[刺客教條][長篇故] 果晚玩完刺客教條，家姐同我講……: 第133章：似易實難

第133章：

「哦……咁我明喇。」我突然恍然大悟。

「你明咩姐﹖﹗你又唔係叫阿明……」相方攻擊了好幾個回合後，大家都停下動作，似乎就連得到力量加成的聖殿騎士們都需要這個中場休息的機會，儲回體力再大戰三百回合。

「哈，好好笑喎。」阿純喘著氣說。

「你地呢個乜鬼戰術黎咖，卒仔真係卒仔，就算比六道仙人嘅能力你地都只係一班卒仔。」我攤開手說。





「你講咩話﹖」聖殿騎士不忿的握緊拳頭說。

「你地諗下，你地有8個人，冇錯，夾中力量係會令我地難頂左好多，但係兩個人一組，我地有7個人，即係仲有3個人係冇對付緊任何人啦。會唔會一打一仲有效率﹖」阮桐貴說。

「關你咩事姐﹗我地做野唔使你教啊﹗」那名成員更憤怒的說。

「如果你地做到野嘅話，你點會覺得我係教緊你做野姐﹖塞錢入你袋咋細路。」阮桐貴說。

「唔好以為高我地幾級就喺度扮老屎忽啊﹗我地一齊上﹗」成員一聲令下，全部8人一湧而上。





「散開啊﹗」在各成員越來越接近我們之前，我立刻各著四方八面散開。除了方次郎，他原封不動的站在原位。

「土牢堂無﹗」他一聲大叫，然後跟開啟結界動作一樣往地上一推，突然地上和牆壁上的混凝土一一升起，往著那8個人的方向飛去。不一會，石塊自動砌成一個半圓像個太空館的物體，正剛剛把他們包圍著。

「嘩……佢呢招咩黎咖﹖」查理問。

「佢呢招『土牢堂無』目的係用附近嘅石黎封住人。」阮桐貴解釋。

「但係啲石頭點識飛過去﹖咁你地係咪同佢地一樣﹖」露比問。





「唔係啊，露比，佢地唔同咖，。」家姐說。

「咦，估唔到你都知得幾清楚喎。」阮桐貴說。

「梗係清楚啦，因為我係其中一個tp1囉。」家姐笑說。

「怪唔知得啦，我有聽講過啊，原來係你﹗」阮桐貴興奮的說。

在所有聖殿騎士成員被困後，我們正想離開，支援和人或是游也多和左又近。可是背後發出「轟」一聲，困著一眾聖殿騎士的石陣就爆開了。

「竟然爆開左﹖」家姐大驚。

「其實都係意料之內，呢招雖然好勁，但係如果好似佢地咁有伊甸力量嘅話呢，好易就打得爆。」方次郎解釋。

「咁宜家可以點做啊﹖隊長，阿阮桐貴，你地諗下辦法啦，佢地好麻煩啊。」查理就像小夫一樣叫嚷，差別在於他叫的不是媽咪而是我們。





「阿隼，麻煩你照去支援游也多同左又近，阿隼家姐同露比去支援和人，我地喺度頂住。」阮桐貴指揮著。

「我地頭先咁都係好難打，宜家佢地數量又多過你地，怕唔怕咖﹖」我擔心的問。

「唔怕，我已經諗到方法喇。」阮桐貴點一點頭說。

「阿隼唔使擔心，我一定唔會比佢地受傷嘅……」方次郎舉起大姆指自信的笑著說。

我仍然擔心著，始終他們三人都不算是新人，但絕對不是什麼高手，不過既然有著方次郎和阮桐貴的實力保證，加上現在事情已經到了水深火熱的地步，我唯有離開，支援游也多和左又近。

「好啦，咁你地小心啲喇……我地好快返黎。」我像個家長般叮囑，說罷，就跟著家姐離開了。