《只有一棵樹的森林》: 第三十九章

雖然有了進步，但卻不可自滿，因為要令總平均分合格，還要看最後一試。可幸的是，下學期佔六成分數，所以只要保持水準合格還是在望。
.
放學的時候，方晴神神秘秘的拉我到角落，
「做咩呀晴？」
「不如呢…今晚我下你屋企食飯囉！」
「咁掛住我？！！」
「咩呀，我掛住伯母啲靚湯餸咋！」
「其實我係想同你一齊返去見伯母，想睇下佢為你感到驕傲個樣」
「傻既」
「咁我地今日早啲完，返去幫媽咪呀！」




「好呀！」
「咁我打個電話同佢講你今晚嚟先，佢一定好開心！」
.
回到家後，
「媽，我番嚟喇！」
「伯母，我又上黎打擾你喇！」
「你地返黎啦，晴晴隨便坐呀」
「伯母，呢盒士多啤梨送俾你架」
「哎呀，上黎坐咪得囉，使咩買禮物呀！」
「要既要既」




「咁多謝你喇，你又知我口味架喎」
「其實係呀駿話我知既…」
「算你個衰仔有呀媽心」
「咦，伯母，咁香既？煲緊湯？」
「係呀，知你上黎，特登煲個玉竹淮山雪耳紅棗燉雞」
「嘩，咁足料！」
「係呀，呢個湯滋陰養顏，啱曬你飲！」
.
在他們忙碌了一大輪後，終於也等到了開飯的時間。
「媽，我有啲野想同你講」




「唔？」
「今日派左成績表喇」
媽媽聽了後頓一頓放下筷子，
「今次考成點呀？」
我把成績表遞上，媽媽接過後，仔細看了幾遍。
看過後，竟然在成績表上多了幾滴水珠。
「媽，你做咩呀？」我緊張地問
「伯母，呀駿佢今次已經好努力！」
「我知，我睇得出」
「媽，咁你又喊？」
「衰仔，我係高興呀！」
「下？」
「你個衰仔，終於生性，肯努力！」
「咩喎！」
「晴晴，多謝你！唔係你駿仔都唔會咁努力」




「媽！」
「伯母，點會關我事呢，全部都係呀駿自己的努力！」
其實不可否認的，方晴的出現確實是我力爭上游的最大動力。
.
送方晴回家的時候，雖然我倆還是身穿校服，但還是在十指緊扣。
「喂，做咩拖得人地咁緊？」方晴問
「我怕你走左去嘛！」
「傻既，無端端點會走左去」
「唔知架，我女朋友又係校花，又係學霸，唔捉緊啲等陣被人搶走左點算！」「咁如果，有一日我真係要走呢？」方晴突然嚴肅地問
「做咩無端端咁嚴肅啫？」
「你答我先喇！！」
「咁我會捉緊你，唔俾你走」
「咁如果我一定要走呢？」
「我…我唔知…」我突然變得很沒有自信
.




「我…到喇」
「哦…好」
「你快啲返去喇」
「咁你自己小心啲喇」
.
原本高高興興的晚上，突然間，大家都嚴肅起來。
.
那一晚，大家都沒有找對方。或許，是我們都不敢找對方。
溝通，是解決問題的方法；沉默，卻是令爭吵冷卻下來。
.
翌日，我們沒有在小食部等對方有，沒有在課堂上眉目傳情，更沒有一起午膳。
午飯的時候，杜杜主動找我兄弟行，
「做咩呀，今日咁好死，搵我出黎，唔使陪你個Kathy BB咩？」
 「咁得閒都要陪下你啲兄弟既」
「算你喇，有異性有友性」




「你同方晴點呀？」
「無野呀」
「無野，成個上晝兩個完全無交流」
「可以有啲咩呀」
「Kathy同我講左喇」
「Kathy又知！」
「Kathy，話方晴琴晚打左俾佢，仲喊得好勁」
「下？！」
「唔使下，我聽到既時候都嘩，三聲」
「唉…」
「究竟發生咩事啫？」
.
於是，我把整件事的來龍去脈都說一說給杜杜聽。
「下，原來係咁」
「就係咁」




「咁都幾摸不著頭腦」
「咪係囉」
「唉，唯有希望Kathy幫到你喇」
「下，你地分途出擊？」
「唔係點呀？你兩個對於我地兩個都咁緊要，唔通睇住你地散咩」
「唉…」
「共勉之喇！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈