[刺客教條][長篇故] 果晚玩完刺客教條，家姐同我講……: 第43章：自己支部自己救

第43章：

「咁我地宜家即刻去召集啲人出黎﹗」黃台仰說。

我們大家點了頭，就跟梁天琦一起衝向升降機離開了。

這時候，艦長向大家講解這場最後的兄弟會支部防衛戰的作戰計劃：「好，宜家佢地兩個去緊召集啲人，和人你打去同小丑佢地講準備人手支援，雖然我都知佢地剩返嘅都唔多，叫小丑佢地盡量啦。」

「係﹗」和人得悉後，便立刻向小丑他們撥打電話。





「聰明豆、女神，你地宜家照顧好受傷嘅兄弟姊妹，隨時需要用緊急出口，千祈唔好阻擋到佢。暢哥，我知你好想幫手，但係我地唔可以再失去任可一位成員喇，所以你盡量幫兩個女仔手。」

「艦長，你地都要小心啊。」暢哥無奈的說。

「知道﹗」兩位女孩子和暢哥都去了解傷兵們的情況，估計他們應該穩定下來了，隨時可以逃走。

「好喇，宜家暗洙睇實住閉路電視，差人一黎我地就可以即刻應對到。呢個升降機會支部唯一嘅入口，宜家呢部野最多可以放到10個人。」

「咪住咪住先，阿艦長……有樣野我唔係好明，既然有緊急出口，點解我地唔全部人由果度走﹖仲要喺度打咩攻防戰﹖」阿純又說著，雖然感覺他仍然是在問些無聊問題，不過又無法反駁。





「咁呢個係我地最後一個兄弟會支部嘛﹗呢個時候仲講無聊野﹗」阿健激動的說。

「呢個時候唔係話無唔無聊，咪就係因為既然都最後一個，我地可以重新再起過咖嘛﹗我地人仲喺度，就算兄弟會冇曬，我地都仲可以捲土重來。」阿純反駁。

「兩個一人少句啦，就打到黎喇……」我嘗試安慰他們。

「阿隼你成日都好似冇做過啲咩咁，仲好意思出聲﹖﹗」阿純講起了我。

「喂大哥，無啦啦做咩燒埋我果疊﹖﹗」我們幾個就吵起來。





「我可唔可以講幾句﹖」暗洙舉了手要求，這反而讓我們靜了下來，希望他又不會說些奇怪的話。

「阿純話我地全部由緊急出口走係好的確好冒險，因為大家望向屏幕，呢個係緊急出口出面嘅CCTV，已經有一大班警察喺度，如果要咁多人一齊行條咁窄嘅通道，仲要有傷兵，睇怕我地幾好打都冇用。
再加上我地咁多個支部比聖殿佬佔領左之後，所有嘅database全部集合返曬喺呢度，失埋呢個我地啲資料就真係唔知存去邊咖喇，到時我地就有生命危險。無辦法啦，為左要寫攻防戰，要突登屈阿純你錯喇。」果然暗洙在最後又說奇怪的話，不過他這次說出個重點來。大家都心服口服。

「咁……好囉，我認我錯囉，暗洙你又唔早啲講﹗」阿純從來都不是喜歡計較的人，很快道過歉後便和好如初了。

「好喇，嘈完喇係咪啊﹖唔該曬暗洙提供有用情報。我喺你地嘈嘅時候，同和人諗左個戰略，呢部升降機360度都可以見到出面入面嘅，暗洙睇實，突登唔鎖部機比班差佬落黎。所以我、和人、阿純、阿健同埋阿隼圍住部機企，我地5個人每人殺兩個，咁樣處理，大家有冇啲咩唔明﹖」艦長不讓大家浪費太多時間，立刻繼續安排。

「我諗佢地唔會咁蠢派曬所有人落黎呱，如果唔係咁我地咪可以完勝。」阿健說。

「唔好鬆懈啊，就係要比佢知道我地唔係流嘅。」我說。

「咁如果佢地落多過10個人落黎咁點算﹖」阿純問。





「唔會咖，我唔會咁樣發展個故事落去。其實佢落幾多人落黎我會睇實，加上有重量限制，分分鐘7－8個都有可能。」暗洙說。

「好啦，大家各就各位﹗」