《只有一棵樹的森林》: 第九章

目標？究竟要訂甚麼目標好呢？
.
『司徒同學』
『方同學』
『你做咩係度呆左？』
『無呀，唸緊有咩目標』
『目標？』
『係呀，朱sir叫我係讀書上要set目標，但我都唔知有咩目標』
『哦，你可以set短期同長期目標』
『？？？』




『即係例如下次考試要有幾多科合格，而今年又要考成點，前面就係短期目標，後面就係長期目標』
『考第一？』
『都可以係呀，不過你咁有信心？』
『下？唔係呀，我講下咋，唔使考包尾已經好好』
『咁又唔係喎，有目標人自然會有動力去努力』
『考第一？女神？』
『你係度講緊咩呀？』
『無呀，哈哈』
.
『係喎，你又考第一，都未恭喜你添』




『又？』
『你以前成日考第一架嘛』
『以前...』
『係喎，一直都無機會問你，點解你會轉嚟磊光讀既？』
『你真係想知？』
『如果你唔想講，當我無問過』
『俾啲時間我，總有一日我會話你聽』
『等你！』
.
如果...我考到第一的話...不知她...




.
原來，一個人有了目標，真的會為了它不斷努力。
為了不讓她失望，為了拉近我倆的距離，我竟然會下定決心去努力讀書，去計劃之後的時間分配。
起步雖遲，但總好比永遠停滯不前。縱然未必能追趕前列，但最少無愧於心。
.
原來，一個人有了目標有了鬥志，是會有能力做出之前無能力做的事，突破自己。
.
由一溫書就會睡著，慢慢到打瞌睡，再到勉強堅持二十分鐘。
雖然有進步，但還是遠遠不足，究竟要如何辦呢？
.
踏入十二月，天氣也開始變得寒冷，要早起也要靠堅持，要不然真的會倒下來繼續熟睡。
.
『早晨師傅』
『早晨駿仔，估唔到咁凍你都頂得順，起到身，叻仔！』
『多謝師傅...』




『做咩咁頹呀？係咪太辛苦想放棄？』
『梗係唔係！只係呢排溫書溫極都溫唔入腦，唔知點好』
『係咁簡單咋？你聽下呢段野先』
『咪又係我日日聽嗰段錄音囉，就嚟倒轉都識背』
『就係錄音喇！你咪好鍾意聽歌既，一於將要溫既嘢錄低，番學放學都聽住，宜家距離考試仲有個半月，應該趕得切既！』
.
對啊！這個方法又方便又直接，更不用怕自己會溫書溫到睡著！
.
突然間，在2015年的最尾，我的生活突然變得有規律下來。
.
早上五點半起來，簡單梳洗然後就去特訓。六點特訓一小時，然後便從球場跑回學校，邊聽錄音邊跑，爭取時間。回到學校冲洗一下，就在小食部等待她的出現。
.
小息和Lunch都是走到籃球場加操，有時候則和她一起行去教員室或校務處處理班務，雖然只是短短的一程路，但可以和她單獨相處聊聊天，對我來說已心滿意足。
.
放學的時候，我就會走到圖書館努力一會，遇到不明白的問題，就會走到教員室向老師提問，特別是數學，總是不明白，總要打擾朱老師。




.
『這樣明白了？』
『明白喇，唔好意思呀朱sir，成日嚟打擾你』
『老師本身就應該教導學生直至佢地明白，冇咩打唔打擾，反而老師見到男班長你咁努力，覺得安慰就真，你要努力呀！』
『係既！』
.
每天就是這樣重覆，回家的時候又繼續聽錄音，回到家繼續努力，想睡的時候就待下來休息，做下健身，掌上壓和sit-up，順道練下身體。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈