揸車仔: 2. 冤家？

權仔：你好，請問係咪同福伯有約㗎？

蔚林：你好，我係，你係佢哋所講嘅權仔？

權仔：係，我叫徐永權，請多多指教！

蔚林：我叫胡蔚林，請多多指教！

經過一輪接收同介紹，蔚林亦坐上權仔所揸嘅Audi A8去「未來」老細度見工。




當一落車，管家福伯即刻迎接佢，然後帶去面試。


福伯：老爺，夫人，呢個後生仔就係昨晚同你哋講嘅候選人

老爺：嗯…高大威猛，的確係唔錯，正話睇過你嘅資料，你5科4級DSE、考過保安牌同急救證書、又識水電、揸過3年車、跆拳道紅帶、空手道黑帶、柔道藍帶、資深潛水員、跳傘證書，仲有…機師牌？

蔚林：係，前5樣係生活技能，至於後面嘅只係普通興趣



夫人：唔錯啊，老公，有佢呢個萬能俠，乜都掂晒啦！

老爺：嗯…咁就…

（一陣急劇落樓梯嘅聲）


二小姐：爹哋，你要請佢啊？大嚿衰嚟咋喎，仲有，佢唔係喺地盤做嘅咩？呢D紥鐵嘅，點擺得上枱面見親友啊？

蔚林：做過地盤，唔一定係紮鐵囉，小妹妹。仲有，大嚿衰唔做得司機？你痴撚線㗎？戇尻尻



蔚林話說完畢，全場dead air


蔚林立刻道歉：好抱歉，老闆，如果因為粗口而唔請我，冇所謂

老爺：請！我請！難得有人治到衰女包，我幾大都肯請，原本只有2萬月薪，我加到5萬

夫人亦點點頭示好，只見二小姐一人嬲爆爆…