「武術校園」我只係想好好讀完高中，點解會去左考武狀元？: 第二十一章

劍道主任—雪邦，具部其中一位分導師。統稱mr.邦。

「你講乜呀！？我地有集齊一套書嫁！」月怡不憤地說。

「哼！你唔好以為我唔知，中途羅叔為左保護你地，趕走左四個參加者！」mr.邦理直氣壯地說，月怡也知道實情，一時為之語塞。

「咁你叫番個四個人同我打多次，我唔介意。」我心裏十分不滿。

「係森林入面環境同情況都唔同，點可以咁呢！？」他並不肯讓步。





「你都識講情況唔同，咁羅叔既出現都係意料之外，你又點可以取消佢兩個資格呢？」說話的竟是小玲，她走出來幫口了。

「關你咩事！？外人！」他說罷又望向我：「要打，就打贏我先講！」

「你憑咩代佢地四個同我打！？」我不想小玲捲入這事，又再說話。

「憑我係老師！」他說罷，跳到台下，站在我的面前：「定係你要我直接取消你既然資格。」

此刻，我滿腔怒火，正要發難，但歐sir搶先說話了。





「好啦，嘈夠未！？」我和mr.邦立即望上台上。

歐sir續說：「其實我本身對於羅叔幫你地冇乜意見，始終以羅叔既地位，我都阻止唔到佢做d乜。不過既然mr.邦有咁大反應，夜子傑你應該展示你係有實力黎到呢度。」

「咁叫個四個人出黎。」我說，只是目測和感覺mr.邦的氣勢，就知道跟他打一場比起和森林碰到的那四人打，來得要困難得多，我才不會自討苦吃。

歐sir搖搖頭：「冇可能，我諗mr.邦一定唔會接受。」

「o下！？咁我都唔接......」我話未說完就被打斷。





「既然要代打，我代傑仔同你打。」說這話的正是小玲！

「你傻左牙！？唔好呀！」我當然立刻阻止她。

「傑仔進行左接近一日既搶分戰，應該唔夠體力再打，有代打都好正常姐。」小玲向著台上的歐sir說，mr.邦也即時望向歐sir，等待他的指示。

歐sir聽見後，露出一個興奮的笑容，遞了遞手示意準許。

「嘿嘿....小妹妹，毀左你容唔好怨我。」mr.邦一邊拿出他的劍，一邊說。

「你夠膽......」我聽見他的說話，當下拳頭也硬了，但小玲伸出手阻止了我。小聲的在我耳邊說：「放心啦，佢好差嫁。」然後我看著她帶著笑臉走上前。

「如果你輸左，唔好再話要取消佢倆個資格啦。」小玲站在他面前說。

「如果你贏到我，我仲邊有面留係學校呀。」mr.邦把頭伸前，幾乎和小玲面貼面，威脅著的說：「你輸左，我保證夜子傑冇好日子過。嘿嘿....」





原來又是為了針對我！

「咁我恭喜你終於可以離開學校啦。」

小玲和mr.邦距離不到一米，但小玲半步不讓直接擺起架式！

Mr.邦則冷哼一聲，後退一步，提起手中的劍直指著小玲。

我和其他人也識趣，自動退開，做一個旁觀者。而我，雖然擔心，但亦很想知道小玲的實力程度，因為真的還沒見識過.....

在這一戰，應該可以解答我吧！？