[刺客教條][長篇故] 果晚玩完刺客教條，家姐同我講……: 第71章：捲土重來

第71章：

「隊長……﹖呢個係咩地方黎﹖點解好似咁神秘嘅。」水姐問。

「問你地一個問題啊，知唔知點解當我地仲喺立法會大樓嘅時候，會見到好多個好似我地咁嘅戴住兜帽嘅成員……有冇諗過點解會發展到會有盟軍呢樣野呢﹖」我像一個老師似的向大家發問。

大家又有趣的向前後左右的人互相討論。

「乜隊長唔係同梁天琦佢地一樣係本土派嘅人黎咩﹖」查理問。





「我記得，隊長同隊長家姐佢地喺議事廳同艦長嘅對話，有聖殿騎士同埋兄弟會……」龍巴立提起。

「喺開估之前，我想問水姐一個問題。」家姐摸著下巴問。

「其實我覺得有啲令我唔明嘅係，究竟咩事會令你地咁忠心追隨我細佬豬呢﹖」家姐繼續。

「上次我咪講過囉，因為既然上校做得我地隊長，就要誓死追隨咖嘛。」水姐摸著頭說。

「真係咁簡單咩﹖」家姐的一句，氣場讓水姐和查理嚇了一下。





「咁咁咁……」水姐說不出話來。

「你地究竟係咪聖殿佬﹖」家姐問。

「唔係咁咖﹗」查理站出來向家姐說。「係因為……係因為……」查理正想說出來，卻又被水姐極力阻住。

「咁……唔講唔緊要啦，睇你地個樣應該都唔似聖殿騎士嘅。」家姐笑說。

氣氛180度逆轉，水姐查理互相對望……鬆了一口氣。





兩個同時把手放在胸前，水姐說：「隊長，隊長家姐放心，我地一定唔會背叛你地﹗」

查理也說：「無……無錯﹗一日隊長，一世隊長﹗大家話係唔係﹖」

「係﹗」

未免太誇張了吧，既然這班小伙伴並不似是敵方，我應該把事實說出來。

「各位，實不相暪……其實我地唔係咩本土派，唔係咩小丑國……我地係……刺客兄弟會﹗」我說了出來。

「下﹖﹗」

「刺客兄弟會唔係打機入面嘅咩﹖」

「唔通呢度就係兄弟會嘅基地﹖」





「無錯喇，呢度就係兄弟會嘅舊總部。不過宜家已經荒廢左。」家姐伸出手指解釋。

「我同家姐覺得大家都適合成為我地真正刺客兄弟會嘅成員。」我說。

「我知道大家內心都有好多疑惑，我明白突然咁講係好難令大家相信嘅，我亦都可以比時間大家考慮。唔想加入嘅都可以就咁走，係唔會秋後算帳嘅。
拜託大家，我地嘅最後希望就係大家喇，唔該曬。」話的最後，我和家姐向各位鞠了一個90度躬，鞠躬不只是一個角度，而是一個態度，希望大家可以幫我們一把。

「細佬豬好叻啊，果然大個仔左，家姐好開心。」在大家考慮期間，家姐摸著我的頭說。

「唉……其實都好大壓力，成個兄弟會得返我地兩個人……其實我喺度諗，如果當時我同豆豆一樣，就咁死左去你話幾好，宜家我都唔知點捱落去。」我說。

「我唔准你咁講啊，家姐會嬲咖﹗比聰明豆知道啊仲嬲添啊﹗你死左，你家姐點算……就算我都死埋……你08小隊佢地點算……我都知宜家好辛苦，不過學UNCLE BEN話齋能力越大，責任越大……你唔可以淨係再諗自己咖喇。」家姐生氣的說，不過同時也覺得很溫暖。

「家姐……」這時候我眼框已充滿淚水。





「傻嘅，使咩喊喎，唔使驚，有家姐喺度，家姐唔係離開你，會永遠支持你嘅。」家姐把我牢牢抱實……我只好抱著家姐喊了一會。

幾分鐘後……

「啊……隊……隊長，隊長家姐，我地諗好喇。」查理說。