跳﹐然後得啖笑。