[刺客教條][長篇故] 果晚玩完刺客教條，家姐同我講……: 第174章：願賭服輸

第174章：
 
「我諗我地暫時走唔到喇……」
 
「我知啊……我地都係。」
 
抽獎環節的最後一位幸運兒，是我林隼升。即是說我們所有人已經被發現。
 
「舉高手唔好郁﹗」在保安室的阿純等人都被聖殿騎士的增援用槍指著。
 




「你，同我熄左佢地個直播﹗唔好郁啊你地﹗」站在後方的增援隊長一邊警告他們一邊命令自己部下去把直播關掉。
 
 
另一邊廂，呂麻君他們正處理著聖殿騎士的支援，阻止他們進入會場。
 
「睇黎比人發現在，我地宜家頂住呢邊人先，廢事佢地入埋去。」呂麻君向和和家姐說。
 
以他們三人的實力，這班支援好比九牛一毛。他們很快就把這班人解決了。
 
「我地要入去啦﹗」和人說。




 
呂麻君和家姐都點點頭。
 
 
「有刺客啊﹗」 「幾時入黎咖﹖」
 
在陳茂波抽出最後大獎後，周圍所有人如夢初醒般，發現原來有敵入混入了。
我們頓時被包圍了，會場上的所有人都是聖殿騎士，即使是達官貴人、歌星名人都有一定的戰鬥力。每個人都面向我們，有的甚至拔出武器。
 
「林隼升，刺客兄弟會，你地係咪以為我地完全唔知你地入左黎﹖」陳茂波在台上說。




 
「我地一早知呢個人係二五仔黎，所以基本上，所有野都係我地預計之內。」他繼續說，並命人把早被手拷扣住的施若兜拉到台前。
 
「施若兜？！」
 
「又話唔會比人發現嘅……」我問游也多。
 
「咁我……我都唔知原來佢地一早知咖，就算我幻術幾勁佢都知我地黎左啦。」她說。
 
「咁個輸賭你輸左喎，係咪咩都得先﹖」我問。
 
「呢個時候你仲有時間講呢啲……」
 
這時候，在我們上方傳出玻璃的碎烈聲。
轉眼間，阿純、左又近和方次郎就在我們面前出現。




 
「嘩……呢度好彩唔係好高姐。」阿純說。
 
「係你話跳落黎咖，宜家咪比仲多人圍住。」左又近說。
 
「都唔怕嘅，我都仲有阿隼佢地三個……」方次郎說。
 
原來在我們正上方就是保安室，他們打破窗門逃走。
 
「喂，係咪咩都得先﹖」我問。
 
「係啊，咁你想點啊﹖」游也多不耐煩的說。
 
我想了想，說：「做我女朋友。」
 




「你有命出返去先啦……」游也多猶疑了一下。「咩話﹖痴撚左線啊﹖你呢個時候表白﹖﹗露比唔好誤會啊，唔係我搶你男朋友咖﹗」游也多連忙解釋。
 
「多多姐，我等左呢日好耐咖喇……我一直都想你做長長嘅女朋友咖。」露比興奮的說。
 
「露比你係咪傻咖，宜家同你share緊同一個男仔喎。你咁都唔介意﹖」游也多問。
 
「我唔介意啊﹗我好鍾意多多姐啊，何況你都真係鍾意長長咖嘛，係咪﹖」露比問。
 
「呃……咩啊咩啊，我幾時有話鍾意呢個仆街啊……唉啊，都係果句啦，有命出得返去先算啦。」游也多紅著面說。
 
「得喇得喇，係人都知啦游也多，仲扮……不過我地搞掂曬呢班蛋散先再比你地三人世界啦。」左又近諷刺著。