【甜中帶苦】 [奇幻][調教]包養打怪救世界:《使徒》: 第七十七話 母親

諾亞跑了幾步，一下撲上去，摟住了那個被他稱為「媽媽」的女人。

那個動作，那個方式，就如一個孩子衝上前去抱著他的母親一樣。

「哎呀...仲細咩。」

「仲細呀。」諾亞傻笑。

「都大過我啦依家...唔知醜。」



「媽媽」笑著，笑得瞇起眼晴，似乎對諾亞的撒嬌甚為受樂。

「唔咁做邊有得攬住我既絕世大美人媽媽呢？」諾亞哈哈一笑。

「媽媽」一手捏住了諾亞的臉龐。

「痛痛痛...」諾亞假意裝痛。

「冇大冇細...」媽媽微微一笑。



兩人坐在青草地上，天空一抹樹影，好不寫意。 

「你呀，又一個人黎......真係要悶親我啦。」

諾亞苦笑。

「....沙耶呢？」

諾亞的神情變得更苦了：「...還好。」



「媽媽」一見，馬上抱緊他，撫著他頭，溫柔道：「我知道....」

諾亞依在「媽媽」的胸懷內輕泣，將最脆弱的一臉表露無遺。

這一臉，即便親如楠芝，也未曾展示過。

只便「媽媽」的年齡不可能是諾亞的生母，但她必然是諾亞生命中很重要的一個人。

「之前同你講果個叫楠芝既女仔.....」

「你既女僕？」

「嗯...佢昏迷咗，醒唔番。」

「咩事...？」



「失血過多，休克。」

媽媽的臉上流露出一絲憂傷。

「有三個傷口無故出血...陷入過假死狀態。」

「我已經用咗我既血去救佢.....但，都仲係唔醒。」

媽媽的眼神開始有點疑慮。

她輕托下巴，眼神猶帶傷感之色，動人得緊：「佢呢個情況....我要查一查。」

「嗯...唔該你。」



媽媽撫著諾亞的頭，溫言：「傻瓜，你係我孩兒呀、佢又可能係我未來新抱之一...」

諾亞淺笑，徒然想起一個人。

「你要去睇下佢嗎？」

諾亞微笑點頭：「轉頭。」

「其實我仲有啲野想問你...」

「嗯？」

「關於爸爸既。」

「突然間問起佢既...？」



「我都覺得...好突然。」

諾亞苦笑：「突然間....有個女仔同我講話係我表妹。」

媽媽的樣子有點驚訝：「啊....乜係咁呀。」

「爸爸係咪有個妹？」

媽媽樣子帶點錯愕，然後微笑，笑得很是甜美：「嗯、果陣佢有提過....有個好細個既妹。」

媽媽續道：「個女仔幾歲？」

「....十七、八左右。」



「嗯.....」媽媽輕聲沉吟。

「咁樣計番....外面都過咗....接近四十年；時間上係吻合。」

諾亞補充：「佢係封魔凌家既後裔....擁有既魔力，遠超佢地凌家整條血脈既所有人。」

「咁可能....真係你表妹都未定。」媽媽正色道。

「仲有冇咩方法可以證明到佢所講既屬實？」

媽媽突然掩嘴一笑：「你試下....去色誘佢，睇下佢會唔會心動咪知道囉。」

然後擺出一個姿勢：「美男計~」

其實、即便心動了，又有那個女孩不會暗暗傾慕自己的表哥？

諾亞嘆了口氣：「媽.....」

隨即被搭了一下膊頭：「好好運用媽媽俾你既遺傳，OK?」

諾亞苦笑：「你唔驚我識唔到女仔架啵....」

「嗯，我自然知道；你係得喱樣野唔似爸爸架啫。」

媽媽點了一下諾亞的鼻子：「唔夠專情。」

諾亞笑了，這個他沒有反駁的餘地。

他心中雖然只愛著一個女人，但同時間....他也放不下那些深愛著他的女人。

「......我個樣真係好似爸爸咩？」

媽媽撫著諾亞下垂的髮端，說道：「嗯.....一樣咁英氣，一樣咁俊俏，一樣咁有才華...」

「一樣...咁容易令到女人願意捨棄一切，去同佢共渡一世.....」

她的雙眼，深情的看著諾亞。

眸子內的那個人，就如她的丈夫一樣...

諾亞握著她的手，柔情道：「迪妮莎........」

媽媽微微一笑，縮開手道：「傻瓜，佢唔係咁叫我架。」

隨後站起身，領著諾亞走進房子。


巨樹的樹根密集，然而有一條樹根卻被打穿了一個大洞。

從洞口中走去進，裡頭竟然四通八達。 

巨樹的正中心，有一座水晶。

那個水晶體積竟然佔了樹底正中約三份一的面積，宏偉無比。

那水晶散發出一層薄霧，原來乃堅冰所造；卻絕無融化的跡象。

這種水晶形狀的不融冰，乃冰系的上古魔法—永恆冰晶。

現時能夠掌握這種魔法的，世上恐怕就只有諾亞一人。

這刻，他正站在水晶面前。

看著水晶，不發一語。

他的眼神....隱沒了很多很多的憂傷。