那天..我在中學聚會見番DaDa: 那天..我在中學聚會見番DaDa (Episode 2)
之後我打左比我女朋友,報告一下今日做左d咩,講下今日一姐派帖, 同講下見到咩同學呀,同PK傾左d咩好笑野,
連見到DaDa都有講,但係DaDa比番張帖我之後嘅事..我就無講到,其實又唔係發生左d咩野事要瞞,廢事誤會啦.
我女朋友叫Bella,係係大學個時朋友D朋友成班約出黎玩個時識嘅..
細細粒,弱質纖纖嘅可愛天然呆,樣絕對ok..
但係Bella最正嘅地方,係佢性格.....講出黎真係嚇死你
佢係一個節儉又唔會點發睥氣嘅女仔!
係現今香港我能夠有一個有樣又唔港女嘅女仔做女朋友!
講真我覺得自己真係幾生修到嫁啦
所以我好珍惜我地嘅感情,lee四年幾黎,我地都相處得好好,好少嘈交,
我亦都無做d咩行差塔錯嘅事,因為我覺得Bella絕對做老婆嘅不二之選!
第二日,因為係星期六,我起身個時已經係12點幾.
我係張床到,好順手咁攞部電話黎碌下,唔知係好定唔好,DaDa真係無再覆我,
係有少少失落,但係都係好事黎,起碼可以叫自己唔洗FF咁多呀媽 ,反正我都有個好好嘅 Bella
唔好搞咁多野重好...
星期六,bella屋企都唔會有人,因為Bella係個獨女,父母開茶餐廳佢地都要開舖,咁我多數
都會買埋lunch去佢屋企一齊食,
食完野睇晒電視,之後就會入佢間房啪啪啪,訓一陣,夜晚就會出街食埋飯,有時會睇番場戲
星期日因為Bella話成日出街好晒錢,所以星期日我通常都會留係屋企打下機,或者煲下劇,就係咁,
過左個好平常不過又好休閒嘅六日..
又到悶到嘔嘅星期一,如果有巴打係做design lee行應該都知做in house designer 其實係一份hea 工
畢業頭個兩年,好有斗心,想係設計lee行打個名堂,走去d design house 到做,過事兩年非人生活
所以以家搵番份in house design 貪佢hea得黎人工又ok....(起碼好過design house 先囉)
時間過得真係好慢,悶到就黎恰著,我係SKYPE 叫PK
我:「PK～～好向左走向右走眼訓呀」
佳:「點呀?威威司令,DaDa無搵你咩？」
（因為我同左PK講個日DaDa d野,比佢笑9我...）
我:「ai...無啦...不過重好...我都唔想諗多左..」
佳:「你Stop la啦...可唔可以請你食舊屎 」
我:「唔係喎...真心...本來以為DaDa紅左一定會好向左走向右走串,點知又幾nice 喎,OK 喎!!所以我對佢加左分」
佳:「比條蕉你食好無? 」
我:「同埋個日係小巴站同佢傾計個時,有種好似去番中學個時個個」
佳:「比十條蕉你食好無? 」
突然間SKYPE有個叫小靜嘅人hi我....
小靜:「hihi,here?」
(小靜?邊個黎ka,個名有d熟熟地)
我:「yes」
小靜:「返緊工?」
我:「係ar」
小靜:「做緊野?阻唔阻你?」
(我不停咁諗緊lee個係咩人...)
佢個icon係一個女仔背住坐係個沙灘...
好熟...好熟....我見過lee張相
我:「唔阻呀,好得閒」
小靜:「我想搵人同我傾陣傾」
我醒起啦!係DaDa..陳靜...lee個中學時期DaDa個MSN張profile pic !
我:「陳靜?」
小靜(DaDa):「yes ar 」
(Omg!!!本來勁眼訓嘅我突然醒晒)
我:「無野做?好少見你online」
(我故作冷靜其實就興奮不已)
DaDa:「Skype 同Msn 合併ma,未試下囉」
我:「一早用緊啦,我」
DaDa:「哦...知你叻啦 」
我:「洗乜講!」
DaDa:「張志燊,咁耐無見你講野成個阿伯咁...」
我:「哎呀,咁耐無見做咩串左咁多呀,靜姐」
DaDa:「姐咩野姐呀,你都痴痴地,點睇我都係叫靜妹」
我:「靜妹-_-....你幾多歲呀..陳靜妹」
DaDa:「16歲!! 嫁咋」
我:「你係陳靜心個妹陳靜妹」
DaDa:「-_-....張伯,你由中學到已家都係咁鐘意串人」
我:「邊有姐」
DaDa:「中一個時我坐你隔離 ,日日都比你串」
我:「又好似係喎..你講番又」
DaDa:「個時你鐘意姚家琪ar ma....」
我「嘩!講lee d?....咁都記得」
DaDa:「都話左我好記性嫁啦 ...你鐘意姚家琪全級都知嫁啦」
我;「嘩....唔好提呀T日T」
( DaDa講番我就記番起,,,中一個時DaDa其實係坐我隔離,重幾Fd Tim ,只係個時佢
真係一個唔多起眼嘅女仔,我根本就當佢男仔咁看待,而且個時我瘋狂咁鐘意姚家琪,鐘意到老豆姓張都唔記得...)
DaDa:「你重要係中二開學個日,當住全班同姚家琪表白! 重錫左人一啖」
我:「OMG ....黑歷史,求下你唔好再講la!」
(真係唔係好想提,,,Seven到飛天
,姚家琪可以講係我第一個鐘意嘅女仔,個時唔知咩勇氣表白
完重要錫人一啖,最後重比姚家琪告,搞到我比人恥笑左成年)
DaDa:「哈哈...抵死!但係咁你重記唔記得..」
我:「記得咩野?」
DaDa:「關於我同你嫁」
我:「咩野ar ?」
DaDa:「算啦,對你黎講應該都係黑歷史黎,都係唔好提啦」
我:「咩野呀?講d唔講d
」之後DaDa就off 左line ....
我諗左好耐都諗唔到...如果係大事,點會唔記得...但係我完全無引象
哎呀..究竟係咩野關於我同DaDa嘅黑歷史呀?!!我好想知呀!
佳:「Wa 今舖你堅係威威司令喎」
我將頭先發生嘅事同左PK講聽...
我:「但係你對佢講個件黑歷史事,有無咩頭緒?」
佳:「um ... 唔知喎,你個時成日做Seven野,好多黑歷史..」
我:「.....」
佳:「你講開我又講,中一個時同你都唔算熟 ...我曾經覺得你同陳靜係有d野嫁...」
我:「下...點解呀?」
佳:「個時你地兩個成日都一齊玩咁,又成日互串...」
我:「車,我個時當佢男仔咁嫁咋 」
佳:「話唔定當年佢鍾意過你,已家想完成當年未完成嘅任務,hehe」
我:「痴線啦...講到我心痕痕...唔會啦,人地已家係明星黎ka..大把老細」
佳:「ai ...你就好啦..萄葡死人啦!」
我:「我有Bella 嫁啦 ...」
佳:「法官大人,真心!」
我:「Hi 你...用法客大人大我...ok..you win 」
佳:「這些機會...ai....等你包膠」
我:「唔會嘅...點會有野...唔好發夢啦」
---------------------
放左工,我重係諗唔到個黑歷史係咩野,
同時,一諗起,PK講個d 野,同埋諗起DaDa...就有一陣甜絲絲嘅feel
我想wt app DaDa..
當然我無send 到,因為我約左Bella 食飯,但係我心不在焉,重有d想快d食完飯返屋企....send message 比DaDa
我知道lee 次大獲,lee種暗中歡喜...好危險,因為我知道我口講幾唔想有事發生,但係其實係最低層嘅心底裡,我係期待緊.....
當我見到Bella 我第一時間攬實佢,攬到實一實!
Bella:「做咩呀傻豬?」
我:「無呀...好掛住你咋ma」
Bella:「傻佬,前日先見完」
我:「掛住就係掛住,無分幾多日嫁媽」
Bella:「係啦係啦...我都掛住你
攬實Bella,我感受住佢體溫,望住佢溫柔嘅笑容,我個人終於都定番,踏實番.
我知道Bella先係真實...DaDa個d感覺係假嘅,虛幻嘅...
我唔會再亂諗野,因為我有Bella一個就夠!我對自己好有信心!!!!
入夜...wt app....
「hey hey !陳靜...你今日講個個黑歷史係咩事姐?我好想知呀!」
最後..我都係send 左
等左陣
DaDa:「你好想知咩?hahaha」
DaDa:「唔話你聽wor ...等你成世都心思思.」
我:「咁惡毒嘅你...你已家搞緊咩?」
之後佢send左張相黎..
wa..send 丁圖比我!?
係同一姐嘅自拍黎,睇黎佢地一齊飲緊野,
佢個表情好開心咁,同時好似有d醉".
DaDa:「我同一姐飲緊野ar..你黎唔黎呀?」