『乜咁啱既?』
『係呀』
『我走先喇』
『唔好呀!哎呀!』
.
噗!
『頂,咩事呀?仆街,有落呀唔該!』
.
幸好趕到下車,否則第一天上學就遲到。
但剛才,那個女孩究竟是誰呢?




矇矇矓矓看到一眼,長頭髮,大眼睛,笑得甜絲絲,但究竟,她是誰?
.
匆匆忙忙趕入校園,又要開始新的一年,重新的一年。
沒錯,是『重新』,因為我留級了,今年是我第二年的中三...
.
突然間,我後腦被拍打了一下。
『死傻仔,企係度做乜呀?』
『杜杜!你係度做咩呀?高form開學禮晏d先開始喎』
『陪你囉,費時你一個人咁q悶』
『下,即係你?』




『係呀!』
『咪住先,我就話考試仆直啫,你科科合格,點解要留班?』
『學期尾請多幾日假,又同老師嘈左幾句,唔gur咪留下班』
.
即係呢,人生總係有d咁癡線的兄弟...
.
開學禮來來去去都是那回事,校長致一份又長又催眠的詞,考驗下一眾學生的忍耐力。
然後,choir 唱幾首聖詩叫醒眾人。
至於道行高的,就會把握時機,『抄考』同學的暑期功課。
.




挺過這一部份,就來到了高潮,宣佈班主任。
這部份除了決定學生那一年的前途外,還是睇人仆街的時候。
.
中三是低年級中最高班,所以會是最後宣佈。
.
上一年的我,抽中了『老姑婆』。
『老姑婆』是全校男生的『噩夢』,成績好的就會被她纏著,經常要參加不同的比賽;成績或操行不好的,就像我,自自然然就會成為她更年期的發泄品。
.
一直宣佈,歡呼聲和慘叫聲七起八落,偏偏就是沒有『老姑婆』的名字。
偏偏校長就喜歡搞事,無故由E班開始宣佈。
偏偏我們就是A班,整班同學都緊張到不敢再看。
偏偏去到B班時,『老姑婆』還仍然在空缺名單。
當宣佈B班的班主任後,全班B班都歡呼了,因為...
天啊!為何你要這麼天意弄人!
.




『天父,耶穌,聖母,觀音,關二哥!求求你地打救,只要老姑婆唔係我班主任,我...我...我戒打丁一個月!』
.
『未來一年,中三A班的班主任就係...』
全班同學已無心情再看下去,雙手掩頭,就像行刑前般。
.
『喃嘸阿彌陀佛!天父聖母聖子聖神!阿門求求摩西出現打救!』
.
『就係朱志宏老師!』
『希望三A班的同學好好對待朱老師!』
.
『嘩!』
原本的一片死寂變得喧嘩不已。
原來,來回地獄又折返人間的感覺,就是這樣!
.
但究竟,為何我們會逃過一劫?




.
Facebook:微言
Instagram:smallpotatosay
一至六每晚7點,重溫當年走過青蔥的歲月
Facebook, Instagram, 紙言, 高登共同發佈
已有 0 人追稿