[刺客教條][長篇故] 果晚玩完刺客教條，家姐同我講……: 第145章：接應

第145章：
 
一場混戰在整個潛行行動的臨門一腳被迫展開了，各人只好盡快面對面前的守衛，在不能殺死他們的情況下逃走。
 
我和家姐都沒有伸出袖劍，只拳腳交替的作近距離戰鬥。
 
「哼，雖然我嘅武器只係枝笛，但係笛唔一定只係要黎吹咖懞撚﹗」已經痊療的游也多發揮她本身毒舌的性格，即使戰鬥中也要囂張的，她把長笛當作武器揮打守衛。
 
可是人多勢眾，在被包圍的情況下，我們都被打散了。但這反而讓我貼近了後樓梯。
 




「我地落後樓梯，唔該阮桐貴幫我地封左個出入口。」我跟阮桐貴說。
 
說罷，大家立刻走到後樓梯，雖然整條樓梯仍然有不少守衛，但經過阮桐貴用蜘蛛絲把防煙門封住，總算能夠把門另一邊的人牽制著。
 
「我地由返原路出去啦……廢事走黎走去。」阮桐貴一邊在打一邊說。
 
「梗係原路出去啦，講埋曬啲廢話。」游也多說。
 
我們雖然只有四人，但就如「左邊有四條友死左Left 4 Dead」般，我們遇神殺神，遇佛殺佛，葉問第四集即使找我們來演出都沒有問題。
 




終於一口氣跑到後樓梯的底層，亦即是我們潛進來最開始的地方。
我們毫不猶疑的把最後一道門打開，打開後，反而讓我們想走回裡面，因為門的外面正有好幾個重裝守衛舉著槍對準著我們。
 
「你地已經被包圍，舉高雙手唔好郁。」
 
可是事實是我們也沒有退路，因為我的背部被槍管前推著，大家只好高舉雙手，依然守衛的指示做。
 
「你咪頭先果友﹗」游也多一下子就認出了在我後方的那名守衛，原來正是剛才被我搜出「星夢學園卡」的那名守衛。
 
「原來係你，點解你會袋住張星夢學園卡咖﹖」我固作輕鬆的說。




 
「咁咁……我個女鍾意啊嘛……我買比佢咖﹗」他激動的澄清。
 
「哈哈哈哈哈，係咩係咩……」
 
這時候，站在我旁邊的阮桐貴趁我和那名守衛在說話時正想用蜘蛛絲對付所有人。
 
「喂﹗阮生我建議你都係唔好郁喇，頭先嘅事我睇到曬……」守衛一說，阮桐貴露出一個驚訝的表情。
 
「你講咩啊你﹖」阮桐貴問。
 
「講緊你封住左我之後嘅事啊……」守衛說。
 
「你咪撚提啦……」游也多都在說。
 




「係……咩事啊﹖」我和家姐好奇的問。
 
「佢啊﹗頭先啊……」
 
守護的話還未說完，突然有幾個煙霧彈從外面投擲過來。
 
「嘩，你扔野唔出聲嘅﹗」游也多以為是我投出來的。
 
「唔係我啊，係咪家姐啊﹖」我問。
 
「我冇曬彈喇……」家姐也否認。
 
「係我地啊……」這時候，阿純和露比就從天而降，剛好落在我們和守衛之間。
 
「嘩，下次你地扔野講聲得唔得咖……咳咳咳。」游也多說。




 
「Sorry sorry……」
 
和人、呂麻君、方次郎和左又近全部人瞬間趕到，他們突破重重障礙從後樓梯走來。
 
「星夢學園守衛」見狀，正想向後面開槍，可是和人揮動光劍，一下就把他殺掉了。
 
「喂，話左唔可以殺人咖嘛﹗」左又近嚷著說。
 
「咁唔通比佢射死咩﹖」他們二人見和人所言有理，都表示無奈。
 
阿純走過來搭著我膊頭說：「我地應該清曬啲人喇，快啲走喇。」