揸車仔: 10. 背叛？

2年前

王泳珊：陳漢威，情人節快樂！♡♡♡

泳珊喺小花園嘅角落將一份喺Godiva親手整嘅牛奶朱古力送比佢鍾意嘅人~陳漢威。

陳漢威：多謝你，王泳珊。

王泳珊：陳漢威，你…你…可唔可以做我男朋友啊？



陳漢威：可以啊！

泳珊想同陳漢威kiss，可惜陳漢威話太快啦……

~~~~~~~~~~~~~~~~~~~~~~~~

2年後

泳婷同蔚林喺床上快活之後，就問蔚林。



王泳婷：林哥哥，你知唔知珊珊都鍾意你啊？

胡蔚林：知啊，不過嗰挺死妹釘又邊會似你咁認真吖。

王泳婷：嘻嘻，但係我好耐冇見過佢咁認真對一個男仔咁好㗎，你記唔記得我送朱古力比你食嗰陣，你話好好味啊？

胡蔚林：記得啊，同kit kat有得揮啊。

王泳婷：嗰D係我喺godiva親自整㗎，每年嘅情人節同七夕，我都整比屋企所有人食㗎，因為我愛你哋，但更愛你，所以特別加咗D BR啤酒落去，因為你鍾意飲BR啤酒^^



胡蔚林：多謝你，婷婷^3^

王泳婷：嘻嘻，不過珊珊嗰份都佢親自同我一齊喺godiva度整㗎，至於情人節送比你嗰份，佢諗住送比一個佢好朋友，但屋企環境唔係太好嘅女仔，然後佢諗住多謝你送返飯盒比佢，但又同你嘈交嚟，所以就將盒朱古力送比你，但你又拒絕咗。七夕嗰份，我問過佢，佢話因為鍾意你先專登整嚟送比你，因為佢覺得佢覺得好好嘅嘢，送比人嘅一定會好嘢，加上佢又鍾意你，先會專登跟我去整。

胡蔚林：乜原來佢認真㗎，但係你話好耐冇整過送比人係咩意思？

王泳婷：因為喺2年前，佢鍾意咗個同班同學，佢叫陳漢威，初時都算正常拍拖嘅，而且亦係珊珊嘅初戀，但佢好怪㗎，從未拖過同kiss過珊珊，珊珊問過佢好多次，佢都話做嗰D嘢太急太快啦，之後珊珊都不了了之……

胡蔚林：係咪佢太毒定A0咋，手又唔拖，又唔kiss，拍嚟托杉。

王泳婷：當初珊珊同佢哋班同學都係咁覺得，係咪太怕羞所以唔敢出手，但事實卻係另一回事。佢同珊珊一齊冇幾耐之後，就經常話佢daddy喺地盤做散工，有幾日冇收入，就同泳珊借幾千蚊交學費同課外活動費，珊珊不疑有他就借比佢。之後就變本加厲，變咗大約拍拖1個月就借咗5次錢，雖然每次都只係借幾百蚊，但珊珊都只係用自己草落嘅利是錢同零用錢嚟借比佢，當珊珊同佢講冇錢可以再借，佢就唆擺珊珊問daddy借錢，咁daddy都借比佢，因為daddy 覺得佢屋可能環境唔掂呢，所以就借比佢。但一而再，再而三，daddy就同珊珊講，叫嗰個陳漢威叫佢daddy去我哋daddy間公司嘅一個地盤度做，睇吓可唔可以由根本做起，去改善佢屋企環境，珊珊聽完都覺得幾好，於是就同佢講daddy嘅計劃，但佢話只需要錢，如果唔借就分手。之後喺我哋勸喻珊珊之後，佢都同佢分咗手，但就日日放學之後，食晚餐之後就匿喺房度喊，足足喊咗1年。最後佢都喺幾個月後轉咗學，聽講喺佢轉校前，我哋級嘅一個女學生都同佢一齊後，係咁借錢。珊珊之後好自責，因為自己戴錯眼識錯人，仲搞到daddy破財，所以除咗屋企嘅所有男性之外，唔再相信其他男仔，亦變到好憎男仔。

胡蔚林：I see.

蔚林說畢，就著番衫返屋企，開始暗中調查呢個賤人。