揸車仔: 8. 舞伴

蔚林同泳婷happy完，就繼續幫佢補習。
補完之後就抱泳婷上床覺覺豬，待泳婷瞓咗就返歸，正當佢離開泳婷間房後，喺走廊隨即被好似攔路豬般嘅泳珊攔住去路。

蔚林：請問可可脆片小姐有咩事？

泳珊一聽就火滾，但為咗目的都拿拿淋冷靜返。

泳珊：我唔係可可脆片，ok？（咳咳）仲有，我…你…

蔚林聽到無可奈何之際就：我，你，我，你，我我，你你，你究竟想噏乜撚嘢？



泳珊：你可唔可以唔用粗口同我講嘢啊？

蔚林：唔可以。仲有，你老豆老母都未出聲，幾時輪到你order我？冇嘢講就咪撚阻住我收工。

泳珊：哼！我係主，你係僕，我梗係可以order你啦，而且我要order你喺宴會做我partner 。

蔚林：No way，我份合約講到明係保鏢加司機，冇標明要服侍你。

泳珊：Sorry，我真係想你做我partner ，唔想比嗰班毒班行埋嚟邀請我去跳舞，我唔order你啦，我求你做我partner 啦！



蔚林心諗：死妹釘係咪有企圖，突然會求人

蔚林：唔得啵，大小姐頭先已經邀請我做partner ，而我亦都應承咗。死開啦。

蔚林趁泳珊受打擊之際逃離攔路豬嘅阻截，繼而迅雷不及掩耳般揸車返歸同川榮醬大戰。

泳珊：喂！喂！…（越嚟越細聲）其實我想同你跳舞咋T^T

~~~~~~~~~~~~~~~~~~~~~~~~~~~~~~~~


翌日
因為公司有事，王老闆同夫人由權仔送佢地返公司，而三姊妹就由蔚林送返學。
喺路程之中，

泳珊：家姐，你隔離個衰人應承咗做你partner 嗱？

泳婷：（一邊答泳珊，一邊笑住咁望住蔚林揸車，再一手搭喺蔚林嘅手背上）係啊，我同林哥哥喺嗰日一齊跳舞㗎，好期待嗰日快D嚟，雖然又唔想去佢哋班人搞嘅Ball，但係有林哥哥陪住，咁就好啦！

泳珊悲傷咁望住倒後鏡嘅蔚林，再望住家姐搭住佢嘅手，表面悲哀，心裡更是玻璃。