[刺客教條][長篇故] 果晚玩完刺客教條，家姐同我講……: 第13章：裝備獲得

第13章：
 
無意中我從家姐的記憶鎖匙讀取了她的記憶，並了解到原本在IFC找到的伊甸碎片是從何而來。從記憶中的任務得知伊甸碎片被以前的刺客大師分別擺放在啟德機場的不同地方裡，到達時已被聖殿騎士完成併砌出碎片，駕車離開了。
 
回到臨時總部，我立即一五一十向教主匯報記憶鎖匙的事，他回應：「估到啦，呢幾條友冇咩邊個係正常咖，係咪。我地都會諗一個全面嘅計劃去應對嘅。不過就咁，你地呢班新人，仲有排學，我諗訓練呢，就點都要咖喇，啱唔啱啊。話時話唔見你兩位朋友嘅﹖」
 
教主聲音剛落，阿純和阿健就剛剛到達。
 
「教主，我地到左喇﹗」
 




「我以為我地遲到……」阿純和阿健都喘著氣說，似乎他們是因為以為自己遲到所以一下車就跑過來。
 
本來我跟他們約好了早上11時一起到臨時總部收取袖劍和制服，但我因為昨天記憶鎖匙的事所以提早了回來。
 
我這時候，正經起來，問了教主：「如果宜家我地再拖落去，萬一比果幾個人走甩，咁點算，點解我地唔可以宜家直接計劃個行動，一鋪玩殘佢地﹖」
 
「你咁問就證明左你天真囉，隼哥。宜家聖殿騎士財雄勢厚，係咪。你想玩殘佢真係發夢都冇早，就算拖落去都唔係壞事喎，基本上呢，入得政府做野嘅十個有八個都係聖殿騎士黎咖喇。何況阿隼哥，君子報仇，十年未晚，係咪，你地宜家好彩先唔使死咋，你諗下你地有幾多次徘徊死亡邊緣，啱唔啱啊﹖嗱，你地宜家訓練好先，工欲善其事，必先利其器，啊嘛，係咪。我地唔想再有我地嘅兄弟喺出面有咩冬瓜豆腐。唔係點對得住你伯爺﹖」教主語重心長的說。
 
「我老豆﹖其實我想知佢係點咖，我淨係知佢係一個普通嘅生意人。」我問。
 




「唔係咁簡單嘅，佢就係前一代嘅刺客大師。」這一句令我覺得有點意外，竟然自己就是刺客大師的兒子。雖然我從來沒有見過我爸爸，但我希望他的兒子不會是這麼廢。
 
於是我就跟阿純和阿健一起到那位中年女助手面前，要求取回袖劍和制服，中年女助手問：「其實我上次唔記得問，你地要邊款咖﹖有幾款嘅，普通型、支援型、駭客型……普通型就同古代嘅差唔多，得把刀，同埋有個隱藏左好似BATMAN手套上嘅刀咁，戰鬥時候，噤個制就可以彈出黎。支援型即係支援專用啦，當然都會有把刀，特別功能係有種好似BATMAN個腰帶咁，可以裝備唔同嘅用品，裝毒針又得，裝追蹤器又得，隨你喜歡。至於駭客型果把刀除左係刀之外，仲係電流器，如果唔想殺人，例如威迫嘅時候就用得著，佢有架無人機，而果架無人機亦都係一部駭客專用機，就好似BATMAN咁。不過唔使驚，呢三種係基本，你可以兩溝又得三溝又得，不過改裝要加錢。」
 
帶著鄉音的中年女助手十分詳盡的介紹了每種袖劍都有不同的功能，如果她不是穿著兜帽上衣，我會以為她是那些校服公司的姨姨，只要一講出自己學校名就已經知道了所有事情似的。不過這位比較喜歡BATMAN。
其實我還可以使用家姐的袖劍，以她袖劍的規格，應該是駭客型，所以我乾脆要個普通型就可以。
 
「咩都好似BATMAN咁，不如著BATMAN套衫咪得囉。唔該姨姨我要支援型，唔使點出去打幾好。」阿純說著。
 
「叫我鉗姐，咁唔可以侵犯人地版權咖嘛，哈哈哈。」中年女助手笑說。




 
「我要普通型。」我說。
 
「好彩我地每樣整左一個，咁你就要用駭客型喇。好喇，你地拎住套衫快啲著左佢喇。」鉗姐向著我們說。
 
這套刺客套裝不是一件兜帽衛衣而是一件大褸，整件就像一件紅白色的燕尾服，質料比一般大褸輕盈，柔順。
我們立刻把它穿上，這件可說是我最喜歡的制服，沒有之一。
正當我們穿好之際，我們面前出現三個身影，分別是聰明豆和其餘一個男一個女刺客。
 
聰明豆說：「好，你地嘅訓練正式開始，我地宜家就係你地師父喇，係咪覺得好興奮。」
 
我們三個都無奈的說「係﹗」
 
「份通告上面話，係由……我負責阿隼嘅訓練。呢位係林友德，我地叫佢艦長，佢會負責阿健嘅。之於阿純，你師父係呢個高秀平，有女神做你師父，威啦。」
 




突然多了兩位兄弟姊妹，大家握過手，了解一下對方。林友德是一個感覺很有領導才能的大哥，自信滿滿的樣子，還有得體的談吐，叫艦長這個名字當之無愧。至於那個高秀平是個跟名字相反的女孩子，是一個運動女神，如果要跟一個名人相提並論的話，她就好像是身材比較好比較漂亮而且是運動型的黃君馨。
 
聰明豆看見我無奈的樣子，就說：「使唔使咁樣啊，我宜家好失禮你咩。」
 
當然我立刻否認，看了看，聰明豆究竟比起這兩個人有什麼過人之處呢﹖除了比較聰明之外。