[刺客教條][長篇故] 果晚玩完刺客教條，家姐同我講……: 第77章：攞景贈慶

第77章：
 
「咦，乜兄弟會多左咁多人啊﹖」突然一把熟悉卻語氣完全相反的人進入了我會的總部。
 
「艦長﹖﹗呢度冇人歡迎你地啊﹗」水姐說，原來是艦長和幾個他們的成員。
 
「唔使咁緊張喎，我黎睇下我班新嘅成員點姐。」艦長說。
 
「阿隼，你個翻版刺客大師。」
 




「艦長﹖你醒下啦，做人on9冇藥醫，但係你宜家仲有得返轉頭咖。」家姐說。
 
「你係咪有啲野搞錯左﹖我由頭到尾根本冇同你地同一陣線過，一切都係扮咖咋。」艦長說。
 
「咁你就唔好扮睇新成員，仲話我係翻版刺客大師﹗你唔覺得咁講好矛盾咖咩﹖﹗」我咬著牙，跑過去向他揮拳打過去。
 
可是一下子就被旁邊兩人阻止住。我又再一次被兩人捉住，果然聖殿騎士的人很喜歡這樣抓起人。
 
「你睇下你地嘅刺客大師，根本廢柴一個，唔係諗住咁就打到我下哇，你地都考慮下，加入我地聖殿騎士啦。」艦長向其他人說。
 




看見大家都沒有作聲，有的還產生懷疑，互相張望；有的咬緊牙關表示不服氣的樣子。
無錯，身為刺客大師，一舉一動都對各位成員有著一定的影響，所以我不能動搖，更不能放棄自己。
 
「大家，我係阿安趁大家都未完成儀式，宜家轉plan仲趕得切咖。」旁邊的手下以一個裝作幽默的跟大家說。
 
「係啊，我係阿信，轉plan仲有禮物送添，又有得無限數據。哈哈哈﹗」另一位手下說。
 
大家都聽得十分無奈，這時候我不可以沈默太耐，我一定要讓自己的刺客成員知道，他們的隊長是個有能力的人。
 
「哈哈哈哈哈，真係好笑。艦長，乜你搵啲左右手咁低質啊，可唔可以好似你咁好戲啲咖﹖唔係以為真係好好笑下嘛﹖」我笑著說。




 
「咩話﹖我地明明比喻得好好﹗」
 
「咪係囉﹗」
 
「艦長，收埋啲咁嘅手下，好心你檢討下啦，我驚影衰你地聖殿佬。」說罷，我雙手一拉，兩人原來抓住我袖劍的位置這時候鬆開了，我毫不猶疑伸出袖劍……
 
「唔好意思喎，佢地同我簽左約咖喇。」我一下子就把他們的手砍下來。
 
「嘩﹗」他們頓時失聲尖叫。
 
「睇黎你兩個手下先係廢柴喎，咁睇黎打低你都唔係咁難姐。」我說。
 
「艦長使唔使開火啊﹖」後面的人問。
 




艦長伸出手阻止：「唔使，我好走先，搵人黎帶走佢地﹗阿隼你好野﹗」
 
於是他們就夾著尾巴走了。
 
「隊長，使唔使追佢地﹖」查理問。
 
「唔好，艦長佢好好野咖，突然間做啲咁傻嘅野，有可能有伏。」我想了想，雖然跟艦長相處的時間不多，不過他的思路卻不難被看穿。「咁啦，查理，你搵幾個人跟蹤佢地，睇下佢地究竟搞乜東東。」
 
「係﹗」
 
究竟艦長是真的馬虎行動，還真是當中有詐……準備把我們一網打盡。
不過我不會讓後者的事情發生的。