[新手][校園] 當你中六果年先遇到教畜，最好嘅解決辦法就係‧‧‧‧‧‧: 30. 你又嚟搞我？ (三)

「Hey，I said come here at 730am with your parents！」我哋一入嚟，盧毛就西住面鬧我哋。龜sir都留咗係度，間房入面仲有阿死教畜。
 
「你唔講清楚發生啲喵事，我哋唔會叫家長嚟。未審先訂罪呀！」威廉企係中間插住袋講嘢，就好似我哋大佬咁。
 
「你自己做過啲咩事，你自己最清楚。」「你依家即刻同我係部電腦度開你個facebook。」我哋聽到都有啲呆咗，無段段做咩要我哋開facebook。
 
「果啲係我哋嘅社交私隱，你校長都冇權干涉。」喱一刻威廉同力仔就好似我哋嘅代表律師咁。
 
「依家有老師發現你哋係facebook度網絡欺凌，發佈一啲損害他人嘅照片同影片。」我哋都你眼望我眼，到底點解會有人知。喱一刻我哋都開始對對方有啲懷疑，到底邊個係25仔。我哋個group係secret，除咗我哋11個，冇人會知。
 




「一個老師，咁係邊個？你叫佢出嚟對一對質，一條友講嘅嘢就係全部？」威廉係我哋仲呆緊果陣，已經反擊返盧毛。
 
「我唔會話你知，總之佢講嘅係事實就得。你話證據唔夠呀嗎？你開你facebook咪就係證據囉。」對住啲獨裁者，真係佢想點就點。佢可以連人哋舉報啲咩都唔比你知就，迫你認罪。基本上盧毛就當咗自己係超然於所有野，即刻立法即刻司法都得。
 
「你冇野呀，曉唔曉咩係法治呀！係香港，你要入我罪都要提供足夠理據喇，唔係我去prove自己冇罪呀！仲有呀，你連個證人都唔比我哋知，何來公平審訊呀！再者facebook做咩都係言論自由同私隱，係受保障咖。我哋依家過咗十八歲，就唔到你哋管。」有時拋一拋書包真係會嚇到吓人。作為通識全級三甲嘅我當然要拋下些小法治concept出嚟，嚇一嚇盧毛。係同一時間，佢哋個個眼都大埋咁望住我，眼神流露出一絲驚訝，似係唔信我會咁大膽。
 
「依家喱度係學校，我係最大！任何懲處程序我都可以做最終決定！」「喱條入唔到你唔緊要，你之前Christmas Party侮辱校歌仲有老師同埋欺凌同學。喱啲都足夠罰你停課。」我的媽呀，原來hea唱校歌叩不專重學校，玩game大懲罰叫欺凌同學。
 
「咁都得？玩game大懲罰你情我願，唱校歌把聲hea少少就叩唔尊重，咁你都唔專重我喇！」連阿風都忍唔住爆出嚟。
 




「嗱，今次係你自己認喇。我話知你哋purpose係咁，總之係我個尺度，就係唔啱。Mr. Li，Mr. Cheung，點罰好！」你老味呀，根本就係被係莫須有，簡直係「被 欺凌同學」同「被 侮辱學校」。
 
「我認為可以罰佢哋停課。」龜sir啲懲罰十年如一日。「冇錯，周埋我認為佢哋今次嘅錯比較嚴重，要罰重啲，首先唔可以再比佢哋坐停課室咁自由，應該罰佢哋係hall門口一字排開咁企。同埋時間要長啲，例如個半月咁。」你條仆街真係教識我咩叫落井下石，助紂為虐。
 
「但係……」「OK，就咁樣喇！」係龜sir諗住發言果陣，盧毛就已經say咗yes。
 
「喂，你咁姐係體罰姐？」我哋10個都好不滿咁向盧毛抗議。
 
「係又點呀，咁多條罪？加加埋埋差唔多喇！」我哋本來諗住繼續駁，但係威廉就示意叫我哋收一收先。
 




於是，我哋10條友就收咗聲。係行出來嘅時候，我見到威廉插住袋，好似若有所思咁，但係同時流露嘅小小令我有啲心寒嘅笑容。