住多一天醫院後,我就趕著說要出院。
一來自己真的不習慣醫院的味道,根本難以入睡;二來所有檢查已完成,確定自己無任何後遺症;三來是醫院真的很悶,待到自己也變呆了。
.
「呀仔,你真係要咁快出院?」媽媽問
「媽,我真係無事喇,我再留係度就真係會有事!」
「亂講!吐口水再講過!」
「係喇係喇,係喎,呀晴呢?」我問
「佢番左學呀」
「下?!!」我感奇怪
「係囉,我今朝聽到都嚇一嚇,我問佢時,佢話有啲好重要的事要番去處理」媽媽答




「重要事??唔緊要喇,佢番到學都係件好事」
「都係呀,之前你訓緊的時候,佢成日都茶飯不思,有幾晚我都聽到佢係間房度偷偷喊,聽到都心痛」
「唉,真係辛苦佢喇…」我歎氣
「所以你出院後一定要好好錫番佢」媽媽叮囑我
「放心,我一定會!」
「執好野就行喇」
.
踏入家門的一刻,跨過火盤,掃過碌袖葉後,代表正式把之前的霉氣清走。
回到家的感覺確實不同,自由自在,整個人都輕鬆了不少。
.




這時,門被打開,方晴也放學回來。
.
「呀晴,你番黎喇!」我去迎接她
「係呀,你做咩咁曳,咁快就出院?」方晴裝作生氣
「咁醫院無你,我訓唔著麻,係喎,你今日又會番學既?」
「下…Er…咁你都醒左無事,我番學都好正常呀」
「嗯,呢段時間,辛苦你喇!」
.
晚上的時候,爸爸也從大陸回來了。
「你點呀?」爸爸問




「無事喇,醫生檢查哂都話無事呀,放心喇」
「你自己小心喇,有咩事就出聲」
爸爸就是這樣,口裹好像不太關心,語氣淡淡的,但其實內心是多麼的擔心。
其實,世上哪有當父母的,不關心不擔心自己的子女。
.
晚飯的時候,看見桌上全是我喜歡的菜。
「知你係醫院無啖好食,所以特登整番餐好既俾你」媽媽說
「多謝媽媽!!」
.
「係呀,伯母,聽日同後日我都有野做,會去朋友屋企,順便係佢地度訓」方晴說
「下,咩朋友黎架?」媽媽問
「其實係同班同學,女仔黎架,所以好安全」方晴答
「下,邊個黎架?」我問
「多事呀你!食飯喇!」
.




臨睡的時候,我還是有點不放心。
「呀晴,究竟你要去邊個度?」我問
「做咩呀?你唔信我呀?」
「唔係,只係有啲唔放心啫」
「其實係去Kathy度啫」
「哦,Kathy,咁無野喇」
「你唔係應該會問埋去做咩既咩?」方晴反問
「你想講既自然會講架喇,你唔想講就自然有你的苦衷」我望著她說
「呀駿…」
「傻瓜,不過自己小心啲呀,尤其呢排發生左咁多事」
「我知架喇,你自己都要小心呀,休息多啲」
「唉,跟住兩日無你陪我訓,又要一個人對住四面牆」
「唔好咁喇…」
「無野喎,你今晚俾我攬實啲囉」
「好呀!」




.
Facebook:微言
Instagram:smallpotatosay
一至六每晚7點,重溫當年走過青蔥的歲月
Facebook, Instagram, 紙言, 高登共同發佈
已有 0 人追稿