[刺客教條][長篇故] 果晚玩完刺客教條，家姐同我講……: 第41章：自成一國

第41章：

「豆豆啊，你覺得我係咪好冇用……」

我和聰明豆靠在露台欄柵，望著外面的環境談起。

「唔係啊，做咩無啦啦咁講﹖」

「因為我救唔到我家姐……加上次次行動我都好似拖累左大家咁，我係咪真係配得起刺客呢個身份呢﹖」我問。





「唔會啊，果日我地喺警察總部入面果日，你已經救左你家姐一次。我地只要由源頭落手，我到就救到你家姐咖喇。」聰明豆說。「仲有啊﹗邊有話邊個累邊個咖﹗我地一Team人黎咖嘛﹗始終大家都仲後生，唔識嘅野咪變到識……最緊要唔好放棄。」

「就係因為我地係同一Team人，我先想順利啲……」

「點會姐，就算係……果個都係阿純啦，幾時都你喎……」

「呃……小丑佢地話食得飯喇喎。」阿純在我們背後出現，看來他已經聽到我們說的話。

「阿純……我地唔係咁嘅意思。」聰明豆連忙道歉著。





「豆豆，你去食野先啦。」我為了讓聰明豆好下台，我先叫她先去吃飯。

「阿純，頭先我諗佢都係一時唔知講咩，想求其搵人比黎安慰我姐。」我也連忙為聰明豆掩飾著。

他是我一直以來的好兄弟，雖然我知道這些小事，他不會放在心內，但始終聽到這些話，誰都不願意聽。

阿純從衣袋拿出一包香煙，拍兩拍……從煙盒拿出一根，點燃著。
他示意問我想加入嗎﹖我亦禮貌拒絕了。

「你幾時開始食煙咖﹖」一直以來，煙酒從來都不是他的興趣。





「呢排都唔得閒嘛，邊有時間食……我食左年幾到啦。」阿純呼出一個煙圈，雙眼發呆的說。

「係咩，怪唔知得都冇咩留意……係囉，我地都好耐冇咁樣正經咁傾計喇。」我說。

「其實我有時都會有諗過聰明豆講嘅野，我都覺得我先係拖累大家果個。」

「點解咁講啊﹖」我問。

「好似……成日都問啲無聊嘅問題，成日都好似揦手唔成勢咁。」

「唔會……唔會啊。學佢話齋，我地一Team咖嘛，何況你識揸車喎，又幫過我地擺脫敵人。就好似足球小將個梁仔咁，雖然佢好似好廢咁，但係佢一直都係正選，仲入埋國家隊，證明佢都有佢嘅能力。」

「我邊忽似梁仔啊﹖﹗不過你咁講又係嘅……」





「係喎，梁仔好似都有女，你冇……哈哈哈。」我笑著說。

「好過份啊林隼升﹗」阿純哭笑不得的說。

「本來我要比人安慰，點知安慰返人轉頭添，多謝你啊。」我道謝。

「應該我講多謝先至係，不過你咁樣講好Gay啊﹗」

「去食飯啦Gay佬﹗」

於是我們就一起去吃飯。
走到飯廳，看見大家已經就坐了，我坐在聰明豆旁邊。

「好彩唔開飯咋，如果唔係個個等你地兩個。」她細聲說。





在飯桌上，全部都是家常便飯，有蒸肉餅，蒸鮮魚，炒菜心等。讓我想起以前大伯父和大伯娘做的飯。
不過當中有一碟奇怪東西。

「食飯﹗」

「阿陞下，請問呢味咩黎呢﹖」我好奇的問。

「你食左先啦，唔係啲咩牛歡喜果啲，你估你喺廣西咩，哈哈哈哈哈。」小丑笑說。

「又幾好食喎，哈哈哈。」

「話時話，頭先殺左條差佬呢﹖你地最後點處置佢﹖」阿純問。

「呢，你地咪食緊囉。」





什麼﹗﹗我們正在吃人肉嗎﹖

「講笑咋，哈哈哈哈哈，雞心黎姐果啲。」小丑自已笑著說，我們差一點又要請清潔員清潔地板。

「啊……哈哈，陞下真係識講笑。」我們無奈的說。

那天晚上，我們就在「歡笑」聲中吃完這餐晚飯。

……另一方面……

一個會議裡……

「局長，我地派人去追架裝甲車嘅時候追到去一條村村口嘅時候比你伏擊，佢地冇一個人生還。」警務署署長向發展局局長陳茂波報告。

「咩話，佢地竟然咁快搵到幫手﹖﹗」陳茂波激動的說。





「最高大師，佢地有支援喎，單單靠我地嘅警隊會唔會唔夠打咖﹖」陳茂波問。

「咁啊……署長，你首先派曬你啲人手去佔領住啲刺客支部先，等佢地冇容身之所。」

「係……」

「如果既然連飛虎隊都搞唔掂就要靠佢地喇。」最高大師摸著下巴說。

「TEST PROJECT 1宜家情況點啊﹖」陳茂波問創新及科技局局長。

「我地雖然已經控制到佢，但係情況仍然好唔穩定，隨時要放棄，搵2號。」

…………