「呀駿…」「你快啲醒喇」「你唔好揼低我呀!」
.
矇曚矓矓地張開眼,看到白矇矇一片,難道我…
再眨一眨眼,看到白矇矇的一片中,有一格格,我就知道…
「呀駿,你終於醒左喇?!!」方晴大叫
.
「醫生醫生,佢醒左喇!!!」方晴緊張地大叫
.
接著又是一道強光照進我眼中。
「記唔記得自己叫咩名?」一把男聲問




「司徒駿」我答
「知唔知呢度係邊?」
「醫院」
「唔係天堂咩?」
「天堂無一格格的天花板」
「你又知?哈哈,好,咁你又知唔知點解自己喺醫院?」
「被人打中後腦所以暈左」
「無錯喇,你算好彩,被打中的位置唔係最危險的位置,不過因為腦內有積血,所以之前我地幫你做左開腦手術,你宜家覺得點?」
「個頭有啲痛,睇野好矇」
「好,咁你休息下,晏啲會再幫你詳細檢查」




.
「醫生,我個仔點呀?」我隱約聽到是媽媽的聲音
「初步睇病人就係穩定,不過詳細情況就要等檢查後先知」
「咁醫生,佢會唔會失憶?」這次輪到方晴問
「可能會有機會,不過真係要等病人完全清醒後先知,唔好太擔心」
「唔該醫生…」
.
「呀晴,唔好咁擔心,無事既,個衰仔一定會記得你既,我地去睇下佢先」我聽到媽媽說
.
「呀仔,你點呀?」




「媽…我有啲痛,同埋攰」我說
「好彩仲認到我,咁呢個呢?」媽媽把方晴帶到床邊
「你…你係…」
「你真係唔記得我?」方晴傷心的說
「你…」
「仔,你唔係真係唔記得佢呀?」媽媽也緊張起來
「你…你係司徒太,我的好老婆」我不再作弄她
「衰人!你真係嚇死我喇!我真係以為你失憶唔記得我!」
「邊個都可以唔記得,唯獨你之外」
「嘩,你兩個呢,我番去煲湯先,呀晴你幫我睇住佢」
.
媽媽走了後,就是我倆的獨處時間。
我隱約看到方晴臉上有幾道淚痕,整個人面色很差。
.
「你覺得點呀?」她緊張的問




「無咩事呀,休息多一陣就可以出院架喇」
「醫生話你仲要做檢查架」
「檢查下我有幾愛你啫,係喎,今次我訓左幾日?」
「三日三夜喇…」
「辛苦你喇,係喎,究竟我暈左之後發生左咩事?」
「你被人打時,我就驚到唔知點算,好彩保安叔叔係度,佢用滅火筒噴向班人度,之後就抬你入番學校,再打電話報警同叫救護車」
「原來係咁」現在回想,拾回性命真的是幸運
.
「呀駿,你知唔知我真係好驚會無左你」方晴說
「傻女黎既,我宜家咪無事醒番囉,係喎,宜家幾點?」
「下午一點,做咩呀?」
「點解你無番學既?」
「係朱sir同校長批假俾我架,因為第二日我一番到班房見到你個位,我就係咁喊,朱sir見到咁,就同校長申請俾我放假,所以我就可以係度陪你」
「咁你一直都無番過去?」
「番去沖過涼換件衫」




「你真係傻,辛苦你喇」
「下次唔准你再留低我一個!」
「仲有下次?唔好喇掛…」我說笑
.
下午的時候,醫生替我作了一系列的腦掃瞄,確定腦內再無積水或積血。
回病房後,就發現有一班人在等我。
校長,朱老師,杜杜,還有Kathy,當然不少得媽媽和方晴。
.
「嘩,咁齊人呀?」我笑說
「司徒同學你覺得點呀?」校長問
「校長,我無咩大礙,係個頭仲有少少痛,我唸抖埋呢個星期,下星期就可以番學」我說
「千祈唔好心急,腦部康復要小心處理,慢慢,學業上,學校會係之後全力協助,所以你放心休養吧」
「多謝校長」
「好,見到你無咩事校長都放心,校長仲有公務要處理,走先喇,朱sir,剩低的事就交俾你處理喇。另外,方同學,你就繼續放假,專心照顧司徒同學,直到佢番學為止」
「多謝校長!」方晴感謝校長的體諒




.
Facebook:微言
Instagram:smallpotatosay
一至六每晚7點,重溫當年走過青蔥的歲月
Facebook, Instagram, 紙言, 高登共同發佈
已有 0 人追稿