《只有一棵樹的森林》: 第六章

那夜，我回到我的成名地。
這個地方隔涉，細小，只有一邊的它，由脫色的硬地支撐著。
很多人會看不起它，因而它變成我的特訓場地，這裏每一寸都有著我的汗水，淚水和血水。
.
『駿仔』
『師傅』
『做咩突然咁勤力呀？』
『唔知點解，突然好想打波，好想好想打』
『無錯！就係咁！』
『？？？』




『駿仔，你的技術其實已經好好，只係一直搵唔到自己既目標』
.
師傅說得沒錯，當年因為人事問題而離開籃球隊，結果我心有不憤，於是一直苦練技術。
但後來，當我放下心結後，心境變得平淡，也再沒有一定要變強的奮鬥心。
.
『駿仔，你係咪有鍾意的女仔？』
『師傅你點知架？！！』
『你對眼講俾我聽的，師傅都曾經後生，都知道咩叫青春』
『師傅都試過？』
『點會無，當年師傅我都有唔少fans，但我唯獨睇到佢一個，每一次練習同比賽都會見到佢』




『後來呢？』
『無後來喇，當時的我掛住練波，到我發覺時，佢已經無再嚟嚕』
『下，咁師傅你唔覺得可惜既咩？你唔去搵番佢？』
『搵？天大地大點搵呀？不過呢，當年為左唔好係佢面前失威，所以我搏老命咁練波，唸起嗰時團火都回味呀！』
『原來師傅都有段刻骨銘心既記憶』
『所以有目標絕對係好事，不過練還練，都要平衡下生活，夜喇，快d番屋企喇』
『師傅！』
『咩事呀？』
『我想變強！』
『你咪已經夠強囉...』




『我想變得更強！』
『咁你係想變強定一定要變強？』
『我一定要變強！』
『咁你聽朝六點番嚟搵我喇』
『下？！！』
『唔好下，變強就要付出代價，所謂...』
『吃得苦中苦，方為人上人吖麻』
『衰仔！』
.
翌日，我真的準時六點正到達球場，史無前列地早，或許都是慢慢習慣了早起的感覺。
.
『估唔到你又真係幾準時喎！』
『早晨師傅！』
『既然你想再變強，就先要明白一個道理』
『係咩？？？』




『力不持久者，皆弱』
『下，我好持久架喎』我望一望下面
『衰仔，成日唸埋d衰嘢！我係話體力同專注力！』
『哦，嚇死！』
『因為你以前打三對三，跑動範圍較細，而你本身既打法亦唔係體力化，所以你一直都無面對過呢個問題』
『但如果你去打全場，你就會發現力不持久的影響』
『無錯，因為我懶所以一直都無練過耐力，所以打波一激烈或者打得耐，就好易攰』
『但係師傅，專注力又關咩事？』
『打波切忌心浮氣燥，無論週邊發生咩事，我地都要保持專注力，如果唔係就會好易影響自己的水準』
『原來係咁，咁我應該點做？』
『每朝六點你就過嚟，練完波再跑番學校，如是者，不出三個月，必有收成！』
『咁宜家應該做d咩呀？』
『今日就練射罰球先』
『Easy Job!』
『咪住，戴住佢先』




『聽住歌練咁正...咪住，What the F!!! 師傅，你認真？』
『信我喇，一定有所得著』
.
『今日就練住咁多先，聽日繼續，宜家你就跑番學校，記得計時』
.
『呼...呼...呼』
『司徒同學早晨呀，咦，點解你全身濕哂既？』
『方...方同學，早晨呀...無呀...我跑番嚟咋麻...唔講咁多，我去更衣室沖個涼先』
.
『40分鐘，唉...真係要努力d先得』
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈