[刺客教條][長篇故] 果晚玩完刺客教條，家姐同我講……: 第4章：大海撈針

第4章：

剛剛經歷完被拘捕，槍戰和二家姐的離去，我已經處於六神無主的狀態。但是我始終要找回自己的意志，走出地鐵車箱後，一步一步走回家。
 
回到家中，我沒有理會任何事情，回到自己的睡房，躺在自己的床上。
可是整晚輾轉反側，跟本就睡不著。腦海裡全部都是和家姐的一點一滴。
到了第二天，我以一個小時睡眠的狀態上學。整天課堂的內客，我都不是記得很清楚，就只是行屍走肉般坐著。
 
放學後……





「喂，林隼升，宜家我地去信和買野喎，你一唔一齊﹖」我其中一個朋友阿純說。
 
「唔喇，下次先啦。」
 
「做咩啊，平時你都會去咖，今日做咩死左老豆咁款。係喇，你家姐今日冇返學咩﹖」
 
「佢死左喇……」
 
「你唔好唔開心啦，BB呢個係大家姐，二家姐，四家姐……」
 




「咁三家姐呢? 」另一個朋友阿健和應。
 
「屌你地我認真咖，琴日比人殺左，唔好玩得唔得。」我大怒。
 
於是急腳走開了。
 
整天心情都不是很好，很想逃避所有事情，但情況不客許我這樣做。我必需振作，想好下一步要做的事。
首先我要知道總部的確實位置，通知各位刺客。可是香港說大不大，說小不小，怎樣才可以找到它的位置﹖家姐又沒有提起過，「家姐……佢當時叫我走同埋無啦啦仲叫我記得買本野，仲有叫我好好生存。
係喎，佢之前叫過我幫佢買本漫畫……唔通總部就同漫畫有關﹖﹗」我自言自語著。無錯，刺客的作風一定要把說話包裝好才不會被別人發現。可是，現在猶如大海撈針，甚至連漫畫這個方向是否正確都沒有十足的信心。
 




「唔，唔」電話在這個時候響起。

「喂，阿隼﹖阿純啊，Sor啊，我想話我地宜家已經喺信和喇，你使唔使買啲咩模型漫畫咁啊﹖」
 
正當我想發怒的打發他們時，我發現了一些事情，對! 信和中心正是模型漫畫的集中地，說不定總部就位於其中一間店鋪內。
 
「啊﹗﹗﹗我諗到喇，等埋我，我宜家即刻黎﹗」我雖然說不上高興，但心裡仍抱有希望。
 
到了信和中心，我會合了阿純和阿健。
 
「太快了吧，你頭先又話唔黎嘅﹖」阿純說。
 
「我應該講聲Sor，講起上黎仲要多謝你地，因為我搵緊啲野，咁好彩你地比左啲頭緒我。」我摸著頭尷尬地說。
 
「唔緊要啦，笑，宜家一齊入去就係啦。」阿健說。




 
阿純和阿健算是我中學裡面最要好多兩位朋友，雖然大家的興趣都不同，可是大家都談得來；阿純和阿健比較喜歡動漫，而我比較喜歡電玩，不過感覺上他們比我還要毒，雖然大家都差不多。
踏入信和中心，一如以往地先從最頂層「掃下去」，今次比起以不一樣，我留意的不是什麼什麼新番，這個那個遊戲，而是搜尋兄弟會總部的店鋪。可是，每間店鋪的位置都十分有限，根本不可能是總部的所在地。令我懷疑總部存在的真確性。
經過了一兩小時，除了我大家都滿載而歸，阿純覺得奇怪問起我，
 
「林隼升你又話有野買嘅，你想買咩? 」
 
「你地可唔可以幫我一個忙? 」我問。
 
「咩啊? 係咪唔夠錢，我唔會幫你比咖喎。」
 
「唔係囉，我想知有冇間野好大，而且個名同走，好好生存有關咖﹖」我不確定家姐說話中，那些是關於總部的，所以我將所有關鍵字都說了一遍。
 
「我唔知喎，不過我知地庫有間野好大間，係賣漫畫嘅，我帶你去。」阿健說。
 




我們三人向著地庫進發，這時我嘗試用鷹眼視覺找出那間漫畫店，天花板發出金色的刺客組織的標誌，意味著我們找對了方向。
走到某一個位置，阿健大驚「Sosad，竟然收左皮。」他正向著某一間店說著，抬頭一看，「酒泉漫畫」，應該是這間店了，可是它並不似是結業，因為透明大閘前面的，正是一行警方專用的警告膠帶。
 
「趁冇人睇到，陪我入去囉。」我提議。
 
「No thank you，陣間比差佬拉左點算﹖ 犯法野我唔做咖! 」阿純臨陣退縮起來。
 
「嗱，阿純，你一係睇水，一係跟著我地，但係如果你睇水呢，警察黎到就拉你一個姐。You think think you喇。」我以他的口吻警告他。
 
「你買漫畫姐，點解一定要揀呢間﹖」阿健問。
 
「其實我搵嘅唔係漫畫，而係一個隱藏嘅地方。如果有就話你地知。」我回應。
 
拉起大閘，漫畫店裡的漫畫依然排列得井井有條，到處並沒有發現任何關於刺客的行跡。這時，我啟用鷹眼視覺，環視四周搜尋有關刺客的隱藏線索，果然在收銀機對上的一道牆壁找到跟剛才發現到一樣的刺客標誌。我摸索著任何可能觸發機關或者暗門的物件，因為至少漫畫店不似一個刺客總部。
 




「吓嚓」
 
在收銀機旁的書櫃頓時移開，出現了一條往下的通道。這時我問大家：「如果我話比你知，我係一個刺客，宜家我搵緊刺客兄弟會個總部，你地信唔信﹖」
 
「你係咪打機打上腦﹖會唔會係咁啊﹖」阿健表示懷疑。
 
「我自己都好難相信，不過如果下面真係有個總部，就唔輪到我地唔信。」我說。