《只有一棵樹的森林》: 第七十四章

要找到杜杜，只需要去一個地方。
.
「個籃球無辜架，你係咁擲佢炸板，等陣佢生仔就慘喇，無端端要被犧牲」我對杜杜說
「點解你可以無感覺架？！！你唔嬲既咩？」
「嬲架，但見到我兄弟仲激動過我，仲點嬲得落！」
「咁係呀麻，Kathy仲要呃住我地喎！」
「佢就係知你會有咁既反應，所以先唔敢話你知，佢其實都唔知點面對你。其實我地都要企係佢角度唸下，佢身為班會主席，佢既每一個決定都要向全班負責，其實佢都唔好受」
「咁又係…」
「黎喇，咁耐無同你打波，打番場1 on 1，睇下你有無退步，打完就準備去崇拜」
「驚你呀！」




.
兩兄弟一起在球場上打球的日子，其實都不知還有多少次。
你封我，我偷你，大家著緊的，不再是比分，而是誰是你的對手。
.
完成了聖誕崇拜後，班上的同學都磨拳擦掌，想盡快回班房開動。
畢竟平時出外食自助餐最平都要二、三百元，而且今次的廚師還要是十分高級，最重要是免費的。
.
當食物全送到後，大家都忍不住嘩一聲。
前菜有湯、沙律、魚生、鵝肝醬、魚子醬；主菜有龍蝦伊麵、羊架、牛肉等等，還有甜品供應。
這根本和酒店自助餐沒分別，所以又難怪一班同學這麼興奮。




.
「各位同學，啲食物滿意嗎？」他來擺姿態了
「好滿意！」大家都一致回答
「方同學，你呢？」
「還可以喇」
「咁你慢慢食，我等陣再黎搵你」
.
「呀駿，你真係唔食呀？」方晴問我
「唔喇，你食得開心啲呀」
「嗱，咁你攞住喇」方晴在袋中拿出一個食物盒




「咦，咩黎架？」
「我特登整俾你架」
我打開食物盒，看到裹面放滿壽司卷
.
「點解既？」
「我估到你未必會食呢啲野，但我又唔想你餓親，所以咪整左壽司卷俾你」
「點解你會知我唸咩既？」我眼濕濕地問
「你夠成日知我唸咩喇，咁我地都拍左拖差唔多一年，仲未了解你就大穫」
「幾時都話你最善解人意喇！」
「但你唔嬲我喇？」
「算喇，嬲黎做咩」
.
「唉，你就好喇」杜杜慨歎
「黎喇，一齊食喇！」
「呀嫂整俾你既…」




「食喇，咁多廢話！」我把一舊壽司卷放進他口
「唔～好食呀！嗱，你請我食野，我請番你飲野喇！」
「嘩，你邊度變兩罐可樂出黎架？」我問他
「頭先臨上黎前買既，本身臨住一人一罐捱過今日」
「可樂配壽司卷，幾新奇，黎喇，飲！」
「你當啤酒呀？不過，飲喇！」
.
他們有他們的豪華自助餐，但我卻更享受我面前的簡單美。
有著方晴特意為我準備的愛心壽司卷，也有著杜杜為我買的可樂，愛情兄弟情我都兼有，還有甚麼好抱怨。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈