[刺客教條][長篇故] 果晚玩完刺客教條，家姐同我講……: 第26章：風暴前夕

第26章：

我和聰明豆同時走出房門，大家都以一個充滿陰謀的表情對著我。

「你威威啦，琴晚。」阿純諷刺的說。

「邊係呢，話時話你琴晚去左邊﹖」我問。

「琴晚，都唔知係好嬲定好笑。琴晚我同大家走失左，點知聽到有個講泰文嘅女仔同我講野，我當時醉醉地，聽到男人聲以為錯覺，我行行下佢問我：『你想我插你定你插我啊﹖』我即刻鬧佢，『我插你條蕉啊﹗』
佢好似唔明，仲變到好興奮，於是我摸下佢個頭，佢突然間就好嬲咁走左。




我醒起唔可以摸泰國人個頭。」

聽完他的故事，我們都覺得非常無奈。

「好喇，宜家講返正經先。
  我喺你地開心緊果陣，我睇到新聞，佢地報導左警察總部單野。我地組織嘅處境好似有啲嚴峻，我諗住返一返總部，你地跟唔跟埋一齊﹖」艦長說。

我們當然答應了。

我們來到總部，「星戰會議」又在會議室內舉行。不過只是明顯少了很多人。





「嗱各位，多得阿琦哥，我地嘅組織就比人發現在喇，宜家可能好危險，係咪。阿琦哥可唔可以解釋下﹖」一進去的時候，教主問梁天琦。

「阿教主，咁艦長call返總部話阿隼佢地要支援嘛，我咪去囉。」梁天琦解釋。

「咁你都唔使揸架裝甲車咖，淨係拎火箭炮咪得囉。」泰博問。

「咁嘅，我諗住轟左一野之後，佢地安全之後可以轉移視線啊嘛。」

「喂，阿琦哥，宜家你使咁多錢買架裝甲車返黎就收好佢，係咪。你宜家就不知愧恥、毫無反省，仲要諉過他人，係咪。我地旨意你咖嘛，啱唔啱啊﹗」教主無名火起。





會議室傳來一陣陣火藥味，幸好在場的成員都為大家噴上空氣清新劑：

「你地一人少句啦。」

「係囉，宜家大家冇事咪得囉。」

「教主不如講1月1號點啦。」

教主很快就冷靜好，以大局為重。

「勇敢啲啦，琦哥，你呢係可造之才黎咖，係咪啊。」教主托一托眼鏡說。

「好，我地1月1號就有元旦大遊行啦，我地本身本土派雖然同佢地唔同路，但係我地混入去，係咪。之後再挑釁班差佬，令班契弟露出個狐狸尾，係咪啊。之後大家一定會同班人嘈，之後我地就可以發動攻擊……」教主跟大家詳細的解說了當日的安排。
「趁呢幾日，大家休息一下，休息之餘要準備下，得唔得啊。好，係咁﹗」教主說完，大家就開始散去了。





「阿阿阿...阿你地六個唔好走住。」教主向我們揮手叫道。

「你地呢，呢排辛苦喇。1號果日你地休息下啦，黎緊仲有好長嘅仗要打咖，得唔得？」教主搭著我的膊頭說。

「但係果日先最重要，始終我地要鼓動大家。」阿健提出。

「唔使擔心，係咪啊，我地仲有咁多人喺度，係咪。分分鐘勁過你啊，哈哈真係。不過如果係有咩特別情況，我地會通知你地，得唔得？」

我們唯有恭敬不如從命，跟著人群走出總部。

「喂，既然有幾日假期，大家想點過？」阿純問。

阿純望一望我們兩對小情侶，再望一望艦長，無奈的說：「得，明白...唯有同艦長一齊過。」





「我唔得閒喎，我要返工。何況都要準備訓練下。」

「林友德，你好野！」阿純喊著。