方晴的突然暈倒,把我嚇得驚慌失措。
我馬上衝進場內,一手抱起她,跑到救護站。
幸好今天是比賽,有專業的人員當值。
.
把方晴送到救護站後,我就站在一旁,看著救護員替她作出檢查。
看到方晴的嘴唇全白,讓我更加擔心。
.
「唔好意思,想問佢點呀?」我緊張地問救護員。
「唔使太擔心,佢應該只係休息唔夠,休息多啲就會無事,等佢醒番後,俾啲能量飲品佢飲會好啲」
「麻煩哂」聽到後,我馬上跑去買枝能量飲品等她醒來。




.
等了好一會兒,終於等到她醒了。
「你終於醒喇!你覺得點呀?」
「好攰呀…」
「黎,飲啖能量飲品先,慢慢黎」
.
休息了一會兒,方晴慢慢也回復精神過來。
「好啲未呀?」
「好番啲喇」
「你嚇死我喇!」




「係喎!場比賽點呀?」
「Err…」
「唉…」
「仲有一場,仲有機會架!」
「唔使再氹我喇,我知架」
.
「係喎,點解你會突然暈左既?你體能明明好好架」
「Err…」
.
「其實係琴晚…我練完波番去後,Daddy係都要我出去陪佢參加酒會,我講左好多次唔想去,但佢話如果我唔去,我今日就無得黎比賽」




「佢有無搞錯呀!!!」
「算喇….」
「佢令到你休息唔夠,暈左呀!」
「始終佢係我Daddy…算喇,我想番去訓呀」
「嗯,你揹個背囊然後上我背脊呀」
「下,做咩呀?」
「我揹你番去囉」
「唔使喇」
「乖喇,我驚你又暈呀,上黎訓一陣,到左我再叫你」
.
就這樣,我背著方晴由體育館走到她家樓下。
而她,又再一次在我懷裡睡著,我想她真的累了。
.
「唔~我又訓左呀?」
「係呀傻瓜,到樓下喇」




「唔~你又睇住我訓呀?」
「係呀,好睇麻」
「有咩咁好睇?」
「唔知呀,睇你囉」
「傻,我上去喇」
「小心的呀,上去記得訓覺!」
「知道喇!」
.
送走方晴後,我也回家了。回家的時候一直在想,愈想愈擔心方晴,怕她爸爸終有一日會把她的身體挨壞。
更怕有一天,她爸爸會逼她跟他人結婚…
.
幸好,星期一回校的時候,看到方晴安然無恙地在等我。
.
「呀晴,早晨呀!」
「呀駿...」方晴看到我後,眼眶全紅了




「做咩事呀?!!究竟發生咩事?你唔好嚇我呀!!!」我緊張地說
「我對你唔住呀…」說罷,方晴就衝進我懷裡大哭
「究竟發生左咩事?」
.
「方同學」又是討人厭的出場
「你走呀!」方晴罕有的激動
「做咩啫?我地琴晚食飯仲好好架」
「你地琴晚一齊食飯?!!」我驚訝地問
「係呀,我Daddy,方uncle,仲有我同呀晴,琴晚一齊去食法國菜,不知幾享受!」
「你講大話!」這句是方晴說的
「好好好,我知你想保密既,我走先」
.
「呀晴」
「唔係咁架呀駿,你聽我解釋」
「我淨係想問,呢個就係你對唔住我既事?」




「係…但係我被逼架!!!Daddy捉我出門!」
「得,我信你」
「下?」
「我話我信你呀!」
「點解…」
「睇你頭先一系列反應就知喇,傻瓜黎既」
「呀駿!」她又衝進我懷裡大哭
「傻瓜,唔好再喊喇,如果唔係人地以為我蝦你呀!」
.
Facebook:微言
Instagram:smallpotatosay
一至六每晚7點,重溫當年走過青蔥的歲月
Facebook, Instagram, 紙言, 高登共同發佈
已有 0 人追稿