[刺客教條][長篇故] 果晚玩完刺客教條，家姐同我講……: 第74章：面對

第74章：

「隼隼﹗隼隼﹗」

「豆豆﹖」把我叫醒的竟然是聰明豆。

「...我係咪死左喇﹖」加上周圍空白的一片空間，我大概認為見到聰明豆的唯一原因是我都已經死去了。

「我都死左喇，你話呢﹖」聰明豆笑著說。





「吓﹖﹗」果然如此。「但係我宜家先做左刺客大師，咁家姐、水姐、查理佢地點算啊。」

「哈哈哈，傻隼黎嘅，你未死咖，只不過係暈左咋。」聰明豆抱著我說。

「咁點解我會見到你咁超自然嘅﹖」

「我都唔知啊，不過其實我地係刺客呢一樣野已經好超自然啦。」聰明豆單眼微笑說。

「豆豆......我好驚啊，我好想永遠喺度陪你。到我醒左，又要打仗又要保護身邊嘅大家，雖然一切都未開始，但係已經覺得好大壓力。」我靠著她說。





「唔得咁咖隼隼，你已經唔可以淨係諗自己咖喇。我都知會好大壓力，最多以後見步行步囉，多啲問身邊人嘅意見。」聰明豆語重心長的說。

「好啦，我會盡力咖。」我帶著疲態說。

「唔好咁啦隼隼，係差唔多要醒咖喇，帶住佢，呢個係我送比你嘅禮物。」聰明豆把一條羽毛裝飾的頸鍊戴在我的頸上。

「如果你搵到更好嘅女仔，我唔會介意咖你同佢一齊咖。」聰明豆緊抱著我。

聰明豆開始離我越來越遠......她的樣子和聲線越來越模糊「如果你想搵我傾計，訓教就搵到我咖喇﹗加油啊﹗」





「隊長﹗隊長﹗你醒喇﹖」

我終於真正的醒來了，暈了的時間發了一場這樣的夢，既失望也開心，現在蹲在我旁邊的是水姐和查理。

「多得水姐救返隊長你咋，知唔知隊長你頭先冇左脈博，又冇曬反應。得水姐識幫你人工呼吸咋。」查理急著說。

水姐害羞的阻止查理繼續說下去。

「咁......和人呢，家姐呢﹖」我比起自己，更擔心他們的安危。

不過我打量四周，只見大家在休息，戰事應該暫告一段落。

「阿隼，你冇咩野咖嘛﹖」眼前有兩個熟悉的身影站在我面前。

「古叔﹖﹗連G-Dragon都喺度﹖﹗小丑陛下派你地黎幫我地咖﹖」眼前的竟然是小丑國的古叔和G-Dragon。





「哎，估唔到艦長條仆街係二五仔。知道你地有危險，陛下都好念情，都叫我地黎幫幫手囉。」古叔說。

「係啊，不過陛下就話唔會再同你地做聯軍，最多幫下手支援都可以。始終見過鬼都怕黑。」G-Dragon無奈的說。

「我明嘅，幫我返去同陛下講聲唔該曬。」我說。

「無問題﹗啊係，恭喜你成為刺客大師啊。要比心機啊後生仔。」古叔拍著我膊頭說。「其實我地可以私底下幫你地執下啲地方，頭先我地趕到黎啊，嘩艦長班友打到入黎，你又比人打鳩暈左。好彩我地快手，好快就搞掂左佢地咋，始終係未夠經驗。」古叔說著剛才發生的事。

「所以再一次多謝你地，啊係喇，有冇見過我家姐啊﹖」我問。

「我咪喺度囉，細佬豬。」家姐旁邊走過來。

這時候，大家都微笑著轉身離開，繼續自己的工作。





「你冇野啊嘛﹖」家姐問。

「我冇事啊，你呢﹖和人呢﹖」我急著問。

「傻豬黎嘅，大大個家姐棟喺度點會有事姐。和人都冇事，宜家休息緊喇。」她輕輕摸著我的頭。

「家姐啊。」脆弱的我又忍不住抱著家姐。「我頭先發夢見到豆豆啊。」

「細佬豬，你唔好咁啦，我都知你......咦﹖你幾時有條咁嘅鍊咖﹖」家姐指著。

我一看，在我胸前，掛住了一條羽毛裝飾的頸鍊。