第135章:
 
纏擾著我們刺客兄弟會和《聖音騎士》多時的其中一個聖殿騎士頭目谷守,在快要成功把游也多和左又近殺掉時,大意的被我偷襲成功,當場身亡。
 
完成了那個儀式後,我走到他們兩個身邊,說:「暫時冇野喇,應該……」
 
「真咖﹖﹗」左又近表示驚訝。
 
游也多雖然沒有說話,但從她眼中,看得出一個難以致信的眼神。
 




「係啊,呢……就喺果度咋嘛。」我指著谷守屍體說。
 
「左又近你行唔行到啊﹖我送你地出去,再去醫院先啦。」我說。
 
「但係去醫院會比班撚樣發現咖喎……」左又近勉強站起來說。
 
「咁……」醫院的確會佈滿了對方的爪牙,不單只醫院,只是我們在這大廈以外就有機會遇到危險。「一係我去搵下其他人喺邊先,再諗辦法啦。撐住啊﹗」我繼續。
 
「……咁好啦,唔該你……」左又近坐在躺在地上休息的游也多旁邊說。
 




就在我正要轉身跳上那個洞口,往其他地方找回大家幫忙時,突然感覺到一股劇裂的震動。不一會,震動停止了,可是換來的是整個樓層向某一個角度傾斜了好幾度。
 
「咦咦咦咦咦......」我轉頭望向左又近和游也多問:「你地冇野嘛?」
 
「冇事,冇事......我諗只係方次郎太大力姐,冇咩野嘅。」左又近冷靜的說。
 
「咁樣都叫冇野啊?!橦樓隨時會冧咖喎,唔理喇,我行先喇。」說完後就話頭也不回的走了。
 
如果能夠令大廈傾側的話,方次郎和阮桐貴應該位於比我們低的樓層。於是我走向後樓梯,往下層搜索他們二人的跡影。
 




「多條友唔都殺我唔死咖﹗」突然一個聖殿騎士成員的身影就在防煙門的另一邊推門進來。
 
「嘩﹗」本來突然從面前走出來已經是很容易被嚇到,現在那個成員好像恐怖片裡,精神失常的角色一樣,更加令人不寒而悚。
 
那名聖殿騎士化身成鬼屋內的鬼怪,你表現得越驚慌,他們就越興奮獰厲。他依然拿著他們的近戰武器,槍柄,可是行動得像隻快速喪屍一樣,飛身撲過來。
 
「死啦﹗」那名成員大叫。
 
幸好我立刻蹲下避過一劫,否則我都可能被感染成為「喪屍」。成員撲過空後,飛墜到我身後往下走的樓梯,可是那幾級樓梯似乎未能阻止那名成員繼續攻擊。
 
「啊﹗」在樓間之間的成員一邊大叫一邊做出一個儲氣的動作。
 
「弊﹗」這時候,心知不妙的我立刻轉身逃走,難道他正想使出阿健的那一招嗎﹖如果正是,我還有數秒時間逃走的。
 
五……四……三……二……一




 
心裡雖然倒數著招式發動的時間,可是對安全離開卻沒有半點信心。
 
「滋﹗」
 
咦﹖不是應該「轟」才對嗎﹖難道又有新的招式﹖
好奇心驅使下,我回頭一看,只見到成員被蜘蛛絲封在牆壁上暈倒了。
這時候,阮桐貴就在下一層樓梯走出來。
 
「阮桐貴﹖﹗唔該曬你啊,頭先真係險過剃頭啊。係呢,點解唔見阿方次郎嘅﹖」我說。
 
「佢地痴q左線啊,你真係差少少就比佢殺左……」阮桐貴說。
 
「咁……」我示意他繼續。
 




「哦哦哦,我同方次郎分開打嘅,啱先仲聽到轟轟聲,應該冇事嘅我諗,不過佢係咁掘啲牆同地板出黎,似乎橦樓就諗……」阮桐貴不斷的說不斷的說,我根本沒有時間插嘴。「……其實你落黎搵我地做咩﹖」
 
終於有機會講出來了,我立刻回應:「游也多同左又近佢地受左傷,左又近冇咩事,游也多佢就嘔曬血咁,宜家可以點做﹖」
 
「嘩,你唔早啲講嘅,我上去睇下個情況先,你代我打果班人……」阮桐貴一邊說一邊調教著結界終端機。
 
「但係……」可是他們也不易對付。
 
「接住,可以幫到你咖。」他把手中的終端機拋給我。
 
「終端機,可以點幫啊﹖」我還想問他參巧戰術,可是他早已離開了。