完場後,錢進走到我們的後備席,
「唉,都叫左你架喇,乖乖地投降咪好囉,宜家又要輸到無哂面」
「你想點呀?」我不爽道
「無,想有啲人願賭服輸啫」
「好…」
「好呀,咁你以後都唔好嚟搵方晴!」
Kathy搶了我的話,對著錢進說
.
「又關你事既」
「點解唔關我事?!!佢地兩個既事就係我既事!」




「無錯喇,你地打賭呀麻,我地知呀!」杜杜接著說
「知就好喇」
「不過你係咪被人趕出場之後傻左呀?!!你地係鬥高分,唔係鬥輸贏!呀駿就攞左十九分,你呢?」
「我…」
「計唔到呢,因為你淨係攞得十一分!所以你先係loser!」Kathy大聲說
「你地!」
「你咩地呀,走喇!」杜杜反擊
「走喇!」
面對著群情洶湧,錢進也只好退走。
.




「你兩公婆一唱一和既功力真係唔講得笑呀」我笑道
「梗係!」二人異口同聲地說
「咁頭先嗰下倒地掩面…」
「你知架」杜杜陰陰嘴笑
「你真係… 鬼頭最多!」
「不過認真,大家都為你付出好多」
「係喇!咪住,你地又會知我同錢進既打賭?」
「係我講架」方晴開口說
「其實唔關方晴事,係我地逼佢講」Kathy急忙說
「大家都係想幫你啫,唔好怪佢地喇」杜杜幫口說




「你地為左我,連冠軍都唔要…」
「無你,我地根本連班際都無可能贏!」波仔插口
「你地…」
「嗱,男人老狗,唔好喊呀」杜杜笑道
「原本唸住架,不過你咁講,宜家可以慳番」
「好喇,我地都係唔好留係度做電燈膽,大家快啲走喇!」
.
我和她,為了避開大家的耳目,也走到附近商場的天台。
.
「呢度真係好舒服呀!」方晴大叫著
「傻左咩你!」
「咩喎,難得出到嚟梗係要輕鬆下」
.
「方晴」
「唔?」




「對唔住呀…」
「做咩無端端講對唔住?」
「明明應承左要送塊金牌俾你,但宜家…」
我緊握著手上的銀牌
「唔係呀,你無失信呀!」
「下?!!」方晴從衣袋中拿出一塊金牌
「呢塊?」
「傻瓜,自己塊牌都唔認得?」
我拿上手一看,「2015-2016年度中三級班際籃球比賽冠軍」
「係喎!但點解塊牌會係你度既?」
「咁你嗰時又唔知去左邊,杜杜咪代你做代表攞獎,之後佢就俾左你嗰塊我」
「原來係咁」
「但你未完成你既承諾喎!」
回想起來,「我應承你,一定親手將塊金牌掛係你頸上」,現在還差一步。
.




「方晴」
「唔?」
「其實你知我好鍾意你架」
「做咩無端端講呢啲嘢?」方晴一臉尷尬
.
「一開始識你嗰時,由於我地距離太遠,所以我一直唔敢癡心妄想。但係,經過呢幾個月既相處,我發現,我真係好鍾意你!為左你,我願意去做任何嘢,只要你開心,我幾辛苦都願意!但自從錢進插入後,我愈來愈怕,我怕既唔係輸,我怕既係永遠失去你。自此之後,我先知道我係幾唔想你走!」
「你真係好傻呀!」方晴的面早已濕透了
「方晴,你可唔可以做我女朋友?」
.
她甚麼都沒有說,只是微微把頭低下,仿彿是一個暗示。
我把金牌掛到她的頭上,然後把她一擁入懷。
.
就這樣,從被掛金牌的一刻,方晴正正式式被佔有了!!!
.
Facebook:微言




Instagram:smallpotatosay
一至六每晚7點,重溫當年走過青蔥的歲月
Facebook, Instagram, 紙言, 高登共同發佈
已有 0 人追稿