接下來的兩個星期,就是連綿不斷的對卷。
當中有好有壞,今次無論成績如何,都有著方晴陪伴我。
.
總括而言,今次的成績比上次大考有絕大的進步。
中西史都有六十分以上,中英文也有合格,擅長的經濟更進步至八十三分。
可惜的是,理科三科全都不合格…不過生物科也考得四十八分,只差一點點就可以合格,總算看到有希望。
.
「各位同學,今日就要同大家對數學科喇」朱老師說
朱老師有個習慣,就是先跟大家對卷,然後才派卷,確保大家都會留心,不會被分數影響。
.




憑著僅餘的記憶,我大概猜度自己的分數,一直都覺得是樂觀,正面的。
「好,咁我地宜家派卷,老師先宣佈頭三名」
「你做咩好似好緊張咁既?」我問方晴
「我係替你緊張!」
「傻瓜!」
「咁係呀麻!你努力左咁耐」
.
「第三名係Carrie」
「啪啪啪」
只見Carrie回位時斜望了一下方晴。




「第二位,我地親愛的主席Kathy!」
「Woo!恭喜Kathy!」我和方晴異口同聲
「Kathy bb你好叻呀!」杜杜當然要出聲
「你呀,努力啲喇!」
.
「大家估下第一名會係邊位同學?」
「方晴!」大家齊聲高呼
「無錯喇,恭喜方晴同學,佢除左係本班第一名,仲係全級第一名!」
「Woo!!!」
「九十六分!方晴你真係怪物嚟架喎!」杜杜驚訝




.
「咳咳!除左頭三名,老師仲有一位同學想點名表揚!」
朱老師看一看我,
「呢位同學,上一次失敗後無放棄,繼續十分努力,當大家溫書時,佢溫書;但當大家休息去玩的時候,佢仍然繼續溫書,今次,佢既努力終於獲得回報」
.
「呀駿」方晴望向我
「就係我地既男班長,司徒駿!」
「WoW!!!」
「司徒同學由上次既唔合格,進步至今次既全班第八名,全級亦係頭四十名內,係極大既進步,大家俾更大既掌聲恭喜佢!」
.
「多謝朱sir」
「你實至名歸,要繼續努力!」
「我一定會!」
.
苦盡甘來,付出了無盡的時間,今次,總算有少少收穫。




.
「下星期會派成績表,如果大家係任何科既分數有問題,就要盡快係今個星期搵相關老師處理,如果無問題既,今日落堂喇」
.
「呀駿,今次你威喇,朱sir又開口讚你!」杜杜說
「我仲有好大進步空間!希望今次平均分可以合格…」我說
「一定得既!」方晴有信心道
「唉,杜杜豬,你睇下人地,你幾時先肯努力?!!」
「哎呀Kathy bb,呢啲嘢可遇不可求」
「你講咩呀?!!」
一陣慘叫聲隨之而傳出…
「呀駿,救我呀…」
「唉,鬼叫你唔努力,今次真係神仙難救,打者愛也!」
.
「BB,細力啲… 甩喇甩喇…」
「睇你知錯未!」




「知知知!」
.
Facebook:微言
Instagram:smallpotatosay
一至六每晚7點,重溫當年走過青蔥的歲月
Facebook, Instagram, 紙言, 高登共同發佈
已有 0 人追稿