《讓我重新遇見你》·緣圓系列·: 第二十一章 無意

第二十一章 無意

生日完左﹐
又過返啲反常既生活﹐
就係返學...

食完lunch果啲堂。
真係
好 撚 眼 瞓 呀。
屌,呢堂仲要係Miss Yip堂。



抬高頭﹐
微微張口，
反下白眼。
好啦。
早抖啦各位。

「嗞...」我部電話響我櫃筒震﹐
屌乸星。
次次瞓覺都係最多人嘈既時候。



我拎部電話出黎睇。
係陸矛琪。
佢又搵我做咩呀？

上次已經冇啦啦Whatsapp搵返我﹐
同我講當初分手既原因。

------------------------------
添,當初對唔住。


我屋企真係唔得啦。
我唔可以留響你身邊。

我唔想同你分手。
我地仲有冇機會一齊返？
------------------------------
冇機會。
------------------------------
覆完之後根本冇心機瞓覺。
一直響到諗佢屋企咩事。
搞到同啊婷第一次約會就差啲遲到。

睇下佢今次又咩事先﹐
我帶埋電話問女魔頭可唔可以去個廁所。



「喂？」我真係極唔鍾意whatsapp
「啊添...嗚...」陸矛琪喊緊。
「咩事呀？」其實我真係有啲不耐煩,不過冇理由佢喊緊仲發佢脾氣。
「我...唔夠錢...保釋我爸爸...」唔係咁撚開心呀？
「我就放學啦。你等唔等到？」咁冇理由唔幫架嘛。
就念在一場朋友。
「嗯…我等你」約佢響邊到等好？

冇理由約佢響學校門口等架嘛。
等等比啊婷見到之後誤會就唔好啦﹐
之後我就約左佢響天耀等。

去個廁所去咁耐﹐
等等又要比個女魔頭話。
拿拿臨返班房先。



「死仔去個廁所去咁耐﹐實打飛機啦你。」吉仔響到煩我。
「係呀係呀﹐未洗手㖭呀。」我一野hi落佢塊面到。
「屌你...」佢細細聲咁講﹐
仲響咁用紙巾抹自己塊面。

傻仔﹐咁都信。

唔玩住﹐
whatsapp啊婷先。
同佢講我唔同佢放學。

-----------------------------

我有啲緊要事做﹐


今日放學陪唔到你呀。
記得小心啲返屋企。

------------------------------
「goodbye,class.」
我勁快手執好哂所有野去搵陸矛琪。

銀芽一聲﹐
「下一站,天耀」
話咁快就到左﹐
一落輕鐵就見到陸矛琪。

「行啦﹐去保釋你老竇。」我行過去叫佢﹐
佢一見到我又響到喊。



面對住女仔喊﹐
我無能為力。

我真係好驚女仔喊。

我俾張紙巾佢。
聽佢訴苦。

佢講左一輪﹐
重點就係﹐
當初分手係因為佢老竇老母離婚﹐
佢跟左佢老竇﹐
老竇成日打佢。
日日顧住飲酒。
迫佢退學去返工。
今日仲因為打人俾人拉。

成件事就好似CCTVB戲情咁。

不過現實中又有幾多人係單親家庭呢﹐
甚至仲會有家暴呢？

Sor9﹐一時感觸。
本來以為聽佢訴苦就冇事﹐點知...

「啊添﹐你可唔可以攬住我呀﹐就一次咁多啊...嗚...」

攬一下啫﹐應該冇事既。
唔得唔得唔得﹐
我已經有啊婷架啦。

「我有女朋友架啦。」
佢聽到之後喊得仲勁...
「係咪之前果個女仔...？」
「嗯。」佢呆左一陣﹐再望一望我。
「我有咩比唔上佢呀？」唔好問埋曬啲無謂問題得唔得？
「感覺呢啲野講唔到架。」我再遞多張紙巾俾佢。
「啊添...」佢一野繞住我條頸錫左埋黎。
我完全反應唔切﹐
避唔到。
不過我已經好快手咁推開左佢。
「乜真係冇以前個感覺咩？」佢用通紅既眼望住我。
「冇。我只會認定左一個女仔。」我放低啲錢。
連陪都冇陪佢去保釋佢老竇就走左。

走之前隱約聽到陸矛琪講「點解連你都係咁...點解我最愛既人個個都離開我...？」

我地唔會有可能架啦。