《只有一棵樹的森林》: 第九十三章

經過連續三日的廣傳，校內絕大部份學生都了解交易的大概。
同時，由於數間傳媒的廣泛報導，社會和網絡上都引起一陣輿論，相信定能帶給一班校董壓力，從而改變他們的決定。
.
但偏偏在今日的時候，一個令人震驚的消息傳出來。
何氏集團突然發出聲明，表示一切有關注資學校的事宜，皆與集團主席無關，集團主席只是代為出面，對於引起公眾關注及引起一眾輿論，表示不幸，故特意出此聲明，希望作出澄清。
.
在臨表決前才突然作出澄清，看來何能夠又要再一次不戰而敗。
豈料，震驚之事一不離二…
在開會之前，竟然…見到方世伯的出現！！
.




「Daddy，點解…點解你會係度既？」方晴驚詫地問
「哈，你仲識叫我Daddy既咩？我以為你心入面無左我添」
「唔係呀…點會呢…只係我真係好唔鍾意何能夠」
「人地何氏大大個集團，成億身家，有咩唔好？」
「Daddy呀，感情唔係鬥有錢架」
「我唔理，總之如果你係都要同呢件野一齊，佢都唔會有好日子！」
「世伯，你係咪黎代表何氏同學校傾交換件事？」我問
「唔係，我係代表自己黎既！」
「點解你要咁樣做？」方晴痛心問
「因為我要令佢一無所有！」方爸指著我說




「唔會！佢仲會有我，我係點都唔會放棄佢！」方晴說
「你！你到時唔好後侮！」方爸氣道
.
「呀晴…」
「唔好理佢！佢眼裹只有錢！」
.
之後，一班校董陸續來到。
我們和平理性地叫出口號和遞交意願書，大部份校董都願意停下來和我們對話，更有校董向我表示支持，保證一定會投下反對票。
.
在校董會開始前，校長也再一次走進群眾，聆聽大家的意見，方晴也趁此刻把一個公文袋交到校長手中。




.
「方同學，裹面既係？」校長問
「有一班同學的簽名信，同埋我在內，幾位同學的退學信」
「退學信？！！」我和校長也感到震驚
「我地都唸得好清楚，知道後果，而最重要係，如果學校今次願意為左捐款放棄呀駿，無人可以擔保自己唔會係下一個」方晴說
「好，我明白，不過我相信，係唔會有需要用到，等我好消息！」
「加油校長！」大家齊聲說
.
「呀晴…」我輕歎
「我知你想講咩，但我真係唸得好清楚！你去到邊，我都會跟住你！」方晴說
「喂，仲有我地呀！」杜杜，Kathy，還有一班兄弟
「你地…」
「點呀係咪好感動呀？！」杜杜問
「你地係咪傻架？！！」
「學你咋麻！」他們一起說




.
「大家，我地唔可以淨係坐係度！大家快啲攞功課或書出黎！我地要話俾其他人聽，即使要抗爭，都唔代表會荒廢學業！」方晴對大家說
.
結果，我們創下一個壯舉，過百個學生坐在操場上做功課或溫習。
雖然校董會傍晚六點才開始，正常都要兩個小時才完結，但大家都仍然堅持直至有結果為止。
.
等到晚上八時，一眾校董終於出來了。
校長很快也走到操場，他首先把公文袋還予方晴。
.
「校長，即係？」方晴問
「各位同學，聽朝繼續準時番學，我唔想見到任何一個人遲到，包括你司徒駿！」校長說
「下？」杜杜不明
「多謝校長！」我眼泛淚光的對校長說
「唔使多謝我，多謝支持你的同學，仲有係你身邊的佢，繼續努力，唔好令我失望！」
「我一定會！」




.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈