聖誕節過去了。

這是香港人過得最難受的一個聖誕。


—使徒公會 香港總部

諾亞哈哈一笑:「你依家算點?審我呀?」

「我只是想更了解當時的情況。」這男人微笑回應。



「我講過啦,已經用雷電定咗佢身;但沙耶以兇靈之力控制自己肢體郁動...破左我既電魔法。」

「魔力之源的定身術...如此易破?」

「還是因為...你跟她以往的關係,你沒有用上全力?」男人面上仍有笑意,言語卻拙拙逼人,果然是隻老練的狐貍。

「還有一件事我很在意...黃隆君所說,靈魂石是你交給沙耶的手上,是或不是?」

「你都識得講,係黃隆君講既;你地既人,背叛咗公會,害到使徒之一,女僕,我既同住者被綁架,佢要求我俾靈魂石佢地交換...我覺得一粒石冇我精心栽培既女仔咁重要囉。」



「但黃隆君...事發之前,跟你們的關係一直不錯......」

「嘿。」諾亞回了他一笑。

「會長,你做喱個假設既時候,應該好好諗清楚後果...你應該明白如果我係佢地既 人,香港可以亂到一個咩情況。」

「而且,你依家咁會懷疑我,我就真係唔係咁...
開心啦。」

意思,也許就是在於邪惡生物討伐上,不施以援手。



要知道此時此刻,諾亞的「團隊」,是香港境內擊殺率最高的。

假若他們對邪惡生物棄之不顧,後果必然不堪設想。

這位被諾亞稱作會長的人,自然就是使徒公會的會長了。

他看上去不過四十來歲,雙目卻很有神,充滿精光,右眼底下有道長長的疤痕,雖不惡心,卻也蠻顯眼。

身材亦屬健壯,並非一副文弱的樣子;可以想像他以前是一個實力高強的使徒。

「那我便不追究,現下香港的保護咒被消滅;而日本又即將迎來百鬼夜行,這次乃十年一度的大遊行...那邊使徒的分配經已很緊張;再說自沙耶的襲擊以後,各國議會成員都害 怕步上香港後塵,

都傾向將使徒保留在自己國境之內...實在很難抽調使徒幫忙。」

「所以呢?你既意思係?」



「你的力量對香港來說很重要。使徒方面,我最多只能調派多四、五個使徒進駐香港。」

「四、五個?咁多?」

諾亞哈哈一笑:「咪姐係做死我?你真係...!」

「總有責任保護自己的城市吧,諾亞。」會長說道。

「何況...沙耶不就為了報復你才以香港為地標打破保護咒麼?」

「香港...話哂都係國際都會,發生呢啲事既關注度、影響力、阻嚇性都係一流,防禦力又 薄弱,咁啱我住係度啫;我唔係度佢一樣會簡香港。」

會長呵呵一笑:「是麼?怎麼我認識的沙耶就沒有你所說的理智?」



諾亞苦笑:「好啦好啦,老狐狸,有話直說。」

「嗯......J的報告說,現在位於香港的使徒,有聖劍、靈獸使兄妹、增強使、女僕、還有...愛麗絲。」

「愛麗絲?點解近幾次掃蕩見佢唔到?」

「愛麗絲是一個...很胡鬧的小妹妹;幾次聯絡她的保母,她卻說愛麗絲在迪士尼樂園玩得忘形,不願參戰。」

諾亞眉頭一皺:「實力呢?」

「好強。但一個小妹妹...該要她如何認真去戰鬥呢?」

諾亞一陣沉吟:「你地會派邊啲使徒黎香港支援?你應該有人選架啦...俾我睇下。」

會長微微一笑,拿出了一個文件夾。



諾亞稍稍看了一下,說道:「遲啲再睇,我只係想問一件事,聖劍係你地安排留係香港... 定係遲啲會番去狩獵血魔?」

「個位數排名的使徒,公會沒辦法控制;而她的身份又如此特殊...你應該知道答案。」

「嘿......咁就真係辛苦我勒。」

「教會果邊...睇你都係食白果架啦?」

會長表現出一個蠻尷尬的微笑。

諾亞搖頭嘆氣,離開辦工室。

—「
你做唔到野..就等我黎做」.



這個聖誕假期,諾亞一連請了四天假,回絕了公會一切驅逐邀請;但也算巧合,這些日 子,也沒有什麼邪惡生物出現的消息。

諾亞回到大宅,見楠芝她們正在飯桌在聊著一些什麼事。

「傾緊咩呀?」

「講緊呢...如果去日本,要去邊玩好呀!佢地都未去過喎,諗住會去邊度玩好。」

「日本...?」

「百鬼夜行嘛,今年我地唔會過去咩?」楠芝問道。

諾亞眉一皺:「今年...唔去啦。」

楠芝臉色一沉,怨道:「吓...唔係嘛!」

小桑也在那邊生氣:「唔得呀!小桑要去玩!」

她用力勒著一隻大熊,與她送給諾亞的熊玩偶是一對的。

「呢排...都冇咩邪惡生物出現啦!」婉琳也是一臉失望。

「無人機探測唔到啫...話唔定佢地都要過聖誕呢。」諾亞苦笑。

「過去...都係兩三日既事,解決咗啲頭目再番黎,唔好咩?」

「今次係大遊行,有啲麻煩,同埋......」

「嗯?」

諾亞微笑:「冇野。」

楠芝盯了一下諾亞,已猜出那日床單沾血的原因。

更加確定施襲者的性別......

「總之呢...日本應該去唔成架啦;我應承你地,等件事穩定咗我再同你地去旅行啦好冇?」

楠芝細細嘆了口氣:「好啦...其實,我都諗預期啫...唯有、推遲啲囉。」

諾亞拿出文件夾放在桌面上。

裡面有一疊使徒的照片跟資料。

「呢啲係黎緊將會同我地一齊作戰既使徒名單,你地睇一睇先。」 楠芝她們各自拿起資料閱讀。

「棍僧.....啊!殺敵最多果個和尚仔!」楠芝說。

諾亞忍不住笑出來:「你叫人地和尚仔呀?人地...分分鐘大你成千歲。」

「吓...?咩呀?於地獄歷劫......過千年?」

這下楠芝也忍俊不禁:「真定假呀?」

諾亞微笑:「有實力既人唔會講大話既...」

「呵,係咩?以我所知,有人就不斷講大話囉~」

「咳...。」諾亞乾咳兩聲。

「呀...我諗到有啲咩可以小小咁報償番你地去旅行既慾望。」

「嗯?」

諾亞過去輕捏小桑的臉。

「小桑實會好開心啫!」

小桑方才的臭臉一下便瓦解:「嗯?爸爸要帶去邊呀?」

「迪士尼樂園呀...好唔好呀?」

小桑馬上放低熊玩偶,用力摟住諾亞:「爸爸最好啦!」

「哎唷...小桑咁容易變節既?」婉琳不滿道。

楠芝笑笑:「迪士尼...都好呀。」

「嗯嘿,事頭婆點頭就得勒,咁聽日既伙食就拜託你囉!」

「吓...?喂!迪...迪士尼唔係唔俾人帶野食入去架咩?」

「障眼法啦~多謝哂!」諾亞哈哈一笑,轉身上房。

阿敏跟婉琳好有默契的追上去......

「喂...咪、咪走呀!」

枱面上,那疊使徒名單......一張張的散開。

已有 0 人追稿