[刺客教條][長篇故] 果晚玩完刺客教條，家姐同我講……: 第118章：合作愉快

第118章：
 
「嗯，估唔到阿方次郎整野都幾好食啵。」大家都吃得津津有味。
 
「過得去啦，我鍾意食野啊嘛。何況我地賣得野食，唔差得去邊呱。」方次郎自豪的說。「不過阿菲姐同露比煮野都唔差啊，查理都好幫得手。」他換著頭繼續說。
 
「邊係呢邊係呢，哈哈哈。」
 
在這頓飯，雖然是第一次正式見面，但是大家都彼此認識了大家，相方都為未來的合作關係打好了基礎。
 




「其實我地有件事想你地幫手嘅……」我說。
 
「睇下咩事，可唔可以幫到你地﹖」呂麻君問。
 
「我地宜家個兄弟會總部就比你地聖殿騎士破壞左，宜家呢……大家都冇地方住喇，所以……你地可唔可以收留我地啊﹖」和人在旁問。
 
「吓﹖乜你地刺客兄弟會得一個總部咖咋﹖仲要你地係堂堂嘅刺客大師同幹部啵，你啲𡃁呢﹖……」游也多雖然好奇的問，但語氣中仍然帶點不屑。
 
「我地兄弟會得返咁多人咋……」查理無奈的說。
 




「游也多，你唔好嘈住。但係我地呢度要打開門做生意，會唔會唔係咁方便﹖」遠桐貴說。
 
「呢層我地都知，所以你地有冇其他地方可以比我地住住先﹖分開住都得咖。」我說。
 
「其實唔怕，只要我地喺度開個結界，咁咪可以喺度住，又唔會阻住人囉。」阿純恍然大悟說。
 
「咪一樣要個結界跟你地，我地咪又係唔使用……」左又近說。
 
「咁又唔得咁又唔得……」查理氣得站起來走來走去。
 




「一係咁……」我托著下巴說：「我地今晚去搵零件，即刻整一個出黎。」