《BurgerKing與綿綿冰》: 是咁的

由一月一號寫到依家,每次出文都大概有三百人睇,最多嗰次有四百,多謝曬大家會抽時間睇喱個故事。
不過我諗大部分人都覺得喱個故唔係咁好睇,包括我自己在內。我甚至覺得寫得差過係學校用一個鐘嘔出黎嗰啲功課,我自己都檢討咗好耐,得出其中一個結論就係寫得太急。
「海洋公園」之前嘅幾章我都係預先寫定,所以我諗相對文筆或者鋪排方面都比其餘章節好。
但係後來為咗可以堅持兩至三日一篇,開始愈寫愈快,文句不但無修詞,甚至連自己落咗嘅伏筆都唔記得拎翻出黎。
 
總括而言,我認為喱個故係個失敗作。
 
雖然係咁,但寫作源自FF,而FF係唔會有完嘅一日,所以我嘅寫作係短期內應該都唔會完結。事實上我已經諗好幾個故事,連詳細故事內容都構思好,「BurgerKing與草莓綿綿冰」都出現過為未來幾個故事嘅伏筆。但其實我仲未諗好要寫邊個故事先好,所以就比大家幫手諗下。
 
一個係類似「BurgerKing與草莓綿綿冰」嘅校園愛情故,但故事亦包含其他完素,如果話「BurgerKing與草莓綿綿冰」係八成FF加兩成我自己嘅經歷,咁喱個故就係三成FF加四五成我嘅經歷加兩成我朋友嘅經歷。故事相比「BurgerKing與草莓綿綿冰」會無咁離地,男女主嘅互動亦會比較多。




 
另一個係發生係2999年嘅世界,過度的核發展令地球變得滿目瘡痍,主角與另外約一萬人被告知要靠殺怪物或殺人來賺錢維持生命, 賺到足夠的金額就能到達另一個美麗的星球。奇怪的是沒有人能記起自己出現在這裡的原因,過去的事原全沒印象。喱個故就100%FF,會出現戰鬥場面,伏筆超多,故事結局保證有驚喜,注重在劇情,需要思考嘅嘢都比較多,但相對男女主角嘅互動就比較少。
 
大家想我寫邊個多啲就留言話我知啦,「BurgerKing與草莓綿綿冰」未來都會出兩三個後記,交代翻之後所發生嘅事,下個故係寫完後記,休息一陣,LOL打翻上鑽石後就會開始寫,吸收咗今次嘅經驗,我會寫好曬先放上黎比大家睇,應該六至八月就會再同大家見面。
 
好多謝大家肯留意「BurgerKing與草莓綿綿冰」,下次再見。