來到五材書院差不多一個月,呀嫂是見到了,還談了兩句,不過就沒有進一步發展。內功和基本武功因為閒時就自修的關係倒是進步不少,水術和火術因為煉丹有用得到所以也精進了點。說起煉丹,功多藝熟的我煉了不少低級丹藥弄得房間像藥房一樣,還好因為我對傻強有恩所以他沒有甚麽怨言。接下來有一個三天的小假期他還邀我和他們一眾毒撚回中仁城,說要帶我逛青樓見識見識,又說家中有一個酒窖珍藏了幾十酲美酒要讓我品嚐,又說在城郊牧場養了幾匹千里馬一定要讓我騎,完全是二世祖的糜爛生活。

雖然我都想跟他們到青樓飲花酒騎胭脂馬,但之前早已答應楊兄,放假時要跟他匯報情況,何況我也有武學上的疑問要請教他。


 
早前已經跟呀牛兩兄妹約好在書院門口等候,然後一齊往見楊兄。我才接近校門呀牛已經向我揮手﹕「南兄!」

「喂,呀牛,一排無見,好似大隻咗喎。」我一拳打在他結實的胸膛上。



呀牛笑道﹕「還用說嗎? 我每天都很努力修練的!」

小瑩向我微微頷首﹕「南大哥早,很久沒見了......怎麽近來都沒見你來草堂的? 」

自從那天小瑩幫傻強療傷後,我也沒有再見過她了,可能是因為我只顧著在房中煉丹。基本上我除了上課很少外出,連飯也只靠傻強給我帶回來,這些日子有跟我接觸的異性大概就只有和湘兒交流煉丹心得吧。

「哦,我除咗上堂都係留喺房......係喎,我叫湘兒帶比你啲藥你有無食? 」

小瑩點點頭﹕「嗯,我都有吃。」我除了煉那些低級丹藥賺錢之外,還專門煉那個美顏用的白玉凝脂丸,湘兒吃過幾天後確是容光換發,紅粉緋緋,於是拜託她幫我帶些給小瑩,看看能不能稍稍改善一下她的狀況。



「但點解你個樣睇落咁攰嘅? 唔通啲藥無效? 」她的樣子很疲累似的。

小瑩搖搖頭﹕「不是不是,我只是忙著照料栽種的藥材才弄得比較累,跟南大哥的藥沒有關係。」

「哦係呀,攰就早啲瞓啦,唔夠瞓個人就唔靚啦。」我轉頭問呀牛﹕「我比你啲藥啱唔啱食呀? 」

我也有託湘兒幫我帶些藥給呀牛,不過都是一些回復體力、精神力的丹藥。

呀牛道﹕「很好啊!吃完都精力充沛,又可以繼續練功!對了,我學了一套拳法,待會使給你看看。」



我笑道﹕「點止要睇呀? 直情要過兩招添啦!睇吓你夠唔夠我打? 」

「哈哈!來便來!誰怕誰!」
 


我們結伴來到楊兄留宿的客棧,不過他人不在卻只見Lucy。

小瑩道﹕「啊,是路飛!」她伸手就想摸Lucy的頭,但Lucy頭一歪已經避開,並跳到窗框上。

我道﹕「路飛,楊兄喺邊呀? 」

Lucy惡狠狠的瞪著我,似是很不滿路飛這個名字,不過現在有呀牛小瑩在,不能爆粗屌鳩我的她大概谷得一肚氣吧,哈哈!

Lucy「喵」一聲,然後跳上我的頭頂用利爪抓住我的頭皮,輕聲道﹕「跟我嚟啦,仆街仔。」



好撚痛的我想將她抓下來,但轉念一想若果她抓實我的頭皮,我強行扯她下來不是連我的頭皮也遭殃嗎? 所以我唯有忍痛讓她在我頭頂帶路。

我著呀牛和小瑩跟著我,然後輕聲道﹕「喂你可唔可以落地呀? 你啲指甲捉到我好痛呀......」

「唔撚鍾意呀,哈哈!」

屌你隻死臭貓!等你變返人嗰日我就除撚哂你啲衫然後的你去遊街示眾!
 


Lucy領著我們離開了雲天城,再走了半個時辰的路來到一個山谷,看這山谷四野無人,實在非常適合假日一家大細來野餐BBQ。

突然有感身後勁風突起,一股劍氣從後而至,並快速無倫直擊我後腦,我來不及喚出防禦法術,唯有雙腳一蹬向前加速避開,並頭也不回向劍風所處射出一火一水兩個壓縮元素球。



「甚麽人? !」只聽呀牛大喝一聲,他手一抬已經擋住劍氣,然後「砰」一聲,兩個元素球碰撞在一起產生了一陣水蒸氣。

朦朧之中,我聽到嘭砰之聲不絕於耳,呀牛大概已經跟對方動上了手。我趁著蒸氣彌漫,回身將小瑩拉離險境,然後又再回頭跟呀牛一起夾擊敵人。

水蒸氣慢慢散去,我見呀牛使出一套拳法,正勉強抵擋住敵人的樹枝,不過他顯然擋得非常吃力,已經守多攻少,十招只能還到半招,而且身上已經不知捱了多少棍。

我馬上將敵人所踏的地面沙化限制他活動能力,再向他射出數個壓縮火球。

那人雙腿陷入沙中不能移動,但啪啪啪啪數聲過後,他還是以樹枝將所有火球擊散,並同時朝我射出數個金屬箭頭。

金系的?

我放出烈焰盾擋住箭頭,然後以風行術蹤躍過去拉走呀牛,並順勢以數個風刃往他身上斬去。呀牛被我拉開的同時,以流水鞭往他頭頸甩過去。

「嚟得好!」那人丟了木棒一手抓住流水鞭,只見流水鞭竟然瞬間變冰。然後他手一抖,整條鞭碎裂成塊掉在地上。而我發動的風刃術,不知何時竟然消失無蹤。



就在他發出聲音的那一刻,我已感到很熟悉,當看見流水鞭變成了冰,我馬上肯定此人就是楊兄!難怪我使出的風刃術都不知哪裏去了。

我大喊﹕「楊兄!」

此時蒸氣剛好散去,露出楊兄不修邊幅的樣子,他哈哈笑道﹕「好耐無見,兩位兄弟!」

呀牛喜道﹕「啊!原來是楊大哥!」

我一拳打過去,笑駡﹕「咩料呀你,一嚟到聲都唔出就開拖。」

「哈!考吓你哋嘛,睇吓你哋啲功夫有無退步到。」他向呀牛笑道﹕「呀牛你頭先用嘅係新拳法? ok喎。」

呀牛有點不好意思﹕「那有甚麼了不起,還不是被大哥你打得毫無還手之力? 」



「唔好咁講,一個月有咁嘅成果已經唔錯。你同小瑩而家去打啲野味返嚟一陣做晏晝飯,等你返嚟再指點你一下。」

呀牛聞言大喜,然後馬上帶著小瑩打獵去了。

我拉著楊兄坐下﹕「楊兄,呀嫂呢,我前一排見過一面,仲成功傾到兩句。」

楊兄聞言大喜﹕「真嘅? !咁......」

「之但係呢......」我瞥見Lucy正豎直耳朵在旁偷聽,於是有點猶豫要不要說出來。

「之但係咩? 快啲講啦!」

我又瞄了Lucy一眼,心想這個Lucy,給她聽到情敵消息真的沒所謂嗎?

算了......還是別想無聊事......

「就咁,佢係金系三年級精英班嘅,佢一年級嗰陣攞過五行術大賽冠軍,而家應該都係全校嘅十大高手之一。不過...不過我問過佢,佢完全唔識你,而且都唔知自己叫Cherry。」

楊兄若有所思﹕「咁呀......」

其實我有點事情很在意,於是我問﹕「楊兄,我想問吓...其實呀嫂,即係Cherry個性格係點㗎? 」

楊兄遙望遠方回憶從前﹕「佢呀,雖然佢好柔弱,但係好堅強,遇到咩事都唔會放棄自己......」他露出微笑﹕「佢又溫柔,又體貼,又會照顧人......」

就是這回事!我正奇怪怎麼楊兄會娶那樣的女人!那個龍卓翎跟楊兄形容的根本是兩個人!

我打斷了他的回憶,道﹕「楊兄即係咁,雖然我只係見過佢一面同佢講過幾句,但我覺得佢嘅性格,同你形容嘅差九萬丈咁遠囉!佢完全係霸道、自大、惡、仲有eq低,你話佢柔弱......我真係睇唔到佢邊忽弱囉。」

楊兄喃喃自語﹕「咁...咁我點先可以喚起佢嘅記憶? 定係...呢個根本唔係佢? 只係人有相似? 但係......佢哋無理由會呃我......抑或...我只係佢哋嘅另一場節目? 唔通我要見多佢哋一次? ......」

佢哋? 佢哋係邊個? 楊兄比邊個呃? 佢又要見邊個?

我正想追問,楊兄就說﹕「唔緊要,雖然我而家都唔肯定有無搵錯人,不過你繼續觀察住佢先。仲有,你有無諗到有咩方法攞到校長粒玻璃球? 」

「有一個可能性,就係喺五行術大賽上面攞冠軍,冠軍會有獎品,上年個獎品係願望一個。」

「嗯...你打算贏冠軍再叫校長比你? 我諗佢無咁順攤。而且冠軍喎,你估咁易攞? 」

我兩手一攤﹕「咁總易過喺校長手上強搶啩? 」

楊兄點頭同意﹕「咁你又啱......」他頓了一頓,道﹕「既然係咁,我就將獨孤九劍傳授比你啦!」

獨孤九劍? !獨孤九劍? !真係獨孤求敗套獨孤九劍? !風清揚教令狐沖嗰套獨孤九劍? !

「獨......獨...獨孤...孤...九劍劍......」我已經開心到語無論次。

楊兄拍一拍我膊頭,大笑﹕「哈哈哈!我講笑咋!呢度有鬼獨孤九劍咩? 起身啦,真係教你劍法呀。」

我破口大駡﹕「我屌你咩!仆你個街嚇到我個心離一離呀!」

唉......早知絕世武功無咁易學到,邊有咁多獨孤九劍降龍十八掌吖,一街都係就唔係絕學啦............
已有 0 人追稿