《只有一棵樹的森林》: 第七十六章

我走到大門開門，看到鐵閘外站著一位女生。
「呀駿…」
「呀晴？點解你會黎既？」我打開鐵閘
「呀駿！鳴呀！！」方晴看到我就撲進來嚎哭
「你唔好喊住先喇，話我聽發生咩事？」
「咩事呀？咦，係呀晴呀，入黎先再講喇」媽媽說
.
方晴入來坐下安頓後，也慢慢停止了哭泣。
「黎，飲碗熱湯先，你睇你個人都白哂，呀仔，入去攞件褸出黎俾佢著」媽媽說
「知道！」




「唔該伯母」
「傻女黎既，快啲暖番個身先」
.
「呀晴，究竟發生左咩事？點解你會走黎？」我緊張地問
「伯母，我今晚可唔可以係度訓？」
「究竟發生左咩事？」媽媽擔心的問
「呀駿…」方晴又哭了
「黎，我係度，唔使驚，有咩同我講，我會盡量幫你」
「Daddy… Daddy佢逼我同何能夠一齊….鳴呀，佢仲話聖誕會俾何能夠黎我地屋企住，到時Daddy仲會飛去外地，即係要我同佢兩個人一間屋。我一話唔制Daddy就打我，我好辛苦先走到出黎，除左呢度，我真係無其他地方可以去喇，伯母，求下你收留我喇」
「傻瓜黎既，媽咪一定唔會見死不救，媽咪係咪呀？」




「你都咁講喇，我話唔俾咪好殘忍，好無人性？」
「多謝伯母…」
「傻女黎既，唔好喊喇，喊到我心都痛埋，睇你都未食野架喇，一齊黎食平安大餐喇！」
「多謝伯母」
「黎喇呀晴，唔使驚喇」我開心說
.
晚飯過後，方晴很快就洗澡睡覺。
睡在我床上，周圍都是我的氣味，加上我哄她，她很快就熟睡了。
之後…我就帶著一個枕頭一張被走出房間。
.




「呀晴訓左喇？」媽媽問
「總算訓左喇」我說
「我想問，呀晴爸爸真係咁衰？會逼個女去做唔想做的事？」
「以我所知就係，方晴說自從佢爸爸變左暴發戶後，性情大變，成日要方晴去唔同舞會，盡可能打入上流社會，然後嫁入豪門」
「嘩，睇電視劇就話見得多，估唔到真實都會發生，頭先睇佢喊得咁慘，我都覺得可憐」
「但係呢，爸爸嗰度點？」我問媽媽
「爸爸唔係唔講道理的人，加上平時呀晴表現咁好，放心喇，媽媽會幫口架喇」
.
「不過呢，駿仔你唸住點呀？」媽媽說
「下，咩點呀？」我不明
「你今晚唸住訓邊？」
「梳發囉，你睇，有枕頭有被，我準備好架喇！」
「凍呀今晚」
「我有著保暖衣」
「你話事喇」




「唔通入去同呀晴一齊訓咩？！！」我搞笑說
「無人話唔得架」媽媽認真說
「媽…」
「仔，你唔珍惜，過左去就無架喇」
「宜家我邊度無珍惜佢？」
「我訓喇，你自己好好唸下喇」
.
幸好媽媽肯暫時收留方晴，不然都不知怎辦。
回想起今晚發生過的事，都覺得心驚膽跳。
一直以來擔心的事，終於發生了，也想不到結果竟然是這樣。
.
沒想到，方晴會對她爸爸說不，更想不到方爸爸為了要女兒就範，無所不用其極。
要是殺人是合法的，我肯定第一個把他殺掉。
.
無論如何，方晴總算暫時搬進我家。




.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈