[新手][校園] 當你中六果年先遇到教畜，最好嘅解決辦法就係‧‧‧‧‧‧: 8. 原來，實情係咁
一路見家長果陣，條教畜係度加鹽加醋，一時又話我態度差，一時又話我成績好差，考DSE會好唔掂，一時又話我功課成日唔交。總之，講到我根本係一個壞到透嘅學生。估唔到竟然個仆街校長仲要深信不疑，就連我阿媽都係。
「我哋依家決定罰你停課一個月，而且一個月後全部科要測驗。唔合格嘅話落番Form 5。」校長好決斷咁講。
「你自己好自為之。」個死教畜奸笑住咁講。
我︰「睇下點，我一定唔會令你失望。」
其實我對喱個決定好唔報氣。屌！根本就係個仆街死教畜係度搞三搞四，我先要搞到要停課，所以我決定要搵一啲like我嘅老師幫我係校長度講好說話。
由於個停課室係教員室隔離，所以我係咁捕住啲好人嘅老師，叫佢地做我證明，係條死教畜係度加鹽加醋。結果，我搵到2、3 個老師肯幫我手。
停課嘅第二個禮拜，我決定單人匹馬入去校長室同校長PK。
我︰「依家有幾個老師都覺得我唔應該俾人咁樣處分。佢地都認為我唔係張澤南講嘅咁樣。」
校長︰「你依家咁姐係點？抗議呀？OKAY，你話有老師支持你，我地依家就叫佢哋過嚟。」
校長叫左書記姐姐搵Miss Hung，Mr. Chan同Mr. Wong過嚟。
校長︰「你哋係咪認為唔應該罰楊世文同學停課？」
我充滿住期待嘅心情，佢哋會為我講好說話，幫我平反。
Miss Hung︰「我覺得咁樣罰係冇問題，對老師唔尊敬應該要俾佢反醒下！」
Mr. Chan︰「我都覺得預先檢定佢有冇能力考好DSE係對佢有用嘅方法嚟，令佢更清楚佢自己嘅水平。」
我眼都大埋咁望住佢地，明明琴日仲係笑笑口咁同我講話「好呀，冇問題，楊世文你要加油呀」。今日就即刻轉晒口面，好似臣子咁奉承個君主，仲要係咁話好好好。
校長︰「OK，依家所有教你嘅老師都同意喇！楊世文，仲有冇問題？」
我喱一刻已經呆到唔知講咩好。