「你地三位可唔可以走先,我想同傑仔單獨傾下。」哥哥和小玲她們三人說。

「岩岩已經叫到你,你其實係邊個?我地又做咩要聽你講走先?」月怡一貫作風,強硬的語氣。

「唔好意思,可能我太突然啦。我係傑仔親哥哥,我叫—夜流影。」

「咩話!?」她們三人幾乎失聲大叫出來了。

「喂!靜d呀!醫院黎嫁!」一位護士立刻喝止她們。





「對唔住....」

「咁我可唔可以同我細佬傾幾句呢?」哥哥坐下來問。

「緊係可以啦。」月怡和小玲不敢高聲說,但也頗為激動的說。

「可唔可以同你握下手呀?」最誇張的竟然是一姐!

哥哥用微笑作回應,伸出手。一姐立刻雙手緊握著,臉上盡是滿足的表情,真夠誇張。說白點,我對著哥哥十多年也不覺得他有何特別,雖然還滿好打的......





「你呀哥原來係「影之子」都唔早講既,傑仔?」小玲向我問。

什麼!?「影之子」?呀!好像是小玲曾經說過的那位,哥哥又真的是香港教育制度轉變後的第一批中六生...原來那時說的就是哥哥!

「好啦,三位妹妹。不如我下次去學校再拜會你地啦,我想同......」哥哥話未說完,三人就立即拿起東西。

「好啦,我地走先啦,「影之子」哥哥。」然後她們就離開了醫院。

「好啦,傑仔。」哥哥冷靜下來。





「哥......我終於明白你點解要我入呢間學校啦...」我忍不住說。

「嘻,你由細到大都同我講,話要學功夫嘛。其實一路以黎我都有將訓練加係你身上,不過,我諗你都係應該入去學下會好d,始終冇競爭對手,好難進步。」哥哥說。

「嗯...但係阿哥你唔係一入去就冇對手咩?」我好奇哥哥的事。

「岩岩個個館主,陳振英,其實就係我係學校入面三年黎,最大既對手。」

「咩話!?」我不敢相信剛才哥哥輕輕鬆鬆擊倒的人,竟然是哥哥在校期間最大的對手!

「講起黎就長篇.......」

(以下的第一人稱,為夜流影)

我剛剛入學,因誤打誤撞,最終進了速步,一路我原以為步法及速度是最重要的一環,但我往後才知道,招式的重要性!





當時我天資過人,半年已經創造一種新的步法。是當時我在河邊練習,被自己在水中的倒影所騙到,突然靈機一閃,創出往後被神化的絕技—「流影步法」!

在我創出這招後,風頭一時無兩,不知那來的勇氣,挑戰當時就讀中五,全校排名第一的御部生—陳振英!

那時,我們第一次「一決」,吸引了過二百學生觀戰,還有即時投票誰勝誰負。

而一直以來,御部也是被看好的一方,而且陳振英入學前,已經奪得過亞洲地區少年組泰拳冠軍,更是被認為兩年後順利取得武狀元的人選。

而我和他的第一戰,亦是我倆之間咬得最緊要一戰。當時我們打了接近一小時,基本體力已經透支。因為正常對決,十分鐘已經算多了。

我一直處於下風,因為招式上的差距,我只能不斷閃躲,直至我最後臨陣創招,即時現在躍部在推崇的—「流影腿法」!我才贏得了這戰。

往後,我知道他可以隨時把我超越過去,所以我一直不停歇他鍛練,為免有一刻為他超越,連交朋友的時間也沒有。到最後,我一個朋友也沒有,剩餘的只有對手,而畢業後剩下的,只有手下敗將!





最終,我的學校生涯,創出三種「流影系武學」、分別為步法、腿法,刀法。一路在學校記載下去。但敢和我一直交手的只有陳振英一個!所以到現在,還是我的好對手兼朋友。

......

「哥,咁點解你唔創拳法?」我為自己著想的問,說到底我也是輝部的學生。

「唔係唔創,係創唔到。」

「o下?點解....」我不解。

「你如果有見過羅叔你就明。」哥哥邊說,邊擺起揮拳姿勢:「見過羅叔既拳法,你打既拳術再好,都好似變得一d作用都冇咁。咁我地仲點敢亂創一套拳出黎。」

「又係既....」我親身感受過,所以我亦理解。

說著說著,我也看完醫生了。





「輕度骨裂姐傑仔,十日左右好番哂啦!」哥哥和我一起離開醫院。

「但我下星期要打第二階段既搶分戰呢,仲要一對一隻秋.....」我無奈地說。

「勁喎!第二階段拿!對手係....?」

「具部既,叫陳文揚。」我如實說。

「哦,陳振英既細佬。」

「咩話!?」哥哥突然這麼說,我也驚訝了!

真的是那麼巧嗎!?
已有 0 人追稿