第69章:

在沒有任何人通知下,阿健和女神已經被艦長「處決」了,他們被要求在尖沙咀地鐵站放火自焚,奇怪的是,在爭相走避的人群中完全看不見他們的身影。

「你要殺佢地咪淨係殺佢地囉﹗做咩要波及啲無辜嘅人啊﹗」回到立法會大樓,艦長跟旁邊幾位成員在相討事情,卻被我一下子打斷了。

「下,阿隼,你究竟講緊啲咩﹖內鬼都清走左啦,你黎放我晦氣都冇用咖,我都知佢係我地嘅好朋友,但係……」艦長神態自若的解釋。

「你唔使再講喇,我地已經咩都知道曬。」聰明豆說。





「乜係咩﹖」艦長突然把臉一轉,露出狐狸尾巴的時候到了。

這時候,數十名持槍的成員把槍管對著我們,把我們包圍了。

「你宜家先發現咪算遲,點解我要傷害無辜,你地對住咁耐聖殿騎士,唔係唔知我地為左目的,就算有幾不擇手段都冇所謂,目的就係宜家冇人支持你地咖喇。我搞咁多野,又軍隊又小丑班人為左咩﹖為左令你班傻仔入局,整衰刺客兄弟會,然後再搵多一大班人加入我地聖殿騎士。」艦長攤開雙手說。

「咩話,即係除左我地幾個,你地甚至梁天琦佢地個個都係聖殿佬﹖」我問。

「係啊,你睇下,阿純都過左黎呢邊喇,你地刺客兄弟會玩完喇。」艦長笑說。





「我要殺死你個仆街﹗」我衝上前伸出袖劍。

艦長沒有示意成員開槍,卻一巴掌再一踢將我打在地上。

「啪」的一聲,響遍全個議事廳。

我按著通紅的臉說:「你打左我兩次﹗我大伯父從來都未敢打過我咖﹗」

艦長稍為呆了一下:「所以你至咁任性,要比人打過啊先會變成一個有用嘅大人咖。」





「我絕對唔會放過你,就算以後我都唔會放過你地聖殿騎士咖喇﹗」我繼續說。

「你睇下宜家嘅情況先啦,究竟邊個唔放過邊個都未知啊。」艦長笑著說。

「喂,艦長,你幾時變到咁咖﹖」聰明豆上前說。「以前大家唔係一齊捱一齊支持大家咖咩﹖點解……」

「砰﹗」

「女人真係好麻煩啊﹗」艦長持著手槍向聰明豆的胸口開了一槍。

聰明豆沒有再說下去,她倒在我的懷裡,傷口不停的流血,我只好用手一邊把傷口牢牢按住一邊撫摸她臉膀,她搖著頭說:「隼隼……我愛你,你……你要加油。」
說罷,手一鬆開就死去了。

「豆豆﹗」我這一刻完全崩潰,跪在她旁邊哭成淚人。





「好喇,做完show喇嘛,唔好喊啦,下個到你喇,都係陣間見姐。」艦長的真面目完全露出。

我沒有回應,仇視眼前著一直都一本正經,還裝成我們朋友的林友德。

「準備喇,我嘅朋友。3,2,1……」

「砰、砰、砰、砰」