《只有一棵樹的森林》: 第四十五章

九月一日開學，八月二十九日就是註冊日。
這一天除了要為新一年註冊外，還是給大家的警報，提示大家新學年快要到，暑期功課是時候加速完成。
.
我的暑期功課當然一早完成，我現在的進度大概已到第一次中期考的範圍，當然有很大原因是歸功於Kathy在旁的幫忙。
.
「點呀兄弟？」杜杜關心我問
「可以點呀…」
「無事既，Kathy話係分班名單見到方晴個名，仲係商科班」
「真既Kathy?」我緊張的問Kathy
「係呀，我親眼見到既！」




.
「唔好意思，我遲到…」是…是那把熟悉的聲音！
.
我轉身一看，門外站著一個正在氣喘的女生，長髮披肩，眼大大，一個我很久不見，日夜都想念的身影。
.
在完成了註冊儀式後，我倆走到較隱閉的廣場。
「兩個月，六十一日，一千四百六十四個小時，八萬七千八百四十分鐘，五百二十七萬零四百秒…」我忍著淚說
「對唔住…」
「你知唔知道，每一秒我有幾掛住你，有幾擔心你！」
「對唔住…」




「你知唔知，我幾驚以後見你唔到…」
「對唔住…」這一次，方晴衝上來抱緊我。
.
「對唔住…真係好對唔住…」方晴淚如泉下
「究竟發生左咩事？」
「派完成績表後，我同Daddy鬧左個大交」
「下，點解？！！」
「我雖然考到第一，但因為我想揀商科，Daddy想我揀理科，所以我地嘈左好耐」
「因為我？」
「唔？」




「係咪因為我，所以你先堅持要揀商科？」
.
方晴點一點頭
「多謝你！」我把她再一次抱緊
.
「但係點解你一直都唔搵我？」
「係同Daddy嗌交後，佢就收埋左我部電話，仲鎖左電腦，又唔俾我出街，無幾耐，佢仲帶埋我去外國，所以一直都無方法搵你」
「原來係咁…」
「真係好對唔住…」
「算喇，你都唔想架麻，唔好喊喇」
「我要走喇，Daddy係門口等緊我」
「去喇，小心啲呀」
「嗯，咁我地開學見喇！」
「開學既時候，你一定會見到一個不一樣既我！」
.




終於，終於看到了她…
心總算安定下來，不用擔心她的安危。
.
最後幾日，也許該好好享受一下暑假的樂趣，養足精神，準備之後的硬仗連場。
.
雖然還有幾天才可以看到方晴，但現在的心情已由落寞變成期待，十分渴望中四的開始，尤其我們四人組又可以再一次同一班，喚然一新的我一定要給方晴一個新印象！
. 
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈