【甜中帶苦】 [奇幻][調教]包養打怪救世界:《使徒》: 第四話 綁架

—一間高級餐廳內

「伯母，近來點呀？」諾亞問道。

「咪又係咁，得閑...落吓街同隔離啲阿太傾計咁囉。」一個身材較瘦弱，從她面 容可看出她飽經風霜的中年婦人道。

「一個人住...慣唔慣呀？」楠芝問。

這位婦人便是楠芝的母親，她苦笑：「有咩慣唔慣呀...你呀爸都走左咁耐咯，唔慣都要慣啦！」



諾亞微笑，知道此刻伯母的心境其實已比之前開朗得多。

「我問你就真，依家仲有冇添麻煩俾人呀？家務做得企唔企理呀？」

楠芝一時語塞，諾亞更是面有難色；楠芝手踭撞了諾亞一下，要諾亞開口說話。

諾亞支支吾吾，似乎有口難言。

「哎呀，實係好唔掂囉...唔好介意呀下，好好幫我照顧個女呀，麻煩你勒。」伯母拜託諾亞笑說。



「啊...一定一定。」

然後諾亞還楠芝一個鬼臉，楠芝氣得臉紅極了。

一陣閑話家常，三人吃完晚飯，諾亞便開車送伯母回家。

車上，播放著Drake的Hotline Bling，諾亞隨著歌曲的拍子輕哼，扶著軚盤，肩頭如 drake在mv中的古怪舞步高低郁動。

楠芝看著失笑。



「你份人真係...啲性格同個樣完全唔夾。」

諾亞對她微笑，不作辯解。

楠芝看了這個笑容也已數年，此刻依然難以抵抗這個微笑，瞧得她怦然心動。

她轉了轉視線，遙望夜色，有感而發：「我成日不經意都會諗...如果我冇遇到你，我依家 既生活會係點......」

諾亞呆上一晃，安慰道：「傻。」

他靠過去親了楠芝一下，便繼續開車。

楠芝看著這行徑古怪、好色卻很帥氣的男人......但覺，能夠坐在這男人的副駕座，實在太幸運。

此時，一通電話接入，楠芝急忙從諾亞的褲袋取來接聽。



「喂？」

「嗯。」

「OK，唔洗你吩咐。」

說罷，便收了線。

楠芝知道這通電話必然很重要，只因諾亞的電話沒有多少人知道，所以她也特別的凝重。

「邊個黎架？使徒公會？」

諾亞搖頭，笑道：「稀客黎既...」



楠芝眉一皺，不知他在賣什麼關子。



夜深人靜，一個少女獨坐在公園長櫈，一臉愁苦之色，奈何無人能夠分擔。

便是這幾天，她經歷了人生一個重大的轉捩點......使她步向地獄的痛苦之中。

求生不得，求死不能。 她對不起自己、對不起男友，為諾亞所控制，她再活下去也沒有自由。

自己父母與諾亞照過面，若果尋死，還會連累家人，她連求死的權利也被剝削。

誰又能明白她此刻的景況？

阿敏嘆了口氣，腦中不斷閃出在監獄中的情景。



想到自己的失態......她體會到男性的可怕。

她起身，打算離開。

該做的，她也做了，她只盼能夠扭轉此刻局勢。

在陷入無盡的絕望深淵以前，甄楚敏是個樂觀開朗，充滿活力的少女。

突然，兩個身穿黑色西裝、戴上黑超眼鏡的男人走出來，一前一後將阿敏的去路擋住。

阿敏一看，略感驚愕，他們的打扮一整個就是MIB，知兩人來意不善，她實不能再受到任何勢力的凌辱了...她當真會瘋掉的。

「你地...想點？」



「甄楚敏係咪？我地發現...你知道一啲你唔知道既事，所以要消除你既記憶。」阿敏面前的黑衣人道。

阿敏心道：「真係MIB?點消除記憶呀？」

黑衣人二話不說，便以極快的速度飛身衝到阿敏面前，一舉要扣她喉頸！

「轟」！

狂風大作，一陣烈風從阿敏周圍生起，彈開了黑衣人。

那黑衣人昏倒在地，另一名並未上前的黑衣人慌道：「風盾*？」

*風盾 風屬性防禦力牆，並能以強大風力吹飛敵人。

「乜失憶術要扣喉架咩？」

發言者，竟是諾亞！

他穿著那件白色兜帽斗篷 ，大刺刺的站在公園燈柱之上。

黑衣人雖想過去察看同僚，卻又不敢妄動：「魔力之源...！你咁樣，我地好難做架。」

「唔會難做既，你地既對手係Number 1，公會既人唔會期望你啲咩。」

「但、但佢知道咗使徒既秘密，唔可以由得佢架...」黑衣人面有難色。

原來，這些黑衣人受命於使徒公會，專門為那些得知使徒、邪惡生物存在的人抹去記憶。

諾亞冷道：「番去同你地上司講，我會訓練佢成為使徒；到時...唔到佢亂講。」

「總之呢個女仔係我既人，唔好再派人搞佢；有啲咩事我會負責。」他補充。

阿敏突然發話：「你唔好聽佢講，你快啲幫我消除記憶！」

「我唔要記起呢個衰人！」阿敏氣得面都紅了，似乎對諾亞極是憤恨。

黑衣人猶疑：「咁...？」

「你仲諗？下次用既就係火牆。」

諾亞威脅道，以他的魔力，瞬間將黑衣人燒至灰燼亦不是難事。

「快啲帶埋你同事離開呢度！」

黑衣人吃驚，急忙避開阿敏，扶上同僚離開。

阿敏怨毒的仰天直瞪，恨不得此刻將諾亞殺死。

諾亞一躍，身子在半空緩緩落下，落到阿敏面前。

「我救左你喎，你咁望住我既？」

「點解...？」

「嗯？」

「點解唔俾佢地消除左我既記憶？你知唔知...呢幾日，我每一日...都過得好辛苦？」

阿敏雙眼通紅，恨道：「果幾日所受既苦...不斷、一直、係我腦入面係咁重播...！點解唔 俾我忘記咗佢？」

諾亞哈哈一笑：「你都傻既，要你唔記得哂啲野咁我放你黎做乜？」

隨即，他收起笑容，正色道：「何況，果兩個人，似想殺左你多過幫你消除記憶。」

他突然出手，極速扣著阿敏的喉嚨，雖只是輕輕搭著，並無施力，但是勁風亦使得阿敏生痛，不禁乾咳數聲。

「咁樣，似想攞你命多啲。」說罷，諾亞鬆手。

怎料阿敏一臉堀強：「攞囉！等我死左佢好過！」

諾亞苦笑：「無論你點死，我都唔會放過你屋企人，所以你最好聽話啲。」

「你...！賤人！」阿敏簡直氣炸了。

「同你屋企人講，今晚要去男友度訓，我地依家起行。」

「吓？喂！」阿敏見諾亞竟一手抱起自己，突然雙腳生勁，一下子躍到半空中，竟然飛起來了！

「喂乜野？你啲屋企人夷唔得我食咗你兼有埋涵啦。」

諾亞其實已經飛得比平時慢，並不是因為要抱著阿敏拖慢了速度，而是考慮到阿敏或許會因為初次飛行而感到噁心。

「唔係，放、放我落黎先呀！」阿敏一邊捶打，拚命掙扎。

「咪、咪亂郁！好高架呢度！」諾亞抱住她在空中不斷閃躲，始終都涯了幾下巴掌拳頭。

「放...放！！」

「喂、嗱！咪呀你！」

「你...你嘔落我件野度我殺哂你啲屋...喂！！！」