《只有一棵樹的森林》: 第四十九章

放學的時候，只見方晴匆匆忙忙地收拾東西。
「呀晴，你咁急要去邊？」
「我今日有事，要快啲番屋企，你唔使送我喇」只見她愈來愈慌張，連東西都掉到地下
「晴，究竟發生咩事？唔好要我擔心你好無？」
「我...」
.
「方同學，你走得未？我順便叫司機車埋你呀」是那個插班生
「唔使喇…」方晴冷冷地說
「唔使怕喎，黎喇」他死纏爛打
「都話唔使！」




「呀晴，我送你番去呀」我捉住她的手說
.
「方同學，你咁樣做會令我呢個未婚夫無哂面架喎」
「下！未婚夫？！！」我驚訝地叫
「無錯呀，我爸爸遲啲會同方uncle一齊合作搞生意，接近成億，咁方晴同我一齊都好合理呀」他得戚地說
「唔好再講喇！」方晴忍不住地說
.
「呀駿我地走喇…」
.
我們走到商場天台，兩個人靜靜地在坐




.
「其實…如果你要發脾氣，係可以架」方晴擔心地說
「我只係想知，究竟發生咩事？」我同樣擔心地問
「其實…係暑假既事」
「就係你失蹤個段時間？」
「無錯，自從Daddy突然有錢後，佢就成日要我打入上流社會，但我根本就唔鍾意咁樣」
「然後因為錢，所以你Daddy要逼你同個有錢仔一齊」
「嗯，係我被去左外國後，除左留係間房，就係去酒會，再唔係就要同佢周圍去」
「唉...」我不禁歎氣
「但係，我個心一直都係掛住你架！」




「傻瓜，都無人質疑你」我摸一摸她的頭
「點解你對我咁有信心？」方晴欲哭地問
「點解要對你無信心？」
「因為連我自己都無信心…」
.
「傻瓜，當初你肯揀我咁有信心，宜家我梗係俾番信心你，更何況，每段拍拖都一定會受到考驗，唔通每次一遇到考驗就縮咩？要同你行一世，就預左架喇」
「呀駿...」方晴眼濕濕地看著我
「傻瓜」我把她一抱入懷，因為我知道現在的她，最缺乏的就是安全感。
「多謝你」
.
「不過呢？」
「下？」
「其實個插班生都幾靚仔，又有錢」
「你好想我同佢一齊咩？！！哼！」方晴裝作生氣的樣子
「點會呢？我心愛既方晴公主，點會忍心俾人搶走你！」




「肉麻！」
「唔鍾意咩？」
「唔睬你」
.
「好喇，我要番去喇」方晴說
「咁你諗住點算？」
「我都唔知呀…」
「咁唯有拖得一日得一日」我說
「唯有係咁喇」
「好喇，我地行喇」
.
把方晴送回家後，我一邊走一邊沉思…
插班生，未婚夫，逼婚，怎麼電視劇的老土劇情偏偏發生在我身上…
幸好的是，方晴的心仍在我處，無論發生何事，我倆暫時仍是未被吹倒。
.




想了又想，其實不禁想到了很多壞情況…
想了又想，想到自己出了神也不知。
.
「嗶嗶！嗶嗶嗶！嗶嗶嗶嗶！！！」
.
「Boom!」
.
怎麼眼前一片白光，仿彿置身天堂。
我的人生，就此結束？
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈