2020年11月13日 (FRI)“點呀大小姐,天后大曬呀!識你個陣成日鬧人遲到。。。依家呢?”
究竟邊個夠膽鬧Snowy? 冇錯,佢就係小天后背後嘅男人,Nelson! 同Snowy都係23歲,大家係喺中學識,一見面就會鬧交,但鬧吓鬧吓。。。19歲就係埋一齊lu...
“間餐廳又冇限時嘅,再加上啱啱要接受訪問呀!有公事在身,我~冇~錯~”
 “咁你之前同我講話兩粒鐘家嘛~”
 “係嘅,但係呢。。。你知啦,我天后黎家嘛,外表好重要架!咁咪搞襯衫補妝咪搞咗成粒鐘囉。。。”
 “。。。唔理呀!呢餐你請。。。係呢!佢地問咗你d咩?”
 “問我同你幾時結婚生仔呀!係咪今晚就黎呀?我唔介意架wor,咁d狗仔隊會煩少我一陣~”
 “。。。女仔黎架,講埋呢d嘢。。。”
 “呢d係正常嘢ok?唔係嘅話邊有我地嘅存在?”
就係咁,成餐飯兩個冇點樣食嘢。係旁人眼中,會覺得佢地好煩,口痕友仲會係背後話佢地好快分手。但係呢?就係因為佢地好enjoy同對方鬧交嘅過程,所以就係埋一齊。亦都可以咁講,就係因為佢地拍咗拖,更加可以肆無忌憚咁串對方。。。返到屋企,Snowy好攰咁攤係張床到,望一望個鐘,夜晚十點半,而維也納。。。幾點呢?


“唔理啦, whatsapp問吓佢先!”
 “喂Gordon!瞓咗未呀?一齊Skype呀@@”
Snowy冇諗過一send完個whatsapp,就見到Gordon係度“輸入中..."
 "Ok ah!!!"
而呢位Goron...就係連Snowy都唔知叫唔叫做初戀男友嘅初戀男友。
“做乜咁有興致同我Skype? 好掛住我呀!”
 “冇呀,睇你死得未呀嘛!”
 “香港依家幾點?”
 “10點幾到啦!”
 “唔怪得搵我啦,我地呢度凌晨3點呀!啱啱先練完琴,下個禮拜又要表演lu~"


“巴閉啦低音大提琴師~”
 “係呢?成半年冇skype,做咩今日同我skype者?”
 “今日訪問提起你囉!”
 “條問題係咪有咩人得罪過你?”
 “咁講到我最憎嘅人,TOP TEN都未輪到你啦!班人問我,有咩人一直以黎都支持我追夢?”
 “我有幫過你咩?”
 “唔知呀,個腦第一時間諗起你囉!”
 “你唔驚Nelson唔開心咩?”
 “我冇同佢講呀,同埋佢都唔會留意我d報導架啦!再加上。。。我同你個單嘢都過咗5年啦,佢唔係我覺得我仲咁長情呀?仲有呀,佢有咩唔開心都唔會講出聲嘅,似你囉!”
 “咁我依家同你講。。。我好唔開心呀!”


 “。。。識你十幾年啦!預咗你咁講啦!”
 “咁你又同我講“似你囉”!擺明想俾我串!”
 “得啦!我認輸啦!講第二d啦!拍拖未者?”
 “點解你次次都問我拍拖未?”
 “大佬呀,我請咗你食出pool飯架,仲食咁貴,我要食你餐出pool飯,價錢仲要double!”
 “未出呀!都冇時間~”
 “又hea我!”
 “唔講第二d啦,講第三d啦!”
 “嘩!好好笑呀!點算呀!”
就咁樣佢地skype咗3粒鐘,對於Snowy,佢一到十二點幾就要瞓覺。對於Gordon,冇錯係傾到朝早六點,而且好攰好攰,但係佢樂意為Snowy犧牲時間,都為佢犧牲咗十幾年啦!一晚又有咩所謂呢?因為喺佢心入面,Snowy佔據住一個無法形容嘅位置。。。一切嘅事,要由佢地小學四年班講起。。。
已有 0 人追稿