《一三一》: 序 ~ 《11．11》

Dodo,dodo,dodo
鬧鐘在預定的時間響起來了

今天是十一月十一日，對於軍人來說，今天是第一次世界大戰的紀念日。

但對我這位服"另類兵役"的人來說，今天是紀念我們的日子。從不知道那時開始，我和她就發展了這種特殊關系。

我 :    Niki BB 快啲起身啦，唔係又返唔切工啦！?
Niki : 知道BB。????





每逢她上特早班，每天早上我都總是會叫她起床

有時候，我還會製作簡單的早餐給她，讓她在上班途中可以吃。

我早就當Niki是我的女朋友，但只是不親嘴，不拖手，我曾經有和她表白，她只回應我簡單的一個：嗯。算是答應吧。

基本上我和她一起放假，就會約在一起，有時她到我家看影碟，有時一起行山，有時去試新餐廳，很sweet 吧。
但我的朋友不知道為何，就是很討厭她。尤其是阿Dee ，他總是說Niki 當我是兵，每次阿Dee 這樣說，我都會問自己，究竟她真的是我的嗎？

不，不要這樣想，只要令她高興，我就最幸福了 ：)





輪班工作的我，假期比一般的人多，因為别人放假的時候我上班，今次連續有十二日，一時間不知道做什麼好，於是我whatsapp一下Niki

我 : BB         12：00
Niki : 點呀？13：14
我 : 我有十二日大假呀，你有無假放呀？ 13：15
Niki : 唔得閒呀，今晚先講丫 13：30

会いたかった　会いたかった
会いたかった　Yes!




電話響起來了

我 :    喂？
Dee : 你估下我係邊個
我 :    阿Dee 囉，乜料
Dee : 哈，你咁都知嘅，今晚睇戲囉。
我 :    好喎，睇邊套？侏羅紀世界？
Dee : 唔係掛，仲想約你睇我的少女時代
我 :    都好，不過兩條麻甩佬睇我的少女時代會唔會好怪
Dee : 我成日都講睇戲唔係重點，而係戲院入面嘅先係
我 :    唉！無你咁好氣，幾點巴倫紐等
Dee : 兩點九呀，三點有場
我 :    頂！而家都點九啦，成日都咁遲約
Dee : 你趕到嘅，拜拜





於是我就搭地鐵由我屋企趕到屯門，但兩點十才到達

Dee : 頂你，咁遲先到咖
我 :    嘩！由旺角入到嚟算快啦
Dee : 嘩嘩嘩，你睇吓
我 :    乜料？
Dee : 白色衫嗰個呢
我 :    咦？！係幾好喎

可能因為我反應太大的關系，白衣女立即向我白眼，並說 : ｢死毒撚｣
阿dee 暗笑，並說：｢叫昅女左你唔好咁揚，你睇下面都紅曬｣
這時，我二話不說便拿著戲票衝追場，因為要逃避那介的場面。
｢等埋我啦！｣ Dee 說

總是覺得今天戲院比平日凍，又好像有一對眼常常在我後面望著自己




於是我回頭一看，原來剛才的白衣女在我後面，難怪
「望乜野乜，又昅女呀，死毒撚」白衣女在我耳邊輕聲說

我 :        哈，我睇黃夏惠都唔睇你啦
白衣女 : 呀~唔係，你好似同男仔睇Bor~HEHE…
Dee :    其實我同Kenny係真心相愛的，你死左條心啦
白衣女 : 咁我唔阻你地啦
我 :       多謝你Wor~

阿Dee總算令白衣女回到專心看戲的狀態，但我因為剛才的事，跟本没有很留心戲的内容，況且那她就坐我後一排的位置，一直只想電影快點完結。

這樣說來，還未正式自我介紹，大家好，我是Kenny，我不是大學生
Dee 是我的同學和同事，也是在一間著名的數字電訊商擔任網絡工程師
由於工作環境男性較多，所以大部份同事也是單身，沒有太多機會認識女性
加上公司內的女同事常常豬扒扮上菜，所以我覺得自己應該會跟阿源一樣







Niki 是我在網上討論佢認識的絲打，因一次有緣看到她的貼文，便認識了
而那篇在凌晨三點貼出的文章題目為 - 《我好想死呀，巴絲們可唔可以教下我點做》
那時Niki 知道她的男朋友出軌了，但不知怎樣做
以下是我第一次和她說的話

放手啦，其實呢個世界仲有好多好男仔，你唔值得為佢唔開心，千祺唔好做傻事
又或者呢個世界仲有好多好好既等緊你，唔好再浪費時間響D垃圾身上啦
好多巴打都會支持你架!

忽然，電腦的喇叭響起提示聲
由這一刻開始，我和Niki這兩條平衡線就巧妙地交匯了