我的校園時代(散文+故事)

<<借錢>>
搵一樣野去象徵住另一樣野的結束是否不智
 
有一次同朋友食雞煲時
“喂，今日冇攞錢出嚟，大家可唔可以借住比我先呀.”
朋友B問我會唔會還
我就提出左個要求
“等到我地班fd個group要分開果時咪還囉"
"咁咪即係唔洗還囉_街"
"都係架...haha”




 
翌日
"雞煲錢呢"
"咪話左個fd group散先還囉"
"吓你認真架"
自此以後，朋友每日都催我還錢
我每日都用返同一句去回返佢
 
升上中六後
"唉，我對DSE冇咩信心呀"朋友A講




"冇信心都要考架啦"朋友B講
"咪係，講好左一齊讀大學架嘛"我話
"我諗過架啦，我諗住去台灣升學"朋友A講
"吓，咁突然，咁你諗住幾時返嚟呀'我問
"唔返架啦，係台灣過埋佢囉"朋友A講
眾人沉默，我腦內亦一片空白
不知過了多久後，朋友A嘗試打破沉默
"係呢，你地諗住點呀，係咪一齊報engine呀"
"梗係啦，去到台灣唔好唔記得我地呀"
我嘗試擺出一個笑面去面對




儘管眼淚已經偷偷溜了出來...
從此之後朋友B無再叫我還錢
 
放榜日
"喂,你考成點呀，我有4個5，應該夠同你入engine架"我問
".....你肯還錢未呀"朋友B問
" _你，講呢啲，講左你成績先啦，高材生"
"唔係呀，我意思係..."
看見他難以啟齒的樣子，我亦沒有追問下去
他亦配合我的氣息，以沉默作為他的回應
我是多麼的想那一刻停留，倒退，因為我怕
怕沉默過後會再失去一個朋友
然而時間卻會不停流逝，見證着一斷斷的離合
我從銀包裏翻起剩餘的錢
"雞煲錢，連本帶利"




"多謝....再見...."說罷,他朝着學校門口遠去
當然，最後我們並沒有再見
還錢，象徵着我地呢個fd group嘅ending