[有聲故][少甜] 我以後都唔會同Band妹拍拖: BEHIND THE SCENES

其實呢次係小弟第一次打文，自問肚裡冇乜墨水，請各位巴打絲打見諒。小弟冇嘢叻，最叻就係發白日夢。我成日諗：既然網絡小說冇傳統小說、印刷出版小說咁多框框，何不將可用嘅multi-media用到盡？
 
講下自己先。其實我只係一個鍾意彈結他嘅文員仔（冇挑選哪位），每日平平淡淡過日子番工等放工…我唔甘心，我想趁仲剩番少少青春做多D嘢。諗轉工搵工之餘，我仲想搵下自己仲有冇其他空間發展，所以咩都嘗試下。我一路都有喺YouTube拍開結他cover，藉著呢個機會宣傳下，有興趣的話希望大家幫手like/ subscribe 支持下小弟：
https://www.youtube.com/Mozredccc
https://www.facebook.com/Mozredccc
 
btw, 過左100正評喇，巴絲們想我彈咩歌...? 我盡量試下。
 
我記得某年新年睇過一篇出自張晨巴打嘅文，叫「封鎖維園年宵，來一場死亡遊戲」，終章入面以Gundam OST做配樂。嗰陣時我覺得呢種present手法好新鮮，可惜自己一直唔夠膽，怕冇能力執行。眼見網絡小說形式好似一成不變，又好似未見過人咁做，就膽粗粗將原創文＋原創音樂溝成瀨尿牛丸。現實中嘅人生冇配樂，點解唔試下故事形式實現？
 


 
直到今年年頭，小弟腦海開始有一個故事大綱，結果憑住一腔熱血動筆，寫左二百字，繼而踏上寫故之路。自問係一個三分鐘熱度嘅廢青，好多時都因為懶因為攰而寫得好慢、甚至完全停筆…有次為左寫故先定寫音樂先，一諗就諗左一個月…所以谷到年尾埋到尾已經可以還神。
 
大家都知道早前二讀網絡廿三，本來我有諗過呢個作品有可能永遠都冇機會放上黎。不過依家延左期，又大時大節，就同各位巴絲分享下。
 
音樂方面，真係小弟一腳踢做晒。如果你問我原創文易寫，定原創樂曲易寫。我諗都唔洗諗答你係原創樂曲易寫DD。整音樂係小弟平時興趣，自問自己枝筆永遠唔及手結他，呢個故完成到，某程度都係要靠音樂上搭救… 順帶一提，SCENE 8 比賽一幕呀雪唱歌，小弟真係用左好大勇氣邀請一位Band妹獻唱。俾D掌聲啪啪啪啪，大家都可以去支持下佢：https://www.facebook.com/maplekanon
如果問我最鍾意邊段配樂，我會話就係比賽嗰段，真係幾熱血。
 
話明故事，如有雷同，實屬巧合。小弟絕對無意踩低玩band女仔朋友們嘅身份，小弟亦有夾band。此故只係借用「band妹」連扣音樂主題再帶出故事；如有冒犯請見諒。大大頂頭盔，其實換個設定，變左 「Dance Soc」、「Drama Soc」、「SU」、 「職場」；「跳舞姐姐」、「下莊妹妹」、「EXCO」、「Sales妹妹」…一樣行得通。冇呃你，呢D事每日都在發生。
 


 
好啦，廢話講住咁多先，瞓覺去，各位巴絲晚安。