阿敏張大了嘴:「吓...?」

阿敏但覺這個決定實在隨便,對她而言亦彷如毫無選擇餘地。

「等你有能力成為一個使徒既時候,你就唔使人地幫你保護自己既家人。」

「要成為使徒,就要好似楠芝咁,掌握魔法既力量。」

「但、就咁樣...學?」



「你體內有我既魔力,已經俾我激發咗你呢方面既潛能;要運用魔法,唔難。」

「咩你既魔力...呀?」阿敏大呼。

楠芝在她耳邊細語,她登時俏臉發紅。

「嗯,一切就交俾楠芝,就咁決定。」諾亞微笑轉身,正準備上樓。

「喂、咪住,吓?」楠芝大驚。



「諾亞你同我企係度!」

「嗯?」諾亞以一個怪異的目光投向楠芝。

「主、主人...」楠芝改口,續道:「我都未同你計喎!地下室我抹咗幾耐呀?你仲...你唔 驚我呷醋呀?」

諾亞凝視著楠芝、再望望阿敏,微笑:「我覺得...你地會好好感情。」

「喂!講呢啲...我點識教呀?」



諾亞自顧走上樓梯、拋下一句:「我點教你你點教佢啦,得閑我會幫手架啦。」

楠芝沒好氣,看著阿敏,良久不語。

「睇黎情況就係咁啦。」

「仲唔叫聲我師父?」楠芝甜甜一笑。

「吓...?」

「講笑喳。」

楠芝上前去抱著阿敏:「放心啦...依家冇事架啦。」

她輕輕掃著她的頭髮,安慰道:「我知你經歷咗好多,但依家佢肯接你黎呢度住...佢唔會再對你點架啦。」



阿敏聽著,眼眶一紅。

事實上,她方十八歲;楠芝比她要大兩歲,又是排名100的使徒,閱歷自然較她深,此刻 作為一個大姐姐般照顧她亦正常不過。

本來阿敏覺得她與諾亞蛇鼠一窩,不過這刻又有感她是真情流露,並非偽裝。

「總之...依家你有機會學魔法,千期要好好珍惜,對你對你屋企人都係好既。」

阿敏勉強點頭。

她跑到自己房間,抬了一疊書出來、還有一些筆記。

阿敏一看,分別看到有紅、藍、黃、青、啡五色書本,每本都很是沉重。



「咁...多?」

「呢度分別呢有...火、冰、電、風、地五種元素既魔法,咁你就背咗火元素啲咒文先啦, 我比較熟......」

「吓?咁厚...!」阿敏在學校的成績不甚好,但覺要看這麼多書簡直要了她的命。

「唔係好多架炸...厚果本係俾啲未接觸過魔法既人去學既,你已經俾諾亞開發咗...可以飛 哂佢,直接記住咒文就得啦。」

阿敏雙眉輕蹙,仍在猶豫。

「 簡單黎講「咒文」係媒介,「魔力」係過路費,我地消費魔力,通過咒文,唸咒施法, 引出各種元素、或者係其他法術既力量...你體內已經有諾亞既魔力,呢種魔力亦啟發咗你身體,令你可

以自然產生魔力,所以你依家有一筆過路費,隨時都可以施法架啦!」

楠芝試著解釋,卻也改變不了阿敏一頭霧水的樣子。



「放心喇,我啲notes會幫到你,我幫你執執間客房先,你俾心機!」楠芝笑笑離開。

阿敏打開筆記一睇,但覺筆記中的文字端正秀雅,上面明確寫著:「元素魔法共有五元,另外有分光魔法、暗魔法;人類能夠運使五種元素魔法,而光、暗魔法則需要特定體質方可掌握,五種元

素魔法各有特色,視乎使用者的相性能夠影響魔法的威力。」

阿敏翻了數頁,便見很多以英文寫成的咒文*。

*咒文 施法咒語,以後會用炎咒/霜咒/雷咒/拂咒/岩咒取代

開始的數頁皆以紅色筆書寫,阿敏猜想這些便是炎咒無異,其後的都分別以符合各項元素的代表色所寫。

阿敏但覺紅色的炎咒較多,想來楠芝定是對火魔法的相性較高。



她仔細一看...發覺每句咒文都好長。

由最初較短的,直到後來的咒文,一句要比一句長。

她看到這些密麻麻的英語便頭暈,打緊往前翻。

她見到一備註:「咒文是助你提取元素魔法的關鍵,各種不同形式都能量元素,皆可以咒文所組成,但若如...?」

她看到了一個塗鴉,畫是一個圓形頭的卡通,一臉奸笑,有一馬尾在圓形下露出來。

「...一般運使魔法的高手,則可隨便提取元素能量,以任意方式釋放,打破咒文限制。」

阿敏心道:「姐係,個公仔係諾亞...佢真係咁遲利?」

楠芝此刻已清理完客房,見阿敏正看著筆記出神,便說:「點呀?好得意呀呢。」

阿敏聽得,立時點頭。

「唔使咁心急既...你粗略睇下先啦,都夜啦,我地聽日再開始啦。」楠芝便帶她上客房。

「咁以後間房就係你架啦,我唔幫你打理架~唔好整污糟呀。」說罷,楠芝退出房間。

阿敏又打開筆記,看到其中一段:「專心默想要施展的元素,再唸出咒文。」

她急不及待,翻到咒文頁,閉上雙眼,默想火炎,道:「炎咒...!」

突然,她的雙手發熱,竟然在掌心中吐出火舌!

登時點燃了她手中的筆記! 正當她手亂腳亂,急忙將著火的筆記掉低之時,忽見筆記上的火瞬間熜滅,似被風吹過一樣。

「屋企唔準玩火。」諾亞站在門口嚴肅道。

阿敏本來嚇了一跳,但見火已熜滅,也就放心下來。

「咁重要既野,楠芝都唔記得同你講。」

「佢...佢叫我記熟啲咒文佢,我自己...心急想試下姐。」

「嗯。燒咗間屋你賣身俾我都唔夠賠。」諾亞冷道。

阿敏一聽,但覺諾亞這話很討厭。

「你...放心!」

「你學得識我就放心啦...」諾亞留下數聲冷笑,便離開。

阿敏氣得上前大力關門,但覺這人自接她回來以後就變得極是討厭,雖然此刻他沒有侵犯自己,但暗暗感覺...還是之前的他比較溫柔體貼。

阿敏拾起筆記,發覺筆記只燒焦了一角,炎咒有些咒文給自己燒掉了。

她覺得很是懊惱,也不知該如何向楠芝交代。

想多了,索性將筆記放在桌面上,上床睡去。

「炎咒......火箭*!」阿敏一喝。

一道火箭打在了人形的鐵板上。

*火箭 火糸攻擊魔法,將火炎以箭矢狀射向敵人。

三人在大宅的花園上練習魔法,遠遠放了一鐵靶子,給阿敏試手。

「犀利喎...。」楠芝拍手讚許。

「真係準好多哦。」 那鐵板上貼了一張白紙,寫著「諾亞」。

諾亞在後面「嘖」的一聲:「唉,隨便你地。」

楠芝呵呵一笑,示意阿敏繼續。

「聽日開始,你去背拂咒。」諾亞說道。

「火都未學齊..?咁快?」楠芝質疑。

「火魔法同佢相性唔岩;試埋其他先,火魔法試埋今日好喇。」

「呀,仲有,佢燒左你筆記幾個spell,你補番俾佢。」

楠芝聽畢,向阿敏望去,只見她吐了吐舌頭。

待得諾亞一走,阿敏向楠芝問道:「佢...不嬲都係咁乞人僧架?」

「嗯?咩呀?你覺得佢乞人憎咩?」

阿敏浮現起那些被他侵犯的畫面,肯定的說:「佢梗係乞人憎啦!」

楠芝會意,邊笑邊解釋:「哦...唔係,佢平時唔係咁既...呢個叫做「老師款」,佢扮多幾 日悶左就會變番平時咁架啦...佢平時,好...溫柔既。」

她憶起初識諾亞時的畫面、不禁心有餘悸。

阿敏一臉疑惑的看著楠芝,楠芝笑得很是尷尬。

「學魔法呢有幾個階段,魔力既提取、到凝聚、到壓縮、再到放大,先要學咗點提取元 素魔法,再到凝聚同壓縮,就係令你既魔法更加精純、提高威力既一個過程,再之後就 係放大,突破咒文

本身魔法既體積限制,令你所施放既咒文更加強大。」

阿敏顯是完全聽不明白。

楠芝解釋:「好似我咁,我已經去到放大果個階段,所以我施既火箭術,火箭既體積比 你更加大、威力亦更加強。」

「炎咒、火箭術!」

「轟」的一聲,鐵板被轟穿了一個大洞,整塊鐵板都起了火。

阿敏但覺楠芝不止威力比自己強、唸咒速度亦比自己快。

她笑了,她有點想成為這麼一個魔法師。
已有 0 人追稿