《只有一棵樹的森林》: 第九十一章

派單張的事情很快就惹起大家的關注，很多人都加入支持我們的行動，一日內收到很多同學的關心，實屬意料之外。
.
當然，這件事也很快傳到老師的耳中。
「請方晴，司徒駿同學馬上到訓導處」
學校的廣播傳來「老姑婆」的聲音。
.
「死喇，老姑婆一定會阻止我地，仲可能會記我地過，點算呀？」Kathy驚道
「放心喎，上去又唔一定係罰，就算係，我先係主謀，你地又無俾佢叫上去」我淡定說
「呀駿…」方晴有點愧疚地看著我
「無野喎，快啲上去喇，唔係等到老姑婆更年期發作就大穫！」我笑說




.
去到訓導處，敲一敲門，入內後確定看到一副關公臉，拿著單張的老姑婆，臉黑到不行。
.
「你地有無搞錯呀！身為學生，唔好好讀書，走去搞埋啲抗爭活動，危言聳聽！！」老姑婆怒火中燒
真好笑，難道全級頭兩名也不算是好好讀書？
據聞老姑婆是鐵血藍絲，看來她真的有點被蒙蔽了。
.
這個時候，訓導處的門又被敲響。
進來的是朱老師，救星到了！！
.




「唔好意思呀曾老師…」朱老師客氣說
「唔好意思呀朱sir，我知你想維護你班學生，但係呢啲係我地訓導處的事，希望你唔好插手！」很大個官威！
「但係…」
「但係麻煩你出一出去先！」
「其實曾老師，係校長叫我黎架！」朱老師終於忍不住
「下？！！」老姑婆一面愕然
「校長話知道曾老師你非常關心學生，但呢件事佢想親自處理」朱老師說
朱老師說罷後，老姑婆的臉就更黑。
.
「咁唔知我可以帶佢兩個走未呢？」朱老師問




「我仲有權出聲咩？你兩個最好循規蹈矩，唔好俾我捉到你地有咩犯錯，唔係你地就知死！」
「係既曾老師」我向著她，進行了三鞠躬。
.
逃離現場後，我馬上感謝朱老師的救耳之恩。
「朱sir，好彩你黎得切咋，唔係我隻耳實無！」
「唔好咁得戚住，過埋校長個關先喇」
「下？！！真係要見校長架？」我驚訝
「唔通你以為我假傳聖旨呀？」
「係呀」
「總之入到去自己執生喇！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈