「圍住球場跑二十個圈,跑!」排籃田泳,我、雷電、阿良同仁仔一人教一樣,我嘅專職係負責排球隊。「跑快啲啦!咁快就莫氣學咩人比賽呀?」
雖然佢哋平日喺子文村我都係隨心所欲去玩弄佢哋嘅身體,但最近我都開始咗對校隊嘅訓練,所以冇乜點搞佢哋。
「靜香你烏到個身咁前做咩呀?呢度街嚟架!你仆喺度咁點呀?」平日喺子文村雖然我都只係隨意玩弄佢哋嘅身體,但係大賽當前,我嘅身份就係魔鬼教練。所以近日我都冇點樣掂佢哋,只係日日夜夜操練啫!「珍珍你笑咩呀?對腳提高啲啦!」
但昨日同史校長嘅會面,令我今日都有啲心不在焉。
一架車停咗喺學校嘅球場邊,揸車嘅人正係史必烈。
「唏同學,飲啲水先啦!」大隻佬史必烈打開尾箱,捧住兩箱水行過嚟。「唏休息一陣再練過啦!」
「跑完呢廿個圈再抖!」我唔俾佢哋停。
「辛苦晒呀!我去送埋啲水俾籃球隊先嘻嘻!」史必烈繼續佢猥瑣嘅笑容,又去拎兩箱水捧入籃球場。
「唉…真係頭都痛撚埋……」我搓搓額頭,回憶下昨晚返到子文村嘅事。
本來我有啲事要遲走,叫咗瑀涵開車再嚟接我。其他人坐大巴返去先。


點知好死唔死,瑀涵只係著住條工人褲乜都唔著就嚟咗。
望住籃球咁大對奶喺我面前Fing Fing下,忍唔住伸隻手揸下佢,條衰妹啲呻吟聲又鬼咁嗲,咪叫佢搵個偏僻地方泊低架車幫我出咗火先囉…
執得幾劑射到佢成對波都係精,又遲咗兩個鐘頭先返去子文村。
當我一返到屋企,沈澈已經帶齊所有白羽織系包括阿珊又華呢啲下年度插班生企喺400米路截住我哋部車。
瑀涵成身精咁落車問咩事,已經俾安琪捉佢去沖涼,然後香慈連部車都揸走埋。
嚇得我以為咩事,原來楊悔同沈澈佢哋講咗史必烈搵我嘅事,然後又遲咗返去,佢哋覺得唔對路所以先咁緊張啫。
反正本來就想講呢件事,所以就同佢哋落地庫會議室喇……雖然係叫常蜜一路幫我吹住嚟講……
我將事情一五一十講晒出嚟,大家嘅討論就變得更加混亂……
楊悔話:「都話撚咗啦!又問鳩你攞錢,屌佢係咪乞衣嚟架?」
綺雯話:「錢都算……但佢講啲嘢咁怪嘅……」


阿珊話:「我覺得佢係想表達啲嘢,而且可能暗示緊大賽嘅事佢係有啲身不由己……」
晶晶話:「但佢不停喺度推波助瀾又點解釋呢?」
又華話:「既然身不由己咁佢一定係要向更上層嘅人交代,佢唔可乜都唔做。但子文有咩吸引佢令佢個個啦揀揀子文做王者榮耀生呢?」
善媛話:「運動成績知識都十項全能!」
靜媛話:「識靈術仲有玉玲瓏嘅男人!」
「靈術?」紅鈴話:「講起覺得奇怪,當時史校長好似對住冇現身嘅我微笑。」
「我都覺得佢向我點頭。」
連銀茹都咁講,在場嘅大家都帶住不安嘅表情。
「大家唔使咁擔心。」倩玲話:「而家大家最多只能懷疑佢睇到銀鈴同紅茹。就當佢睇到銀茹同紅鈴,咁都唔係第一日嘅事。假使佢要對我哋不利,其實一早可以落手啦!未有大賽之前佢冇做啲咩,大賽出現咗我哋坐埋一條船佢就更加唔敢對我哋不利,所以佢好多嘢先開方便之門。」
倩鈴講嘅確實有理,但似乎大家都仲未可以釋懷。


「究竟而家我哋經歷緊啲咩呀?」珠珠問。
甚少發言嘅詠珊亦都加把口:「照我推斷,佢番說話可以咁去睇。我哋係齒輪,子文係,連史必烈自己都係。佢後面有佢不可抗力嘅嘢操控住呢一切嘅發生,所以佢一直扮傻。直到今次機會,佢就想搵天賦異稟嘅子文幫手,幫佢改變呢一切。所以我哋無論做咩都咁順利。」
利理問:「咁為咩會叫子文嗌雷電佢哋嚟屋企呢……」
「銀茹、白晴,聽日你哋唔使跟住去學校,留喺村入面。」一直沉默嘅沈澈話:「紅鈴同綠荳保護啲外校生。既然史必烈咁講,學校範圍係安全嘅。至怕係途中啫!通知所有司機,有咩事捽鎖匙扣。順便出通告叫所有寄住生絕對唔可以接近子文村外牆。」
「沈澈姐你真係信史必烈?」月兒話。
「冇得唔信。」沈澈話:「放學返嚟全部點到點唔好喺任何其他地方逗留,直接返嚟。有咩事叫仁仔同阿良過嚟幫手。」
就係咁,今日我嘅情緒極度繃緊。
話說自從子文村落成,阿良佢哋幾個屋企都陸續喺附近買咗一幅唔太大嘅地建立自己嘅王國,分別叫做電廠、良宅同謀人寺,加埋我哋剛好四個閘口圍住個迴旋處而建,同我哋變成咗鄰居。
所以雖然風都冇運動場同公共泳池,但係阿良同仁仔屋企有比賽用嘅田徑同標準池,就索性帶隊返自己屋企進行訓練。
當然,聽籃球隊嘅淑慧同泳隊嘅藝玉講,雷電同阿良嘅訓練方式都近乎有啲斯巴達。但對比仁仔放電鰻落水電到泳速太慢嘅麗玉要搵人急救嘅痴線行為,我嘅訓練算係相對溫和喇。
見廿個圈已經跑完,我拍拍手嗌:「飲啖水抖五分鐘!轉頭五十下掌上壓!」
忽然間Feel到褲袋陣緊,喺子文村嘅詠珊打俾我噃!
「喂?點呀詠珊?」
「子文,快啲返嚟啦!出面嚟咗好多人呀!」
我聽到背景聲越嚟越嘈,有人嗌開電閘有人騰晒雞。


「咩情況呀?」
「我都唔知呀!你叫晒啲人返嚟先啦!香慈揸咗部大巴出去入油,佢而家會即刻嚟接你。安琪揸緊嗰部外校車會喺風都公路兜圈跟你哋尾返嚟,快啲啦!」
情況不妙!
「喂全部執嘢即走呀!屋企俾人搞呀!」我對住坐喺地下飲水嘅排球隊嗌:「晶晶,同我點齊人學校門口等。我去搵雷電!」
「唔撚使喇!」雷電帶住喺籃球隊嘅司徒淑慧同常蜜嚟到。「上車即走啦!」
「唏陳子文!」史必烈猥瑣咁笑住喺校舍走出嚟。「你哋有急事係咪?唏呢度個場我會收喇!你哋返屋企途中注意安全呀!」
然後一人扔咗把木劍俾我同雷電,「吖唔知邊個練劍道同學留低把劍喺學校呢?唏麻煩兩位同學幫我交返俾佢哋喇!」
呢個時候香慈亦都揸車趕到,我哋即刻衝上車準備趕返子文村。
行車途中,雷電同我不停打電話,通知啲江湖朋友過嚟幫手。當然,身為黑社會嘅我哋,要搵人嚟幫手,總會有我哋嘅辦法。
但係好快我哋就收到電話,第一波支援喺公路被對方截咗,準備同對方開波。
陸續收到嘅消息都係,無論步行、公共運輸定私家車,都有人截擊我哋嘅支援。
「對家睇嚟都幾疊馬。」雷電話。
「得我哋兩個……」
「阿良同仁仔已經封死所有出入口唔俾人出入,我哋啲女未返嚟嘅全部唔好返嚟住留喺學校先。佢哋等我哋返嚟會一齊出去同佢哋死過。」雷電話:「一陣落車執生啦!」
到咗子文村附近,已經見到一大班人喺四公子迴旋處圍住牆同閘口。


我直頭火都嚟,拎起把木刀就衝落去。
雷電嗌:「司機閂門,我哋清咗閘口你哋即刻衝入去啦!」
點解只圍不攻呢?後來先知原來圍牆外面鋪晒電網,所以佢哋等緊人送膠手套同竹梯嚟。
我同雷電二話不說衝去子文村閘口。
睇班友同我哋差唔多年紀,純粹只係人多。
但我哋係受過靈術訓練嘅肉體,我打你一下你就搞掂,而你打我連痛都唔會呀!
我哋一人手執一把木刀,入村嘅通道已經打開。
班人想擒住車邊入去,亦都俾我哋輕鬆打低。
但係對方人咁多,我哋都唔知乜頭乜路。但依我哋睇,呢度起碼過百人。
「搞我屋企?我屌你老母!」身為主人家嘅我拎住木刀就衝入人群當中,而對方雖然人多,但全部都手無寸鐵。
銀茹、紅鈴、白晴、綠荳四個亦都喺28號攞咗啲唔死得人嘅武器,由圍牆上面好型咁跳落嚟。
睇住佢幾個跳落嚟,我就諗起細個睇神雕義守襄陽嗰陣啲人跳落嚟打柒啲蒙古兵嗰幕。
但我冇時間發夢,因為另一邊都開始亂起上嚟。
而喺附近,亦見到我哋叫嚟嘅人陸續趕到。
無他嘅,眼前班友根本就係啲普通嘅男學生,而我哋叫嚟嘅,係打開交嘅MK仔,根本上講到打鬥就毫無懸念。


敵人嘅另一邊好似騷亂緊,睇嚟阿良同仁仔都郁手喇!
我同雷電繼續向人群核心衝擊,似乎已經搵到帶隊人喇!
人群當中見到休咗你嘅朱宏禮、百果園嘅文桂翔、神象嘅呂忍誠同埋……風都官中嘅賈清高?
「孟子良!我先係百果園嘅KING呀屌你老母!」文桂翔向住阿良衝埋去。
「嘥氣。」阿良沉著應對。
「就係你陰鳩我兄弟?收嘢啦!」仁仔向住朱宏禮衝埋去。
「揭人陰司,卑鄙!」朱宏禮亦都接戰。
「就係你個變態佬夜媽媽撩人同盟去使橫手?」雷電一腳伸埋去呂忍誠度。
「嚟啦!」呂忍誠避開雷電嗰腳迎戰。
「賈清高!」我指住風都官中嘅King話:「估唔到你會同佢哋同流合污!」
「No。」高高瘦瘦嘅賈清高戴住副金絲眼鏡,氣勢迫人:「身為官校嘅KING,我最睇唔起啲破壞比賽公平嘅人。既然你組成咁嘅聯盟,我去將佢破壞,都好合理啫!」
「包括搞人屋企?」我唔同佢講廢話,衝過去同佢搏過。
賈清高實力係我遇過嘅對手當中最強嘅,面對住我依然攻守有道進退得當。
但我先係最強嘅!大家腿功比較之下,賈清高似乎都嚇咗一跳。
「你真係好強。」賈清高重整旗鼓,但見自己帶嚟嘅人已經俾我哋同班MK仔打到七零八落,唯有話:「好期待再堂堂正正同你打過,但今日絕對唔係好機會。」


「想走?」見佢哋四個想走,仁仔即刻起身追。
「想追我哋咁卑鄙?」朱宏禮擰轉身灑咗啲白粉出嚟。
「啊!」仁仔㩒住對眼嗌痛,成個撻咗落地。
白晴即刻施法救人,連綠荳都忍唔住話:「石灰粉都用埋,佢班友究竟有幾卑鄙呀?」
已有 0 人追稿